ବଣଭୋଜି କରିବାକୁ ଆସି ନଦୀରେ ବୁଡିଗଲେ ୩ ସାଙ୍ଗ । ଜଣଙ୍କର ମୃତ ଦେହ ଉଦ୍ଧାର । ଅନ୍ୟ ୨ ଜଣଙ୍କୁ ଖୋଜୁଛି ଅଗ୍ନିଶମ ବିଭାଗ
କନକ ବ୍ୟୁରୋ : ରାଉରକେଲା ଜମସେରା ଅଞ୍ଚଳରେ ଭୋଜି କରିବାକୁ ଆସି ୩ ଜଣ ସାଙ୍ଗ ନଦୀରେ ଗାଧୋଉଥିବା ବେଳେ ବୁଡିଯାଇଥିଲେ। ଏହାକୁ ନେଇ ଅନ୍ୟ ସାଙ୍ଗମାନେ ଅଗ୍ନିସମ ବାହିନୀକୁ ସୂଚନା ଦେବା ପରେ ଅଗ୍ନିସମ ବାହିନୀ ଘଟଣା ସ୍ଥଳରେ ପହଂଚି ଅନେକ ଖୋଜା ଖୋଳି କରିବା ପରେ ଜଣଙ୍କର ମୃତଦେହ ଉଦ୍ଧାର କରାଯାଇଛି । ଅନ୍ୟ ୨ ଜଣ ଏବେ ବି ନିଖୋଜ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ରାଉରକେଲାର ଜମସେରା ଦେଇ ପ୍ରବାହିତ ହେଉଥିବା କୋଏଲ ନଦୀ ଘାଟକୁ କିଛି ପିଲା ବଣଭୋଜି କରିବାକୁ ଆସିଥିଲେ। ସେଠରେ ସେମାନେ ବଣଭୋଜି କରୁଥିବା ବେଳେ ତା ମଧ୍ୟରୁ ୩ ଜଣ ନଦୀକୁ ଗାଧୋଇବାକୁ ଆସି ନଦୀରେ ବୁଡି ଯାଇଥିଲେ । ଏହାକୁ ଦେଖି ଅନ୍ୟ ସାଙ୍ଗମାନେ ସଂଗେ ସଂଗେ ଅଗ୍ନିସମ ବିଭାଗକୁ ଖବର ଦେଇଥିଲେ । ଖବର ପାଇ ଅଗ୍ନିସମ ବାହିନୀ ସେଠାରେ ପହଂଚି ଅନେକ ଖୋଜା ଖୋଜି କରିବା ପରେ ଜଣଙ୍କର ମୃତଦେହ ଉଦ୍ଧାର କରାଯାଇଛି । ଏବେ ଅନ୍ୟ ୨ ଜଣ ନିଖୋଜ ଥିବା ବେଳେ ଅଗ୍ନିସମ ବାହିନୀ ପକ୍ଷରୁ ସେମାନଙ୍କୁ ଉଦ୍ଧାର କରିବାକୁ ପ୍ରୟାସ ଜାରି ରହିଛି ।