କନକ ବ୍ୟୁରୋ : ବୁଧବାର ଦିଲ୍ଲୀରେ ବସିଥିଲା ଇଣ୍ଡିଆ ମେଂଟ ସମନ୍ୱୟ କମିଟି ବୈଠକ । ୨୬ଦଳଙ୍କୁ ନେଇ ଗଠିତ ମେଂଟ ବୈଠକରେ ଆଗାମୀ ଲୋକସଭା ନିର୍ବାଚନକୁ ନେଇ ରଣନୀତି ପ୍ରସ୍ତୁତ ହୋଇଥିବା କୁହାଯାଉଛି । ବିଶେଷ କରି ବେକାରୀ ସମସ୍ୟା, ଦରଦାମ ବୃଦ୍ଧି, ଦୁର୍ନୀତିକୁ ମୁଖ୍ୟ ପ୍ରସଙ୍ଗ କରି ସରକାରଙ୍କୁ ଘେରିବାକୁ ଲକ୍ଷ୍ୟ ରଖିଛି ମେଂଟ । ଏହି କ୍ରମରେ ଭୋପାଳରେ ହେବାକୁ ଯାଉଛି ପ୍ରଥମ ବିଶାଳ ରାଲି । ତେବେ ଯାହା ଉପରେ ସମସ୍ତଙ୍କ ନଜର ରହିଛି ସେ ହେଉଛି ମେଂଟ ଭିତରେ ଆସନ ଭାଗବଂଟା । ସମନ୍ୱୟ କମିଟି ବୈଠକରେ ଏନେଇ କିଛି ଗୁୁରୁତ୍ୱପୂର୍ଣ୍ଣ ନିଷ୍ପତି ନିଆଯାଇନି ଓ ଆଗାମୀ ବୈଠକରେ ନିଆଯିବ ବୋଲି ମେଂଟ ସଦସ୍ୟ କହିଛନ୍ତିା
Kanak News is now on WhatsApp
Join and get latest news updates delivered to you via WhatsApp
ଚର୍ଚ୍ଚା ହେଉଛି ବିରୋଧୀ ମେଂଟ ସଦସ୍ୟ ଯେଉଁ ସବୁ ଆସନ ପୂର୍ବରୁ ଅକ୍ତିଆର କରିଛନ୍ତି ସେଠାରେ କୌଣସି ବୁଝାମଣା ହେବନି । ଏଠାରେ ସେମାନେ ନିଜ ନିଜର ପ୍ରାର୍ଥୀ ଦେବେ । ବିଜେପି ଯେଉଁ ଆସନ ଦଖଲ କରିଛି ସେଠାରେ ପ୍ରାର୍ଥୀ ଦେବାକୁ ବୁଝାମଣା ହୋଇପାରେ । ଏନେଇ ନ୍ୟାଶନାଲ କନଫେରେନ୍ସ ନେତା ଉମର ଅବଦୁଲା ସୂଚନା ଦେଇଛନ୍ତି ।
ମିଳିଥିବା ସୂଚନା ଅନୁସାରେ ମେଂଟର ପ୍ରଥମ ସମନ୍ୱୟ କମିଟି ବୈଠକରେ ଜାତିଭିତିକ ଜନଗଣନା ଠୁ ନେଇ ଆସନ ବୁଝାମଣା ପର୍ଯ୍ୟନ୍ତ ଆଲୋଚନା କରାଯାଇଛି । ଏଥିସହ ଗଣମାଧ୍ୟମର ଭୂମିକା ସମ୍ପର୍କରେ ମଧ୍ୟ ଚର୍ଚ୍ଚା ହୋଇଛି । ଏକପାଖିଆ ଖବର ପ୍ରସାରଣକୁ ବିରୋଧ କରିଛି ମେଂଟ । କିଛି ନିର୍ଦ୍ଧିଷ୍ଟ ଟିଭି ଚ୍ୟାନେଲର ଆଙ୍କର ମାନଙ୍କ ଶୋ’କୁ ବୟକଟ କରିବାକୁ ମଧ୍ୟ ବୈଠକରେ ନିଷ୍ପତି ନେଇଛି ଇଣ୍ଡିଆ ମେଂଟର ମିଡିଆ ସବ କମିଟି