ପ୍ରବଳ ବର୍ଷା ଓ ଆସନ୍ନ ବନ୍ୟାକୁ ଦୃଷ୍ଟିରେ ରଖି ରାଜ୍ୟ ଅଗ୍ନିଶମ ବିଭାଗର ଛୁଟି ବାତିଲ କଲେ ସରକାର । ଉଦ୍ଧାର କାର୍ଯ୍ୟ ପାଇଁ ୧୫ ଜଣ ଅଧିକାରୀଙ୍କୁ ଦାୟିତ୍ୱ ।
କନକ ବ୍ୟୁରୋ: ରାଜ୍ୟରେ ବନ୍ୟା ପରିସ୍ଥିତିକୁ ନେଇ ସତର୍କ ହୋଇଛି ଅଗ୍ନିଶମ ବିଭାଗ । ପ୍ରବଳ ବର୍ଷା ଓ ବନ୍ୟା ପରିସ୍ଥିତିର ମୁକାବିଲା କରିବା ପାଇଁ ୧୪ଟି ଜିଲ୍ଲାର ଅଗ୍ନିଶମ ଅଧିକାରୀ ଓ କର୍ମଚାରୀଙ୍କୁ ଛୁଟି ବାତିଲ କରାଯାଇଛି । ଏହି ସୂଚନା ଦେଇଛନ୍ତି ଅଗ୍ନିଶମ ବିଭାଗ ଡିଜି ସନ୍ତୋଷ ଉପାଧ୍ୟାୟ ।
Kanak News is now on WhatsApp
Join and get latest news updates delivered to you via WhatsApp
ପାଣି ଘେରରେ ଥିବା ଲୋକଙ୍କୁ ସୁରକ୍ଷିତ ଉଦ୍ଧାର, ଜଳବନ୍ଦୀ ଅଞ୍ଚଳରୁ ପାଣି ନିଷ୍କାସନ ଆଦି ଦାୟିତ୍ୱ ତୁଲାଇବେ ଅଗ୍ନିଶମ କର୍ମଚାରୀ । ତେଣୁ ୧୪ଟି ଜିଲ୍ଲାର କୌଣସି ଅଗ୍ନିଶମ ବିଭାଗର ଅଧିକାରୀ କିମ୍ବା କର୍ମଚାରୀ ଛୁଟିକୁ ବାତିଲ କରାଯାଇଛି । ସେହି ଜିଲ୍ଲାଗୁଡିକ ହେଲା ଗଜପତି, କଳାହାଣ୍ଡି, ବୌଦ୍ଧ, ଫୁଲବାଣୀ, ନୟାଗଡ, ଖୋର୍ଦ୍ଧା, କଟକ, କେନ୍ଦ୍ରାପଡା, ଜଗତସିଂହପୁର, ଯାଜପୁର, ଭଦ୍ରକ. ବାଲେଶ୍ୱର, ବାରିପଦା ଓ ପୁରୀ ଜିଲ୍ଲା ।
ରାଜ୍ୟରେ ବନ୍ୟା ପରିସ୍ଥିତିକୁ ଆଖିରେ ରଖି ଏହି ୧୪ଟି ଜିଲ୍ଲାର ଅଗ୍ନିଶମ କର୍ମଚାରୀଙ୍କ ଛୁଟି ବାତିଲ କରାଯାଇଛି । ଏଥିସହ ଭୁବନେଶ୍ୱରରେ ଥିବା ଓଡିଶା ଫାୟାର ଆଣ୍ଡ ଡିଜାଷ୍ଟର ଏକାଡେମୀର କର୍ମଚାରୀଙ୍କ ଛୁଟି ମଧ୍ୟ ବାତିଲ କରାଯାଇଛି । ନିହାତି ଜରୁରୀ ଥିବା ଉପରିସ୍ଥ ଅଧିକାରୀଙ୍କ ଅନୁମତି କ୍ରମେ ଛୁଟିରେ ରହିପାରିବେ ବୋଲି ସୂଚନା ମିଳିଛି ।