ରାୟଗଡ଼ା ଜିଲ୍ଲାରେ ଛେଳି ଓ ମାଛ ଚାଷ କରି ଲାଭବାନ ହେଉଛନ୍ତି ମହିଳା। ମିଶନ ଶକ୍ତି ସହାୟତାରେ ଦିଆଯାଉଛି ତାଲିମ।
କନକ ବ୍ୟୁରୋ: ଆଦିବାସୀ ଅଧ୍ୟୁଷିତ ରାୟଗଡ଼ା ଜିଲ୍ଲାରେ ଲୋକଙ୍କ ଜୀବନ ଧାରଣରେ ଆସୁଛି ସୁଧାର । ଦିନ ମଜୁରିଆ ଭାବେ ଜୀବନ ବିତାଉଥିବା ମହିଳାମାନେ ଏବେ ସ୍ୱୟଂ ସହାୟକ ଗୋଷ୍ଠୀ ଗଠନ କରି ନୂଆ ନୂଆ ଚାଷ ଆପଣାଉଛନ୍ତି । ମାଛ ଚାଷ ଓ ଛେଳି ପାଳନ କରି ନିଜେ ସ୍ୱାବଲମ୍ବୀ ହେବା ସହ ଅନ୍ୟମାନଙ୍କ ପାଇଁ ଉଦାହରଣ ପାଲଟିଛନ୍ତି । ଏଠାକାର ଲୋକଙ୍କ ଜୀବିକା କହିଲେ ଧାନ, କପା ଓ ପରିବା ଚାଷ । କିନ୍ତୁ ଏବେ ଏଠାକାର ଆଦିବାସୀ ମହିଳାଙ୍କ ଜୀବନ ଜୀବିକାରେ ଏବେ ଆସିଛି ପରିବର୍ତନ । ନୂତନ ପଦ୍ଧତିର ଚାଷ ଆପଣାଇ ଆର୍ଥିକ ସ୍ଥିତିରେ ସୁଧାର ଆଣିବା ସହ ପରିବାର ପ୍ରତିପୋଷଣରେ ସହାୟତା କରୁଛନ୍ତି ଆଦିବାସୀ ମହିଳା । ଆଉ ଏଥିରେ ସହଯୋଗର ହାତ ବଢ଼ାଇଛି ମିଶନ ଶକ୍ତି । ୧୦ ଜଣ ମହିଳା ଏକାଠି ହୋଇ ଏସଏଚଜି ଗ୍ରୁପ୍ ଗଠନ କରି ପଞ୍ଚାୟତ ପୋଖରୀକୁ ଲିଜ୍ ନେଇ ମାଛ ଚାଷ କରିଛନ୍ତି । ଉନ୍ନତମାନର ମାଛ ଚାଷ ପାଇଁ ମିଶନ ଶକ୍ତି ସହାୟତାରେ ଫିସରି ଡିପାର୍ଟମେଣ୍ଟରୁ ବୈଜ୍ଞାନିକ ପଦ୍ଧତିରେ ମାଛ ଚାଷ ପାଇଁ ତାଲିମ ଗ୍ରହଣ କରିଛନ୍ତି । ପୋଖରୀରୁ ଉତ୍ପାଦିତ ହେଉଥିବା ମାଛକୁ ସ୍ଥାନୀୟ ଅଞ୍ଚଳ ସହ ଆଖପାଖ ଅଞ୍ଚଳର ବ୍ୟବସାୟୀଙ୍କୁ ବିିକ୍ରି କରି ବାର୍ଷିକ ଲକ୍ଷାଧିକ ଟଙ୍କା ରୋଜଗାର କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଖାଲି ମାଛ ଚାଷ ନୁହେଁ ଏହି ଗ୍ରୁପର ସମ୍ପାଦିକା ରେବତୀ ଶବର ଗୋଟ ଫାର୍ମ କରି ବାର୍ଷିକ ଲକ୍ଷାଧିକ ଟଙ୍କା ରୋଜଗାର କରୁଛନ୍ତି । ମିଶନ ଶକ୍ତି ଜରିଆରେ ପ୍ରାଣୀ ସମ୍ପଦ ବିଭାଗ ପକ୍ଷରୁ ଇଣ୍ଡିଭିଜୁଆଲ ମୋଡରେ ତାଙ୍କୁ ୧୧ଟି ଛେଳି ଯୋଗାଇଦିଆଯାଇଛି । ଫାର୍ମରେ ଛେଳିମାନଙ୍କର ସମସ୍ତ ରକ୍ଷଣବେକ୍ଷଣା ଦାୟିତ୍ୱ ନିଅନ୍ତି ଏହି ମହିଳା ଜଣଙ୍କ । ବର୍ତମାନ ରେବତୀଙ୍କ ଫାର୍ମରେ ୫୦ରୁ ଉଦ୍ଧ୍ୱର୍ ଛେଳି ରହିଛି । ଛେଳି ଚରାଇବା ସହ ସେମାନଙ୍କୁ ଖାଦ୍ୟ ଦେବା ଭଳି ସମସ୍ତ କାମ କରନ୍ତି ରେବତୀ । ବାସ୍ତବରେଏହି ଆଦିବାସୀ ମହିଳାଙ୍କ ଏଭଳି ପ୍ରୟାସ ଅନ୍ୟ ମହିଳାମାନଙ୍କ ପାଇଁ ପ୍ରେରଣା ପାଲଟିବ ନିଶ୍ଚୟ ।