ଜୁନିୟର୍ ହକି ବିଶ୍ୱକପ : ଫ୍ରାନ୍ସ ବିପକ୍ଷରେ କଡ଼ା ଟକ୍କର ଦେଇଥିଲେ ବି ଶେଷରେ ହାରିଲା ଭାରତ
କନକ ବ୍ୟୁରୋ : ଭାରତ ଜୁନିଅର ହକି ବିଶ୍ୱକପରେ ଏହାର ପ୍ରଥମ ମ୍ୟାଚରେ ହାରିଲା ଭାରତ । ଫ୍ରାନ୍ସ ବିପକ୍ଷରେ କଡା ଟକ୍କର ଦେଇଥିଲେ ବି ଭାରତୀୟ ଦଳକୁ ପରାଜୟର ମୁହଁ ଦେଖିବାକୁ ପଡ଼ିଛି । ଫ୍ରାନ୍ସ ପ୍ରଥମ ୫୦ ସେକେଣ୍ଡରେ ହିଁ ଗୋଲ୍ କରି ଭାରତକୁ ବେକଫୁଟକୁ ଠେଲି ଦେଇଥିଲା । ଫ୍ରାନ୍ସ ତରଫରୁ ଅଧିନାୟକ ଟିମୋଥି କ୍ଲିମେଂଟ ସର୍ବାଧିକ ୩ଟି ଗୋଲ୍ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ କ୍ୱାର୍ଟର ସୁଦ୍ଧା ଉଭୟ ଦଳ ୨-୨ରେ ରହିଥିଲେ । ହେଲେ ଫ୍ରାନ୍ସ ଦ୍ୱିତୀୟ, ତୃତୀୟ ଏବଂ ଚତୁର୍ଥ କ୍ୱାର୍ଟରରେ ଗୋଟିଏ ଲେଖାଏଁ ଗୋଲ୍ ଦେଇ ୫-୩ରେ ଆଗୁଆ ରହିଥିଲା । କିନ୍ତୁ ଶେଷ କ୍ୱାର୍ଟରର ଶେଷ ୪ ମିନିଟରେ ଖେଳ ରୋମାଂଚକର ହୋଇଥିଲା । ଭାରତ ତରଫରୁ ଲଗାତର ଦଇଥିଲେ ଉପ ଅଧିନାୟକ ସଞ୍ଜୟ । ଏହା ସହିତ ଏହି ମ୍ୟାଚରେ ସଞ୍ଜୟ ଭାରତ ତରଫରୁ ସର୍ବାଧିକ ୩ଟି ଗୋଲ୍ କରିଥିଲେ ।
ପ୍ରଥମ ଦିନରେ ମୋଟ ୫ଟି ମ୍ୟାଚ୍ ଖେଳାଯାଇଥିଲା। ସେଥିରେ ବେଲଜିୟମ, ଜର୍ମାନି, ମାଲେସିଆ, ପୋଲାଣ୍ଡ ଓ ଫ୍ରାନ୍ସ ବିଜୟୀ ହୋଇଥିଲେ । ପ୍ରଥମ ମୁକାବିଲାରେ ବେଲଜିୟମ ୫-୧ ଗୋଲ୍ରେ ଦକ୍ଷଣ ଆଫ୍ରିକାକୁ ପରାସ୍ତ କରିଥିଲା । ସେହିଭଳି ଜର୍ମାନି ୫-୨ରେ ପାକିସ୍ତାନକୁ, ମାଲେସିଆ ୨-୧ରେ ଚିଲିକୁ, ପୋଲାଣ୍ଡ ୧-୦ରେ କାନାଡାକୁ ଏବଂ ଶେଷ ମ୍ୟାଚ୍ରେ ଫ୍ରାନ୍ସ ୫-୪ ଗୋଲ୍ରେ ଭାରତକୁ ପରାସ୍ତ କରିଥିଲା । ଆୟୋଜକ ଭାରତ-ଫ୍ରାନ୍ସ ମ୍ୟାଚ୍ ବେଶ୍ ସଂଘର୍ଷ ପୂର୍ଣ୍ଣ ରହିଥିଲା। ଏହି ମ୍ୟାଚ୍ର ପ୍ରଥମ କ୍ବାର୍ଟରରେ ୪ ଗୋଲ୍ ସହ ୯ଟି ଗୋଲ୍ ଦେଖିବାକୁ ମିଳିଥିଲା ।
ଫ୍ରାନ୍ସର ଅଧିନାୟକ କ୍ଲେମେଣ୍ଟ ତିମୋଥି ଓ ଭାରତର ସଞ୍ଜୟ ହ୍ୟାଟ୍ରିକ୍ ଗୋଲ୍ ଦେଇଥିଲେ। ହେଲେ ଲଢ଼ୁଆ ଖେଳ ଖେଳିବା ସତ୍ତ୍ବେ ଭାରତ ଦୁର୍ଭାଗ୍ୟଜନକ ଭାବେ ଗୋଟିଏ ଗୋଲ୍ ବ୍ୟବଧାନରେ ପରାଜିତ ହୋଇଥିଲା । ସୂଚନାଯୋଗ୍ୟ ଯେ ଏହି ପ୍ରତିଯୋଗିତା ଡିସେମ୍ବର ୫ ତାରିଖ ପର୍ଯ୍ୟନ୍ତ ଚାଲିବ। ଏଥିରେ ମୋଟ ୪୮ ମ୍ୟାଚ୍ ଖେଳାଯିବ । ତେବେ କରୋନା ସତର୍କତା ଏବଂ କଟକଣା ଲାଗି ବିନା ଦର୍ଶକରେ ବିଶ୍ବକପ୍ ଭଳି ବଡ଼ ପ୍ରତିଯୋଗିତା ଆୟୋଜିତ ହେଉଥିବାରୁ ଓଡ଼ିଶା ହକିପ୍ରେମୀ ନିରାଶ ହୋଇଛନ୍ତି ।