ଝିଅକୁ ଅପହରଣ କରି ଜେଲ ଗଲା ବାପା: ଅନ୍ୟ ଜଣେ ଅଭିଯୁକ୍ତ ଗିରଫ...ବାଇକ୍ ଜବତ

କନକ ବ୍ୟୁରୋ: ରାଜ୍ୟର ବିଭିନ୍ନ ସ୍ଥାନରୁ ଶିଶୁ ନିଖୋଜ କିମ୍ବା ଅପହରଣ ଘଟଣା ସାମ୍ନାକୁ ଆସୁଛି । ଏପରିସ୍ଥଳରେ ପୋଲିସର ଭୂମିକାକୁ ନେଇ ସନ୍ଦେହ କରାଯାଉଛି । ହେଲେ ନିଜ ଝିଅର ଅପହରଣ ନାଟକ କରି, ବାପା ଜେଲ ଯିବା ଘଟଣା ଏବେ ରାୟଗଡାରେ ଚର୍ଚ୍ଚାର ବିଷୟ ପାଲଟିଛି । ନିଜ ୩ ବର୍ଷ ଝିଅର ଅପହରଣ ନାଟକ କରିବା ଅଭିଯୋଗରେ ଏହି ବ୍ୟକ୍ତି ଦୋରା କଣ୍ଡାଗରୀକୁ ଗିରଫ କରିଛି ରାୟଗଡା ଟାଉନ ଥାନା ପୋଲିସ ।

ପୁରା ନାଟକରେ ତାକୁ ସହାୟତା କରିଥିବା ଗଜେନ୍ଦ୍ର ହୁଇକାକୁ ମଧ୍ୟ ଗିରଫ କରାଯାଇଛି । ନିଜ ପ୍ରଥମ ସ୍ତ୍ରୀର ପରିବାର ଉପରେ ପ୍ରତିଶୋଧ ନେବାପାଇଁ, ଝିଅର ଅପହରଣ ନାଟକ ରଚିଥିଲା ଦୋରା । ପୋଲିସ କିନ୍ତୁ ପୁରା ଷଡଯନ୍ତ୍ରକୁ ବୁଝିପାରି ପ୍ରଥମେ ଝିଅଟିକୁ ଉଦ୍ଧାର କରିବା ସହ ଅଭିଯୁକ୍ତ ବାପାକୁ କାବୁ କରିନେଇଛି । ଝିଅଟିକୁ ତାର ଜେଜେମାଆକୁ ହସ୍ତାନ୍ତର କରିଥିବାବେଳେ ଅଭିଯୁକ୍ତ ବାପା ଓ ତାର ସହଯୋଗୀକୁ ଗିରଫ କରି ଜେଲ ହାଜତକୁ ପଠାଇ ଦେଇଛି ।