ଫୋନି ଭୟରେ କ’ଣ କେବଳ ମଣିଷ ? ନିଜ ମାନବିକତାକୁ ଜାହିର କରନ୍ତୁ ଭୟଙ୍କରୀ ବାତ୍ୟାରେ ନିରୀହ ପ୍ରାଣୀଙ୍କୁ ସାହାଯ୍ୟର ହାତ ବଢାନ୍ତୁ ।
ସ୍ଥଳଭାଗକୁ ମାଡି ଆସୁଛି ବାତ୍ୟା ଫୋନି । ସାରା ଓଡିଶାବାସୀ ଏବେ ବାତ୍ୟା ଭୟରେ ଥରହର । ସରକାରଙ୍କ ପକ୍ଷରୁ ତଳୁଆ ଅଞ୍ଚଳ ତଥା ବିପଦପୂର୍ଣ୍ଣ ଅଞ୍ଚଳର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯାଉଛି । ଲୋକଙ୍କ ପାଇଁ ରନ୍ଧାଖାଦ୍ୟର ଆୟୋଜନ କରାଯାଉଛି । ଏନଡିଆଏଫ୍ ଏବଂ ଓଡ୍ରାଫ୍ ଟିମ୍ ଲୋକଙ୍କ ସହାୟତା କରିବା ପାଇଁ ସମ୍ପୁର୍ଣ୍ଣ ଭାବେ ପ୍ରସ୍ତୁତ ହୋଇ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ଆମ ଆଗରେ ଏକ ବଡ଼ ପ୍ରଶ୍ନ ଠିଆ ହୋଇଛି ଯେ କ’ଣ କେବଳ ମଣିଷଙ୍କୁ ବାତ୍ୟାର ଭୟ ଲାଗିଥାଏ ? ଆମ କହିବାର ଅର୍ଥ କେବେ ଭାବିଛନ୍ତି ବାହାରେ ବୁଲୁଥିବା ଜୀବଜନ୍ତୁ ଏ ଭୟଙ୍କର ବାତ୍ୟାର କିଭଳି ସାମ୍ନା କରିବେ । ବାକଶକ୍ତିର ଆଶିର୍ବାଦ ପାଇଥିବା ମଣିଷ କବାଟ ପିଟି ଅନ୍ୟକୁ ସାହାର୍ଯ୍ୟ ମାଗିନେବେ । କିନ୍ତୁ ସେ ନିରୀହ ପ୍ରାଣୀର କ’ଣ ଯେ ନା କବାଟ ପିଟିବାରେ ସକ୍ଷମ ନା ପାଟି ଖୋଲି କିଛି କହିବାରେ ସକ୍ଷମ !
ଭଗବାନ ଏଭଳି ପ୍ରାଣୀଙ୍କୁ ବାକ୍ ଶକ୍ତିର ଆଶିର୍ବାଦ ଦେଇନଥିଲେ ମଧ୍ୟ ମଣିଷକୁ ମଣିଷତ୍ୱର ଆଶିର୍ବାଦ ଦେଇଛନ୍ତି । ତେଣୁ ଏଭଳି ଭୟଙ୍କର ବାତ୍ୟାରେ ନିଜ ମଣିଷତ୍ୱକୁ ଜାହିର କରନ୍ତୁ । ସୋସିଆଲ୍ ମିଡିଆରେ ଫଟୋ ସେୟାର୍ କରନ୍ତୁ ପଛେ କିନ୍ତୁ ଘର ବାହାରେ ଯଦି ଏଭଳି ପ୍ରାଣୀଙ୍କୁ ଭୟଙ୍କର ବାତ୍ୟା ସହ ସଂଘର୍ଷ କରିବାର ଦେଖୁଛନ୍ତି । ତେବେ କବାଟ ବନ୍ଦ କରିବାର ଭୁଲ୍ ନ କରି ଆଶ୍ରୟର ହାତ ବଢାନ୍ତୁ । ଏହି ଭୟଙ୍କର ବାତ୍ୟା ‘ଫୋନି’ ରେ ନିଜ ସୁରକ୍ଷା ସହ ଏଭଳି ବାକ୍ ହିନ ପ୍ରାଣୀଙ୍କ ସୁରକ୍ଷା କରି ମାନବିକତାକୁ ଜାଗୃତ କରନ୍ତୁ ।