ଟୁ ପ୍ଲସ ଟୁ ବୈଠକରେ ଗୁରୁତ୍ୱପୂର୍ଣ୍ଣ ଚୁକ୍ତି ସ୍ୱାକ୍ଷରିତ ! ଭାରତକୁ ନାଟୋ ଦେଶ ସମକକ୍ଷ ମାନ୍ୟତା ଦେଲା ଆମେରିକା ।
କନକ ବ୍ୟୁରୋ : ଭାରତ ଓ ଆମେରିକା ମଧ୍ୟରେ ଏକ ଐତିହାସିକ ଚୁକ୍ତି ସ୍ୱାକ୍ଷରିତ ହୋଇଛି । ଉଭୟ ରାଷ୍ଟ୍ର ମଧ୍ୟରେ ପ୍ରଥମ ଟୁ ପ୍ଲସ ଟୁ ବୈଠକରେ କମ୍ୟୁନିକେସନ୍ସ କମ୍ପାଟିବଲିଟି ଆଣ୍ଡ ସିକ୍ୟୁରିଟି ଏଗ୍ରିମେଂଟ ବା କମକାସା ସ୍ୱାକ୍ଷରିତ ହୋଇଛି । ଯାହା ଫଳରେ ଆମେରିକାର ଅତ୍ୟାଧୁନିକ ଓ ସମ୍ବେଦନଶୀଳ ପ୍ରତିରକ୍ଷା କ୍ଷେପଣାସ୍ତ୍ର ପାଖରେ ପହଂଚି ପାରିବ ଭାରତ । ଏହାସହ ଆମେରିକା ପାଇଁ ଭାରତ ନାଟୋ ଦେଶର ମାନ୍ୟତାରେ ରହିବ । ଏହା ଦ୍ୱାରା ଭାରତ, ଚୀନ ଓ ଅନ୍ୟ ପଡୋଶୀ ରାଷ୍ଟ୍ର ଉପରେ ତୀକ୍ଷ୍ମ ନଜର ରଖିପାରିବ । କେବଳ ଏତିକି ନୁହେଁ ଋଷଠାରୁ ପ୍ରସ୍ତାବିତ ମିଜାଇଲ ଡିଫେନ୍ସ ସିଷ୍ଟମ କିଣିବା ପ୍ରସଙ୍ଗରେ ବି ଭାରତ ଉପରେ ଆମେରିକା କୌଣସି କଟକଣା ଲଗାଇବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
କମ୍ୟୁନିକେସନ୍ସ କମ୍ପାଟିବଲିଟି ଆଣ୍ଡ ସିକ୍ୟୁରିଟି ଏଗ୍ରିମେଂଟ ସ୍ୱାକ୍ଷର ହେବା ପରେ ଆମେରିକାର ଅତ୍ୟାଧୁନିକ ଅସ୍ତ୍ରଶସ୍ତ୍ର ସହ ଡ୍ରୋନ ମଧ୍ୟ ଭାରତ ପାଖରେ ପହଂଚି ପାରିବ । ଉଭୟ ରାଷ୍ଟ୍ର ଏବେ ଆତଙ୍କବାଦ ବିରୋଧରେ ମିଳିତ ଲଢେଇ କରିବେ ବୋଲି ସହମତି ପ୍ରକାଶ ପାଇଛି । ଏହା ବ୍ୟତିତ ଭାରତକୁ ଆଉ ଏକ ବଡ ସଫଳତା ମିଳିଛି । ଆତଙ୍କବାଦୀ ଦାଉଦ ଇବ୍ରାହିମ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ନେବାକୁ ଆମେରିକା କହିଛି । ଅନେକ ଆତଙ୍କବାଦୀ ସଙ୍ଗଠନ ବିରୋଧରେ କାର୍ଯ୍ୟାନୁଷ୍ଠାନ ନେବା ପାଇଁ ଆମେରିକା କହିଛି । ଏଥି ସହ ଦାଉଦ ଇବ୍ରାହିମକୁ ଖୋଜି ବାହାର କରିବା ପାଇଁ ଭାରତକୁ ସମସ୍ତ ପ୍ରକାର ସହଯୋଗ କରିବ ବୋଲି ଆମେରିକା କହିଛି ।