୬ ମାସ ହେବ ପାକିସ୍ତାନରେ ଫସିରହିଛି ଭାରତ ଟ୍ରେନର ବଗି । ତୁରନ୍ତ ଫେରାଇବା ପାଇଁ ଇସ୍ଲାମାବାଦକୁ କହିଲା ନୂଆଦିଲ୍ଲୀ ।

510

କନକ ବ୍ୟୁରୋ : ପାକିସ୍ତାନରେ ଫସିରହିଛି ଭାରତ ଟ୍ରେନର ବଗି । ଗତ ୨୦୧୯ ଅଗଷ୍ଟ ମାସରେ ଜାମ୍ମୁକାଶ୍ମୀରରୁ ଧାରା ୩୭୦ ହଟିବା ପରେ ଭାରତ ଏବଂ ପାକିସ୍ତାନ ମଧ୍ୟରେ ତିକ୍ତତା ଆହୁରି ବଢିଯାଇଛି । ଯେଉଁଥିପାଇଁ ଦୁଇ ଦେଶ ମଧ୍ୟରେ ରେଳସେବା ମଧ୍ୟ ବନ୍ଦ ହୋଇଯାଇଛି । ଆଉ ଏହାରି ଭିତରେ ପାଖାପାଖି ୫ ମାସ ତଳେ ପାକିସ୍ତାନ ଯାଇଥିବା ସମଝୌତା ଏକ୍ସପ୍ରେସର ବଗିଗୁଡିକୁ ଫେରାଇବା ପାଇଁ କହିଛନ୍ତି ଭାରତ ସରକାର ।

୨୦୧୯ ଅଗଷ୍ଟ ମାସ ୮ ତାରିଖରୁ ଭାରତ-ପାକିସ୍ତାନ ମଧ୍ୟରେ ରେଳସେବାକୁ ବନ୍ଦ କରିଥିଲେ ଇମ୍ରାନ ସରକାର । ଆଉ ସେବେଠାରୁ ଶତ୍ରୁ ଦେଶରେ ଅଟକି ରହିଥିବା ସମଝୌତା ଏକ୍ସପ୍ରେସର ଖାଲି ବଗିଗୁଡିକୁ ତୁରନ୍ତ ଭାରତକୁ ଫେରାଇବା ପାଇଁ ଇସ୍ଲାମାବାଦକୁ କହିଛନ୍ତି ଭାରତ ସରକାର । ଦୁଇ ଦେଶ ମଧ୍ୟରେ ପୂର୍ବରୁ ଉତ୍ତେଜନା ଲାଗି ରହିଥିବା ବେଳେ କାଶ୍ମୀରରୁ ଧାରା ୩୭୦ ହଟିବା ପାକିସ୍ତାନକୁ ଅଧିକ ବିଚଳିତ କରିଦେଇଛି ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.