ନଦୀରେ ଫରଫର ଉଡିଲା ତ୍ରିରଙ୍ଗା । ସ୍ବାଧୀନତା ଦିବସ ଅବସରରେ ଦୟା ନଦୀରେ ତ୍ରିରଙ୍ଗା ଯାତ୍ରା ଅନୁଷ୍ଠିତ

କନକ ବ୍ୟୁରୋ : ନଦୀରେ ଫରଫର ଉଡିଲା ତ୍ରିରଙ୍ଗା । ଡଙ୍ଗାରେ ବସି ନିଆରା ଢଙ୍ଗରେ ତ୍ରିରଙ୍ଗା ଯାତ୍ରା ପାଳନ କରିଛନ୍ତି ସତ୍ୟବାଦୀ ବିଧାୟକ ଓମ ପ୍ରକାଶ ମିଶ୍ର । ୭୮ତମ ସ୍ବାଧୀନତା ଦିବସ ଅବସରରେ ଦୟା ନଦୀରେ ତ୍ରିରଙ୍ଗା ଯାତ୍ରା ଅନୁଷ୍ଠିତ ହୋଇଛି । କଣାସ ବ୍ଲକ ଦୋକନ୍ଦା ମେଳଣ ପଡ଼ିଆଠାରୁ ଚିପୁରିଙ୍ଗ ନଦୀ ଘାଟ ଯାଏ ୪ କିଲୋମିଟର ନଦୀରେ ତ୍ରିରଙ୍ଗା ଧରି ଯାତ୍ରା କରିଛନ୍ତି ବିଧାୟକ । ଏହି ଯାତ୍ରାରେ ପ୍ରାୟ ୨୦୦ ଲୋକ ସାମିଲ ହୋଇଛନ୍ତି ।

ତେବେ ଏହି କାର୍ଯ୍ୟକ୍ରମରେ ସମ୍ବାଦ ଗ୍ରୁପ ପକ୍ଷରୁ ପରିବେଶ ସୁରକ୍ଷା ପାଇଁ ଆରମ୍ଭ ହୋଇଥିବା ଅଭିଯାନକୁ ସ୍ବାଗତ କରିଛନ୍ତି ବିଧାୟକ । ଏଥିସହ ପ୍ରଧାନମନ୍ତ୍ରୀଙ୍କ ଆହ୍ବାନ କ୍ରମେ ପ୍ରତ୍ୟେକ ବ୍ୟକ୍ତିଙ୍କୁ ଗଛ ଲଗାଇବାକୁ ସେ ଆହ୍ବାନ କରିଛନ୍ତି ।