ରିକ୍ସା ଚାଳକଙ୍କ ନିକଟରେ ପହଂଚିଲା ଆୟକର ବିଭାଗର ୩.୪୩ କୋଟିର ନୋଟିସ, ବାର୍ଷିକ କାରବାର ୪୩.୪୦ କୋଟି
କନକ ବ୍ୟୁରୋ : ମଥୁରା ଆୟକର ବିଭାଗ ପକ୍ଷରୁ ଜଣେ ରିକ୍ସା ଚାଳକଙ୍କୁ ୩.୪୩ କୋଟି ଟଙ୍କାର ଆୟକର ନୋଟିସ ପଠାଇବା ପରେ ଏହାକୁ ନେଇ ଏବେ ଆଲୋଚନା ଜୋର ଧରିଛି । ଏହି ନୋଟିସ ପାଇବା ପରେ ରିକ୍ସା ଚାଳକଙ୍କ ପରିବାର ଚିନ୍ତାରେ ପଡିଯଇଛନ୍ତି । ଏନେଇ ରିକ୍ସା ଚାଳକଙ୍କ ପରିବାର ଯେତେବେଳେ ଆୟକର ବିଭାଗ ଅଫିସରେ ପହଂଚିଥିଲେ ସେଠାରେ ତାଙ୍କୁ ଉତର ମିଳିଥିଲା ରିକ୍ସା ଚାଳକଙ୍କ ନାରେ ଆୟକର ଠକେଇ ନେଇ ଅଭିଯୋଗ ରହିଛି । ଏହାପରେ ରିକ୍ସା ଚାଳକ ସ୍ଥାନୀୟ ଥାନାରେ ଅଭିଯୋଗ କରିବା ପରେ ପୋଲିସ ପକ୍ଷରୁ ତଦନ୍ତ ପାଇଁ ପ୍ରତିଶ୍ରୁତି ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ମଥୁରା ଜିଲ୍ଲା ଅମର କଲୋନୀରେ ରହୁଥିବା ପ୍ରତାପ ଚନ୍ଦ୍ର ରିକ୍ସା ଚଳାଇ ନିଜ ପରିବାରର ଗୁଜୁରାଣ ମେଣ୍ଟାଉଛନ୍ତି । ସେ ନିଜର ପ୍ୟାନକାର୍ଡ ପ୍ରସ୍ତୁତ କରିବାକୁ ପୂର୍ବ ୬ ମାସ ହେବ ଡାକ ବିଭାଗ ଓ ଜନସେବା କେନ୍ଦ୍ରକୁ ଦଉଡୁଛନ୍ତି । ସେ ପ୍ୟାନକାର୍ଡ ପାଇବାର ୩ ଦିନ ପରେ ତାଙ୍କ ପାଖରେ ଆୟକର ବିଭାଗର ଏକ ନୋଟିସ ପହଂଚିଥିଲା । ନୋଟିସରେ ଆୟକର ବିଭାଗ ତାଙ୍କୁ ୩.୪୩ କୋଟି ଟଙ୍କା ଜମା କରିବାକୁ କହିଛି । ନୋଟିସରେ କୁହାଯାଇଛି କି ଜିଏସଟି ମୁତାବକ ତାଙ୍କର ବାର୍ଷିକ କାରବାର ୪୩ କୋଟି ୪୦ ଲକ୍ଷ ଟଙ୍କା । ଏହି ଆଧାରରେ ତାଙ୍କୁ ୩.୪୩ କୋଟି ଟଙ୍କା ଆୟକର ଭରିବାକୁ ପଡିବ । ଏଭଳି ନୋଟିସ ପାଇବା ପରେ ଅଚେତ ହୋଇପଡିଥିଲେ ରିକ୍ସା ଚାଳକ ପ୍ରତାପ ଚନ୍ଦ୍ର ।
ରିକ୍ସା ଚାଳକ ଜଣଙ୍କ କହିଛନ୍ତି କି ଯେତେବେଳେ ସେ ଏହି ନୋଟିସକୁ ନେଇ ଆୟକର ବିଭାଗ ଦପ୍ତରକୁ ଯାଇଥିଲେ ସେଠାରେ ଅଧିକାରୀମାନେ କହିଥିଲେ କି ତାଙ୍କ ସହିତ ଧୋକ୍କା ହୋଇଛି । ହେଲେ ସେମାନେ ଏବାବଦରେ କିଛି କରିପାରିବେ ନାହିଁ ବୋଲି ସିଧା ସିଧା ଶୁଣାଇ ଦେଇଥିଲେ । ଏନେଇ ତାଙ୍କୁ ଥାନାରେ ଅଭିଯୋଗ କରିବାକୁ ଅଧିକାରୀମାନେ ପରାମର୍ଶ ଦେଇଛନ୍ତି ।