ଭାରତୀୟ ମେଡିକାଲ ସଂଘ ଦେଲା ଚମକାଇ ଦେବାଭଳି ଖବର । କରୋନା ସଂକ୍ରମଣର ଦ୍ୱିତୀୟ ଲହରରେ ୪୨୦ ଡାକ୍ତରଙ୍କ ମୃତ୍ୟୁ । କେବଳ ଦିଲ୍ଲୀରୁ ୧୦୦
ଦ୍ୱିତୀୟ ଲହରରେ ଗଲାଣି ୪୨୦ ଡାକ୍ତରଙ୍କ ଜୀବନ
କନକ ବ୍ୟୁରୋ : କରୋନା ଭୂତାଣୁ ସଂକ୍ରମଣର ଦ୍ୱିତୀୟ ଲହର ସାରା ଦେଶରେ ଜାରି ରହିଛି । ହେଲେ ସଂକ୍ରମଣ ବିରୋଧରେ ଲଢୁଥିବା ଡାକ୍ତର ମାନଙ୍କ ଜୀବନ ଏହି ସମୟରେ ଗୁରୁତ୍ୱପୂର୍ଣ୍ଣ ହୋଇଥିବା ବେଳେ ଇଣ୍ଡିଆନ ମେଡିକାଲ ଆସୋସିଏସନ ଦେଇଥିବା ସୂଚନା ଏବେ ଚିନ୍ତା ବଢାଇଛି । କରୋନା ସଂକ୍ରମଣର ଦ୍ୱିତୀୟ ଲହରରେ ଭାରତରେ ୪୨୦ ଜଣ ଡାକ୍ତରଙ୍କ ମୃତ୍ୟୁ ହୋଇଛି । ଦିଲ୍ଲୀରେ ସର୍ବାଧିକ ୧୦୦ ଜଣ ଡାକ୍ତରଙ୍କ ମୃତ୍ୟୁ ହୋଇଥିବା କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ କେବଳ ଦିଲ୍ଲୀ ନୁହେଁ ବିହାର ୯୬, ୟୁପି ୪୧, ଆନ୍ଧ୍ରପ୍ରଦେଶ ୨୬, ଆସାମ ୩, ଗୁଜୁରାଟ ୩୧,ଗୋଆ ୨,ହରିଆଣା ୨, ମହାରାଷ୍ଟ୍ର ୧୫,ମଧ୍ୟପ୍ରଦେଶରେ ୧୩ ଜଣ ଡାକ୍ତରଙ୍କ ମୃତ୍ୟୁ ହୋଇଛି । ଏହାସହ ସବୁଠାରୁ କମ୍ ପଞ୍ଜାବ ଓ ପୁଡୁଚେରୀରେ କେବଳ ଜଣେ ଲେଖାଏଁ ଡାକ୍ତରଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ।
420 doctors including 100 in Delhi have lost their lives due to COVID19 in the second wave of the infection: Indian Medical Association (IMA)
— ANI (@ANI) May 22, 2021
ଅନ୍ୟପଟେ କରୋନା ଟେଷ୍ଟିଂରେ ସବୁଠାରୁ ଆଗରେ ରହିଛି ୟୁପି । ଗତ ୨୧ ଦିନ ମଧ୍ୟରେ ୟୁପିରେ ୪ କୋଟି ୬୫ ଲକ୍ଷ ଲୋକଙ୍କର କରୋନା ଟେଷ୍ଟିଂ କରାଯାଇଥିବା ଜଣାପଡିଛି । ଏହାହସ ୧୮ ରୁ ୪୪ ବର୍ଷ ମଧ୍ୟରେ ୧୦ ଲକ୍ଷ ଲୋକଙ୍କୁ ଟିକା ଦିଆଯାଇଛି ।
କହିରଖୁ କି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ମୁତାବକ ଗତ ୨୪ ଘଂଟାରେ ଦେଶରେ ୨,୫୭,୨୨୯ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ କରୋନା ସଂକ୍ରମଣରେ ୪୧୯୪ ଜଣଙ୍କର ମୃତ୍ୟୁ ହୋଇଛି ।