ରାଜଧାନୀରେ ମାତିଲେ ଛୋଟେ ମିଆଁ ବଡେ ମିଆଁ ଗ୍ୟାଙ୍ଗ : ଘରେ ପଶି ବୁଲାଉଛନ୍ତି କଳାକନା; ଲୁଟ ସମୟରେ ଲୋକଙ୍କ ହାବୁଡରେ ପଡିବା ପରେ ଖାଇଲେ ନିର୍ଦ୍ଧୁମ ଛେଚା
କନକ ବ୍ୟୁରୋ : ରାଜଧାନୀରେ ମାତିଛନ୍ତି ଛୋଟେ ମିଆଁ ବଡେ ମିଆଁ ଗ୍ୟାଙ୍ଗ । ଦିନ ଦ୍ୱିପହରରେ ଘରେ ପଶି କଳାକନା ବୁଲାଉଛନ୍ତି । ସିସିଟିଭିରେ ଏହି ଦୃଶ୍ୟ କଏଦ ହୋଇଛି । ସିସିଟିଭିରେ ଜଣେ ଛୋଟ ଛୁଆ ଓ ଆଉ ଜଣେ ବୟସ୍କ ବ୍ୟକ୍ତିଙ୍କୁ ଦେଖିବାକୁ ମିଳିଛି । ଏହି ଛୋଟେ ମିଆଁ ବଡେ ମିଆଁ ଗ୍ୟାଙ୍ଗ କେତେବେଳେ କାହା ଘରେ ପଶି ଲୁଟ କରୁଛନ୍ତି ତାର ସୁରାକ ମିଳୁନାହିଁ । ତେବେ ଏହି ଦୁଇ ଜଣ ବାପା , ପୁଅ ବୋଲି ଅନୁମାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଏହି ଦୁଇ ଜଣ ଜଣକ ଘରୁ ଚୋରି କରି ଆଉ ଜଣକ ଘରେ ଲୁଟ ପାଇଁ ପଶିଥିବା ବେଳେ ଲୋକଙ୍କ ହାବୁଡରେ ପଡିଥିଲେ । ଏହା ପରେ ଲୋକେ ତାଙ୍କୁ ଧରି ନିର୍ଧୁମ ମାଡ଼ ମାରିଥିଲେ । ଭିକ ମାଗିବା ବାହାନାରେ ଏହି ଦୁଇ ଜଣ ଘରେ ପଶି ଲୁଟ କରୁଛନ୍ତି । ଜଣେ କି ଦୁଇ ଜଣକ ଘରୁ ନୁହେଁ ଏଭଳି ଅନେକଙ୍କ ଘରୁ ଏମାନେ ଚୋରି କରିଥିବା ଜଣାପଡିଛି । ।