କନକ ବ୍ୟୁରୋ : ଭାରତୀୟ ଟେଷ୍ଟ କ୍ରିକେଟ ଟିମର କ୍ୟାପଟେନ ଭାବେ ଚୟନ ହେବା ପରେ ଜସପିତ୍ ବୁମରା ଏକ ବିଶ୍ୱ ରେକର୍ଡର ଅଧିକାରୀ ହୋଇଛନ୍ତି । ଇଂଲଣ୍ଡ ମାଟିରେ ଇଂଲଣ୍ଡ ବିରୋଧରେ ଗୋଟିଏ ଓଭରରେ ୩୫ ରନ କରି ଟେଷ୍ଟ କ୍ରିକେଟର ଥିବା ସମସ୍ତ ପୂର୍ବ ରେକର୍ଡକୁ ଭାଙ୍ଗିଛନ୍ତି ଏହି ଭାରତୀୟ କ୍ରିକେଟର ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଇଂଲଣ୍ଡ ବିରୋଧରେ ପଞ୍ଚମ ଟେଷ୍ଟରେ ଭାରତୀୟ ଦଳ ୪୧୬ ରନ କରି ଅଲ ଆଉଟ ହୋଇଛି । ଋଷଭ ପନ୍ତ ଓ ରବିନ୍ଦ୍ର ଜାଡେଜା ଏହି ଟେଷ୍ଟମ୍ୟାଚରେ ଶତକ ହାସଲ କରିଛନ୍ତି । ହେଲେ ଏହି ଟେଷ୍ଟମ୍ୟାଚରେ ନିଜ ବ୍ୟାଟର ଯାଦୁ ଦେଖାଇଛନ୍ତି କ୍ୟାପଟେନ ଜସପିତ ବୁମରା । ସେ ଇଂଲଣ୍ଡର ଦ୍ରୁତ ବୋଲର ସ୍ଟୁଅର୍ଟ ବ୍ରାଣ୍ଡଙ୍କର ଗୋଟିଏ ଓଭରରେ ୩୫ ରନ ପିଟିଛନ୍ତି । ଏହା ପୂର୍ବରୁ ୨୦୦୨ ମସିହାରେ ସାଉଥ୍ ଆଫ୍ରିକା ବିରୋଧରେ ବ୍ରାଏନ ଲାରା ଗୋଟିଏ ଓଭରରେ ୨୮ ରନ କରି ରେକର୍ଡ କରିଥିଲେ । ସେହିଭଳି ୨୦୧୩ ମସିହାରେ ଜର୍ଜ ବେଲି ବି ଜେମ୍ସ ଅଣ୍ଡରସନଙ୍କର ଗୋଟିଏ ଓଭରରୁ ୨୮ ରନ କରିବାକୁ ସକ୍ଷମ ହୋଇଥିଲେ । ଅନ୍ୟପଟେ ୨୦୧୮ ମସିହାରେ କେଶବ ମହାରାଜ ଜୁ ରୁଟଙ୍କ ଗୋଟିଏ ଓଭରରୁ ୨୮ ରନ ସ୍କୋର କରିପାରିଥିଲେ ।
BOOM BOOM BUMRAH IS ON FIRE WITH THE BAT 🔥🔥
3️⃣5️⃣ runs came from that Broad over 👉🏼 The most expensive over in the history of Test cricket 🤯
Tune in to Sony Six (ENG), Sony Ten 3 (HIN) & Sony Ten 4 (TAM/TEL) – https://t.co/tsfQJW6cGi#ENGvINDLIVEonSonySportsNetwork #ENGvIND pic.twitter.com/Hm1M2O8wM1
— Sony Sports Network (@SonySportsNetwk) July 2, 2022
ସୂଚନା ଥାଉକି ଟେଷ୍ଟ କ୍ରିକେଟ ଇତିହାସରେ ପ୍ରଥମ ଥର ପାଇଁ ଗୋଟିଏ ଓଭରରେ ୩୦ ରୁ ଅଧିକ ରନ ହୋଇପାରିଛି । ଏହାସହ ଏହି ରେକର୍ଡ ଭାରତୀୟ କ୍ରିକେଟର ଜସପିତ୍ ବୁମରାଙ୍କ ନାମରେ ରହିଛି । ଏହା ତାଙ୍କ ଟେଷ୍ଟ କ୍ରିକେଟରେ ଦ୍ୱିତୀୟ ବଡ ସ୍କୋର । ଏହା ପୂର୍ବରୁ ସେ ଇଂଲଣ୍ଡ ବିପକ୍ଷ ଟେଷ୍ଟ ମ୍ୟାଚରେ ୩୪ ରନର ଏକ ବଡ ପାରି ଖେଳିଥିଲେ ।