ସୁନ୍ଦରଗଡ଼ରେ ଛଟ୍ ପୂଜା ଉପରେ ପ୍ରଶାସନର କଟକଣା : କରୋନା ସଂକ୍ରମଣକୁ ଦୃଷ୍ଟିରେ ରଖି ପ୍ରଶାସନର ନିଷ୍ପତ୍ତି
କନକ ବ୍ୟୁରୋ : ଚଳିତ ବର୍ଷ ସୁନ୍ଦରଗଡରେ ଛଟ୍ ପୂଜା ଉପରେ କଟକଣା । ଏନେଇ ଜିଲ୍ଲା ପ୍ରଶାସନ ନିର୍ଦ୍ଦେଶନାମା ଜାରି କରିଛି । କରୋନା ଭୂତାଣୁ ସଂକ୍ରମଣକୁ ନଜରରେ ରଖି ଛଟ ପୂଜାକୁ ଏଥର ବାରଣ କରାଯାଇଛି । ଛଟ ପୂଜା ସମୟରେ ନଦୀ କୂଳରେ ଶହ ଶହ ମହିଳାଙ୍କ ଭିଡ ଜମିଥାଏ । ସୂର୍ଯ୍ୟଙ୍କୁ ପୂଜା କରିବା ସହ ସ୍ତ୍ରୀ ଲୋକମାନେ ପରିବାରର ମଙ୍ଗଳ କାମନା କରି ଏହି ପୂଜା କରିଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ କୋଭିଡକୁ ନଜରରେ ରଖି ଏହା ଉପରେ କଟକଣା ଲାଗୁ କରାଯିବା ସହ ଏଥର ପୂଜାକୁ ଘରେ ରହି ରୀତିନୀତି ସହ ପାଳନ କରିବାକୁ ସମସ୍ତଙ୍କୁ ଆହ୍ୱାନ କରିଛି ପ୍ରଶାସନ । ପ୍ରଶାସନର ନିର୍ଦ୍ଦେଶକୁ କୌଣସି ମତେ ଅବମାନନା କରାଗଲେ , ମହାମାରୀ ଆଇନରେ ଦଣ୍ଡିତ କରାଯିବ ବୋଲି କହିଛି ସୁନ୍ଦରଗଡ ଜିଲ୍ଲା ପ୍ରଶାସନ ।