କେଜ୍ରିୱାଲଙ୍କ ଗିରଫ ନେଇ ଜର୍ମାନୀ ବିଦେଶ ମନ୍ତ୍ରାଳୟର ବୟାନ । ନାରାଜ ଜାହିର କଲା ଭାରତ । ପଢନ୍ତୁ, କଣ କହିଲା ଭାରତର ବିଦେଶ ମନ୍ତ୍ରାଳୟ…
କନକ ବ୍ୟୁରୋ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀକୁ ନେଇ ଜର୍ମାନୀର ବିଦେଶ ମନ୍ତ୍ରାଳୟର ଜଣେ ପ୍ରବକ୍ତା ଟିପ୍ପଣୀ ରଖିବା ପରେ, ଏହାକୁ ନେଇ ଆପତ୍ତି ଜଣାଇଛି ଭାରତ । ଏ ସମ୍ପର୍କରେ ଭାରତ ନିଜର ଆପତ୍ତି ଜଣାଇବା ସହିତ ଜର୍ମାନୀର ଉପ-ପ୍ରମୁଖଙ୍କୁ ଅଭିଯୋଗ ଜଣାଇଛି । ବିଦେଶ ମନ୍ତ୍ରାଳୟ ନିଜ ବୟାନରେ କହିଛି, ନୂଆଦିଲ୍ଲୀରେ ଆଜି ଜର୍ମାନ ମିଶନର ଉପ-ପ୍ରମୁଖଙ୍କୁ ଡକାଯାଇଥିଲା । ଆଉ ଆମର ଅନ୍ତରୀଣ ମାମଲାରେ ଟିପ୍ପଣୀ କରିବାକୁ ନେଇ ଆପତ୍ତି ଜଣାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଖାଲି ସେତିକି ନୁହେଁ, ଭାରତ ତରଫରୁ କୁହାଯାଇଛି ଯେ, ଭାରତ ହେଉଛି ଆଇନର ଶାସନ ଚାଲୁଥିବା ଏକ ଜୀବନ୍ତ ଓ ମଜଭୁତ୍ ଗଣତନ୍ତ୍ର । ବିଶ୍ୱର ଅନ୍ୟ ସମସ୍ତ ସ୍ଥାନରେ ଆଇନ୍ ଓ ଗଣତନ୍ତ୍ର ଯେଉଁଭଳି କାମ କରେ, ସେହିଭଳି ଏଠାରେ ମଧ୍ୟ ଆଇନ୍ କାନୁନ୍ ତକ୍ରାଳ ପ୍ରଭାବରେ କାମ କରିବ । ଏ ସମ୍ପର୍କରେ ପକ୍ଷପାତପୂର୍ଣ୍ଣ ଧାରଣା ଅନୁଚିତ୍ ବୋଲି କୁହାଯାଇଛି ।
ସୂଚନାଯୋଗ୍ୟ ଯେ, ମାର୍ଚ୍ଚ ୨୧ ତାରିଖରେ ରାତିରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଗିରଫ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ଦିଲ୍ଲୀ ଅବକାରୀ ନୀତି ମାମଲାରେ ଇଡି କେଜ୍ରିୱାଲଙ୍କୁ ଗିରଫ କରିଛି । ଏହାପରଠୁ ଭାରତରେ ବିରୋଧୀ ଦଳ ଏହାକୁ ନେଇ ସରକାର ଉପରେ ବର୍ଷିଥିବାବେଳେ, କେନ୍ଦ୍ର ସରକାର କିନ୍ତୁ ଆଇନ୍ ଅନୁଯାୟୀ ଇଡି ଗିରଫ କରିଥିବା କଥା କହୁଛି ।