କନକ ବ୍ୟୁରୋ : ଟେଷ୍ଟ ସିରିଜ ପରେ ଆଜିଠାରୁ ଆରମ୍ଭ ହେଉଛି ଭାରତ-ଅଷ୍ଟ୍ରେଲିଆ ମଧ୍ୟରେ ଦିନିକିଆ ସିରିଜ୍ । ଟେଷ୍ଟ ସିରିଜକୁ ୨-୧ରେ ଜିତିବା ପରେ ୫୦ ଓଭର ବିଶିଷ୍ଟ ସିରିଜ ଜିତିବା ଲକ୍ଷ୍ୟ ନେଇ ପଡିଆକୁ ଓହ୍ଲାଇବ ଟିମ ଇଣ୍ଡିଆ । ତିିନି ମ୍ୟାଚ ବିଶିଷ୍ଟ ଏହି ସରିଜ ଉଭୟ ଦଳ ପାଇଁ ଗୁରୁତ୍ୱ ବହନ କରିବ । କାରଣ ଚଳିତ ବର୍ଷ ଅକ୍ଟୋବର, ନଭେମ୍ବରରେ ଭାରତରେ ଖେଳାଯିବ ଦିନିକିଆ ବିଶ୍ୱକପ । ଏହା ପୂର୍ବରୁ ଏହି ଦୁଇ ଦଳର ଏହା ହେଉଛି ଶେଷ ଦିନିକିଆ ସିରିଜ ।
Kanak News is now on WhatsApp
Join and get latest news updates delivered to you via WhatsApp
ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଖେଳାଯିବାକୁୁ ଥିବା ପ୍ରଥମ ମ୍ୟାଚରେ ଭାରତ କେଉଁ ବ୍ୟାଟରଙ୍କୁ ଖେଳାଇବ, ତାକୁ ନେଇ ଏବେବି ଦ୍ୱନ୍ଦ୍ୱ ଲାଗିରହିଛି । ଫର୍ମରେ ନଥିବା କେ.ଏଲ ରାହୁଲଙ୍କୁ ଦଳରେ ସୁଯୋଗ ମିଳିବ କି ନାହିଁ ତାକୁ ନେଇ ପ୍ରଶ୍ନ ଉଠିଛି । ତେବେ ରାହୁଲଙ୍କୁ ଶେଷ ଥର ପାଇଁ ଏହି ସିରିଜରେ ସୁଯୋଗ ଦେବ ବୋଲି ବିସିସିଆଇ ସୂତ୍ରରୁ ସୂଚନା ମିଳିଛି । ଫର୍ମରେ ନଥିଲେ ମଧ୍ୟ କୌଣସି ୱିକେଟ୍ କିପର ନଥିବାରୁ ରାହୁଲଙ୍କୁ ସୁଯୋଗ ଦିଆଯିବ ବୋଲି କୁହାଯାଉଛି । ରିଷବ ପନ୍ତ ଆହତ ହୋଇଥିବାରୁ ରାହୁଲଙ୍କ ତୁଳନାରେ ଭଲ ୱିକେଟ କିପର କେହି ନାହାଁନ୍ତି ।
ଶ୍ରେୟସ ଆୟର ଆହତ ଥିବାରୁ ସୂର୍ଯ୍ୟକୁମାର ଯାବଦ ଖେଳିବା ଏକପ୍ରକାର ନିଶ୍ଚିତ । ଏପଟେ ଓପନର ଭାବେ ରୋହିତ ନଖେଳୁଥିବାରୁ ଇଶାନ କିଷନ ଏବଂ ଫର୍ମରେ ଥିବା ଶୁଭମନ ଗିଲଙ୍କୁୁ ଓପନିଙ୍ଗ୍ କରିବାକୁ ସୁଯୋଗ ମଳିପାରେ । ହାର୍ଦିକ ପାଣ୍ଡା ଅଧିନାୟକ ଦାୟୀତ୍ୱ ତୁଲାଇବେ । ଅଲରାଉଣ୍ଡର ଭାବେ ହାର୍ଦ୍ଦିକ ପାଣ୍ଡ୍ୟାଙ୍କ ବ୍ୟତିତ ୱାସିଂଟନ ସୁନ୍ଦର ଏବଂ ଜାଡେଜା ୧୧ ଜଣିଆ ଦଳରେ ସାମିଲ ହୋଇପାରନ୍ତି । ସେପଟେ ଅଷ୍ଟ୍ରେଲିଆ ପୂରା ଦମରେ ମଇଦାନରେ ଓହ୍ଲାଇବ ।