କଟକଣା ଭିତରେ କଟକରେ ହେବ ଗଣେଷ ପୂଜା ଓ ଦଶହରା । ସର୍ବସାଧାରଣ ସ୍ଥାନରେ ହେବ ନାହିଁ ମୁର୍ତ୍ତୀପୂଜା, ଶୋଭାଯାତ୍ରା ଉପରେ କଟକଣା । ସର୍ବାଧିକ ୪ଜଣଙ୍କ ଦ୍ୱାରା ହେବ ଦୁର୍ଗାପୂଜାର ମାଟି ଉଠାଣ ନୀତି, ସାମ୍ବାଦିକ ସମ୍ମିଳନୀରେ ସୂଚନା ଦେଲେ କଟକ ଡିସିପି ।
କନକ ବ୍ୟୁରୋ: କଟକଣା ଭିତରେ ଏଥର କଟକରେ ହେବ ଗଣେଷ ପୂଜା । ସର୍ବସାଧାରଣ ସ୍ଥାନରେ ହେବ ନାହିଁ ମୁର୍ତୀପୂଜା ଏବଂ ଶୋଭାଯାତ୍ରା ଉପରେ କଟକଣା ଲଗାଇଛି ପ୍ରଶାସନ । କୋଭିଡ୍ ସମୟରେ ଆଗକୁ ଆସୁଥିବା ଗଣେଶ ପୂଜା, ଦଶହରା ଏବଂ ବାଲିଯାତ୍ରା ଭଳି ବଡ଼ ବଡ଼ ଉତ୍ସବକୁ କେମିତି ପାଳନ କରାଯିବ ସେ ନେଇ ସୂଚନା ଦେଇଛନ୍ତି କଟକ ଡିସିପି । ପୂଜା ସମୟରେ ଜନସମାଗମ ଉପରେ କଟକଣା ଲଗାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ସର୍ବସାଧାରଣ ସ୍ଥାନରେ ପୂଜା, ବିଭିନ୍ନ ଅନୁଷ୍ଠାନ ପକ୍ଷରୁ ହେଉଥିବା ପୂଜା ଏବଂ କ୍ଲବ ଗୁଡ଼ିକରେ ମୁର୍ତୀପୂଜା ହେବ ନାହିଁ । ପୂଜା ସର୍ମ୍ପର୍କିୟ କୌଣସି ପୂଜା ଶୋଭଯାତ୍ରା ହେବ ନାହିଁ ବୋଲି ସୂଚନା ଦିଆଯାଇଛି । ତେବେ ଦୂର୍ଗାପୂଜା ପାଇଁ ହେବାକୁ ଥିବା ମାଟି ଉଠାଣ କରିବା ପାଇଁ ସର୍ବାଧିକ ୪ ଜଣ ଯାଇପାରିବେ । କିନ୍ତୁ ଏଥିପାଇଁ ଶୋଭାଯାତ୍ରା ହୋଇପାରିବ ନାହିଁ ।