ଦେଶରେ ଉପୁଜିପାରେ ବିଦ୍ୟୁତ ସଙ୍କଟ : କୋଇଲା ଅଭାବ ପାଇଁ କେନ୍ଦ୍ର ସରକାରଙ୍କୁ ସମସ୍ୟା ଜଣାଇଲେ ବିଭିନ୍ନ ରାଜ୍ୟର ମନ୍ତ୍ରୀ
ସେପଟେ ବିଦ୍ୟୁତ ସମସ୍ୟା ନେଇ କୋଇଲା ମନ୍ତ୍ରୀ, ଶକ୍ତିମନ୍ତ୍ରୀ ଓ ଏନଟିପିସି ସହ ଆଲୋଚନା କଲେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ
କନକ ବ୍ୟୁରୋ : ଖୁବଶୀଘ୍ର ଭାରତରେ ଉପୁଜିପାରେ ବିଦ୍ୟୁତ ସଙ୍କଟ । କାରଣ ଦେଶରେ ସରି ସରି ଆସୁଛି ଗଚ୍ଛିତ କୋଇଲି । କୋଇଲାର ସଙ୍କଟ ପାଇଁ ଆଗକୁ ବିଦ୍ୟୁତ ସମସ୍ୟା ଉତ୍କଟ ହୋଇପାରେ ବୋଲି ଏବେ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀମାନେ କେନ୍ଦ୍ର ସରକାରଙ୍କୁ ଚିଠି ଲେଖିଲେଣି । କୋଇଲା ସଙ୍କଟ ଯୋଗୁ ବିଦ୍ୟୁତ୍ ଯୋଗାଣ ଉପରେ ପ୍ରଭାବ ପଡିବା ଆରମ୍ଭ କଲାଣି । ଯାହାକୁ ନେଇ ବିଭିନ୍ନ ରାଜ୍ୟ ସରକାରଙ୍କ ଚିନ୍ତା ବଢିବାରେ ଲାଗିଲାଣି । ରାଜସ୍ଥାନ, ମହାରାଷ୍ଟ୍ର, ଦିଲ୍ଲୀ, ବିହାର ସମେତ ଅନେକ ରାଜ୍ୟରେ ବିଦ୍ୟୁତ ଯୋଗାଣରେ ପ୍ରଭାବ ପଡିଥିବା ଦେଖିବାକୁ ମିଳୁଛି । ଫଳରେ ବିଭିନ୍ନ ରାଜ୍ୟ ସରକାର ଚିଠି ଲେଖି କୋଇଲା ସଂକଟକୁ ଯଥାଶୀଘ୍ର ସମାଧାନ କରିବାକୁ ପ୍ରଧାନମନ୍ତ୍ରୀ ମୋଦିଙ୍କୁ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦେଶରେ କୋଇଲା ସଙ୍କଟ ଚର୍ଚ୍ଚା ଭିତରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ଭେଟିଛନ୍ତି କେନ୍ଦ୍ର ଶକ୍ତି ମନ୍ତ୍ରୀ ଆର.କେ ସିଂହ ଏବଂ କୋଇଲା ମନ୍ତ୍ରୀ ପ୍ରହ୍ଲାଦ ଜୋଶୀ ଏବଂ ଏନଟିପିସିର ଅଧିକାରୀ । ଦେଶରେ ଥିବା ମୋଟ୍ କୋଇଲା ଖଣିରୁ ୧୩୫ଟି କୋଇଲା ଖଣି ୭୦ ପ୍ରତିଶତ ବିଜୁଳି ଯୋଗାନ୍ତି ।ଏହି ଖଣିରେ ଏବେ କୋଇଲାର ଅଭାବ ରହିଛି । ଯେତକ କଂଚାମାଲ ରହିଛି ତାହା ୩ ଦିନ ପରେ ଶେଷ ହୋଇଯିବ । ତେଣୁ ସାରା ଦେଶରେ ଏକ ପ୍ରକାର ବିଜୁଳି ସଂକଟ ଦେଖା ଦେବ ବୋଲି କୁହାଯାଉଛି । ତେବେ ସେନଟ୍ରାଲ କୋଲଫିଲ୍ଡସ ଲିମିଟେଡର ସିଏମଡି ପିଏମ୍ ପ୍ରସାଦ କହିଛନ୍ତି ଏବେ ସେମିତି କୌଣସି କୋଇଲାର ସଙ୍କଟ ନାହିଁ । ଯେହେତୁ ଦେଶରେ ଅତ୍ୟଧିକ କୋଇଲା ଉତ୍ପାଦନ ହୋଇଛି ତେଣୁ କୋଇଲା କମ୍ ମହଜୁଦ ରହିଛି । ରବିବାର ଏହି ପ୍ରସଙ୍ଗରେ ଶକ୍ତି ମନ୍ତ୍ରୀ କହିଥିଲେ ଦେଶରେ ବିଜୁଳି ସଙ୍କଟ ନାହିଁ । ବିଜୁଳି ସଙ୍କଟ ନେଇ ଯେଉଁ ପରିସ୍ଥିତି ଉପୁଜିଛି ଏହାର କୌଣସି ସତ୍ୟତା ନାହିଁ ।