କନକ ବ୍ୟୁରୋ : ପୁଣିଥରେ ଗାଈକୁ ଚର୍ଚ୍ଚାରେ ଆଇଆଇଟି ବମ୍ବେ । କ୍ଲାସରୁମ ପରେ ହଷ୍ଟେଲରେ ଗାଈ । ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । କେବଳ ଯେ ଗାଈଟି ହଷ୍ଟେଲରେ ପଶିଛି ତାହା ନୁହେଁ ବରଂ କିଛି ଛାତ୍ରଙ୍କ ବହିର କିଛି ପୃଷ୍ଠା ମଧ୍ୟ ଖାଇଛି । ବମ୍ବେ ଆଇଆଇଟିର ହଷ୍ଟେଲ ନମ୍ବର-୩ରେ ଏଭଳି ଦୃଶ୍ୟ ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଜଣେ ୟୁଜର୍ସ ଗାଈର ଫଟୋ ନେବା ସହ ଲେଖିଛନ୍ତି, ଏହି ଅଞ୍ଚଳରେ ପୂର୍ବରୁ କୁକୁରଙ୍କ ସଂଖ୍ୟା ଅଧିକ ଥିଲା । ଆଉ ଏବେ ଗାଈଙ୍କ ସଂଖ୍ୟା ମଧ୍ୟ ବଢି ବଢି ଚାଲିଛି । ତେଣୁ ଏହା ଉପରେ ଆଇଆଇଟି କର୍ତ୍ତୃପକ୍ଷ ଧ୍ୟାନ ଦେବା ଆବଶ୍ୟକ । ଏହାପୂର୍ବରୁ ଜୁଲାଇ ମାସରେ ମଧ୍ୟ ଆଇଆଇଟି ବମ୍ବେରେ କ୍ଲାସ ଚାଲିଥିବା ବେଳେ ଏକ ଗାଈ କ୍ଲାସ ରୁମ ମଧ୍ୟକୁ ପଶି ଆସିଥିଲା । ଏହାର ଭିଡ଼ିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ସେତେବେଳେ ଲୋକେ ମଜାଳିଆ ଢଙ୍ଗରେ ପଚାରିଥିଲେ କଣ ଗାଇ ବି ଜେଇଇ ପରୀକ୍ଷା ପାସ୍ କରିଛି?
ତେବେ ଆଇଆଇଟି ବମ୍ବେର କର୍ତ୍ତୃପକ୍ଷ ଏହାକୁ ନେଇ ପ୍ରଶ୍ନ ଉଠାଇଛନ୍ତି । ଏହି ଫଟୋ ବମ୍ବେ ଆଇଆଇଟି ହଷ୍ଟେଲର ବୋଲି ସେମିତି କୌଣସି ପ୍ରମାଣ ନାହିଁ । ତେବେ କ୍ୟାମ୍ପସରେ ବୁଲା କୁକୁର ଓ ଗାଈଗୋରୁଙ୍କ ସଂଖ୍ୟା ବଢିଥିବାର ସ୍ୱୀକାର କରିଛନ୍ତି ଆଇଆଇଟି ବମ୍ବେ କର୍ତ୍ତୃପକ୍ଷ ।