ବିବାଦୀୟ ଲଦାଖ ଅଂଚଳରୁ ସୈନ୍ୟ ପ୍ରତ୍ୟାହାର କରିବ ଚୀନ୍: ଦୁଇ ଦେଶର ଆଲୋଚନା ପରେ ସହମତି ଦେଖାଇଲା ଡ୍ରାଗନ୍
ପ୍ୟୋଙ୍ଗଙ୍ଗ୍ ଅଂଚଳରୁ ପଛକୁ ହଟିବା ନେଇ ଆଗାମୀ ସପ୍ତାହରେ ପୁଣି ହେବ ଆଲୋଚନା
କନକ ବ୍ୟୁରୋ: ବିବାଦୀୟ ଲାଇନ୍ ଅଫ୍ ଆକଚୁଆଲ୍ କଂଟ୍ରୋଲ ବା ଏଲଏସିରୁ ହଟିବ ଚୀନ୍ ସେନା । ଭାରତ ସହିତ ଆଲୋଚନା ପରେ ଏଥିରେ ସହମତି ଦେଖାଇଛି ଚୀନ୍ । ଗଲୱାନ୍ ଘାଟିରୁ ସୈନ୍ୟ ପ୍ରତ୍ୟାହାରକରିଥିଲେ ମଧ୍ୟ ଚୀନ୍ ପ୍ୟାଙ୍ଗୋଙ୍ଗ୍ ଓ ହଟସ୍ପିରିଙ୍ଗ୍ ଅଂଚଳକୁ ପଛକୁ ହଟିନାହିଁ । ସେଠାରେ ଚୀନ୍ ପ୍ରାୟ ୪୦ ହଜାର ସୈନ୍ୟ ମୁତୟନ କରିବା ସହିତ ସ୍ଥାୟୀ ନିର୍ମାଣ କରିଛି । ଏହାକୁ ନେଇ ଭାରତ ଚିନ୍ତା ପ୍ରକଟ କରିବା ପରେ ଦୁଇ ଦେଶର ସାମରିକ ଅଧିକାରୀ ସ୍ତରୀୟ ଆଲୋଚନା ହୋଇଛି । ଭାରତ ଓ ଚୀନ୍ ସୀମାରେ ସ୍ଥିରତା ବଜାୟ ରଖିବା ପାଇଁ ହୋଇଥିବା ବୈଠକରେ ଚୀନ୍ ସୈନ୍ୟ ପ୍ରତ୍ୟାହାର ପାଇଁ ସହମତି ଦେଖାଇଛି ।
Kanak News is now on WhatsApp
Join and get latest news updates delivered to you via WhatsApp
ଭିଡିଓ କନଫରେନ୍ସିଂ ଜରିଆରେ ହୋଇଥିବା ଆଲୋଚନାରେ ଭାରତ ସ୍ପଷ୍ଟ କରିଦେଇଛି ଲଦାଖ ଅଂଚଳରେ ଏହା ଆଗରୁ ସୈନ୍ୟ ପ୍ରତ୍ୟାହାର ନେଇ ଚୀନ୍ ଏହା ଆଗରୁ ଦୁଇଟି ବୈଠକରେ ଯେଉଁ ସହମତି ଦେଖାଇଥିଲା ତାହାକୁ ପାଳନ କରୁ । ସୀମାରେ ପୂର୍ବ ସ୍ଥିତି ନଫେରିଲେ ଦୁଇ ଦେଶର ସଂପର୍କକୁ ପ୍ରଭାବିତ କରିବ । ଆସନ୍ତା ସପ୍ତାହରେ ସୀମାରୁ ସୈନ୍ୟ ପ୍ରତ୍ୟାହାର ନେଇ ଭାରତ ଓ ଚୀନ୍ ମଧ୍ୟରେ ଆଉ ଏକ ବୈଠକ ହେବ ବୋଲି ସୂଚନା ମିଳିଛି । ପାଟ୍ରୋଲିଂ ପଏଂଟ ୧୪, ୧୫ ଏବଂ ୧୭ ଏରୁ ଚୀନ୍ ସୈନ୍ୟ ପ୍ରତ୍ୟାହାର କରିଥିଲେ ମଧ୍ୟ , ପାଟ୍ରୋଲିଂ ପଏଂଟ ୧୪ ପଛକୁ ହଟିବାକୁ ଚୀନ୍ ଚାଲ୍ ଖେଳୁଥିବାରୁ ଚୀନର ସୈନ୍ୟ ପ୍ରତ୍ୟାହାର ପ୍ରକ୍ରିୟା ଉପରେ ନଜର ରଖିଛି ଭାରତ ।