ଚୀନରେ କରୋନାର ଭୟାନକ ରୂପ । ମୃତ୍ୟୁ ସଂଖ୍ୟା ୫୬୪ ଛୁଇଁଲା, ଆଖିବୁଜିଲେ ପ୍ରଥମେ କରୋନା ଭୂତାଣୁକୁ ଚିହ୍ନଟ କରିଥିବା ଡାକ୍ତର
କନକ ବ୍ୟୁରୋ : ଚୀନରେ ଭୟାନକ ରୂପ ନେଉଛି କରୋନା ଭୂତାଣୁ । କରୋନା ଆକ୍ରାନ୍ତ ମୃତ୍ୟୁ ସଂଖ୍ୟା ୫୬୪ରେ ପହଂଚିଛି । ପ୍ରତିଦିନ ହଜାରେରୁ ଅଧିକ ଲୋକ କରୋନା ଭୂତାଣୁରେ ଆକ୍ରାନ୍ତ ହେଉଛନ୍ତି । କରୋନା ସଂକ୍ରମଣରେ ଆକ୍ରାନ୍ତଙ୍କ ସଂଖ୍ୟା ୨୪ ହଜାର ଟପିଥିବା ଜଣାପଡିଛି । କରୋନ ସ୍ଥିତିର ମୁକାବିଲା ପାଇଁ ଉହାନରେ ୧୦ଦିନରେ ପ୍ରଥମ ଡାକ୍ତରଖାନା ନିର୍ମାଣ ହୋଇଥିଲା । ଏହାସହ ଆଉ ୮ଟି ହସ୍ପିଟାଲ ନିର୍ମାଣ ହେବାର ଯୋଜନା କରାଯାଇଛି । ଆଉ ଏହାରି ଭିତରେ ଚୀନର କରୋନା ସଂକ୍ରମିତ ଅଂଚଳରେ ଥିବା ୬୪୦ ଭାରତୀୟଙ୍କୁ ଭାରତକୁ ଫେରାଇ ଆଣିଛି ଭାରତ ସରକାର ।
Kanak News is now on WhatsApp
Join and get latest news updates delivered to you via WhatsApp
ସ୍ୱତନ୍ତ୍ର ବିମାନ ଯୋଗେ ଅତି ସତର୍କତାର ସହିତ ଚୀନରେ ଥିବା ଭାରତୀୟ ମାନଙ୍କୁ ଫେରାଯାଉଛି ବୋଲି ସୂଚନା ଦେଇଛି ବୈଦେଶିକ ମନ୍ତ୍ରାଳୟ । ଏହାସହ ଆବଶ୍ୟକ ସ୍ଥଳେ ଚୀନରେ ଅଟକିଥିବା ପାକିସ୍ତାନ ନାଗରିକଙ୍କୁ ମଧ୍ୟ ଅଣାଯିବାକୁ ପ୍ରୟାସ କରାଯାଇପାରେ ବୋଲି ମଧ୍ୟ ସେ ସୂଚନା ଦେଇଛନ୍ତି ।
ସେପଟେ କରୋନା ଭୂତାଣୁକୁ ପ୍ରଥମେ ଚିହ୍ନଟ କରିଥିବା ଚୀନ୍ ଡାକ୍ତରଙ୍କ ମୃତ୍ୟୁ ହୋଇଛି । ସମ୍ପୃକ୍ତ ଡାକ୍ତର ଲି ୱେନଲିୟାଙ୍ଗ ସେହି କରେନା ଭୂତାଣୁର ଶୀକାର ହୋଇ ଆଖି ବୁଝିଛନ୍ତି । ଲି ପ୍ରଥମେ ଡିସେମ୍ବର ୩୦ରେ କରୋନା ଭୂତାଣୁ ସମ୍ପର୍କରେ ସଚେତନ କରାଇଥିଲେ । ସ୍ଥାନୀୟ ଅଚଳର ୭ ଜଣ ରୋଗୀ ତାଙ୍କ ପାଖକୁ ଚିକିତ୍ସା ପାଇଁ ଆସିଥିଲେ । ଆଉ ଏହାର ପରୀକ୍ଷା କରି ସେ କରୋନା ଭୂତାଣୁକୁ ଚିହ୍ନଟ କରିଥିଲେ ।
ସେ ଏନେଇ ନିଜ ସହକର୍ମୀମାନଙ୍କୁ ମଧ୍ୟ ସଚେତନ କରାଇଥିଲେ । ତେବେ ନିଜ ସ୍କୁଲ ବନ୍ଧୁମାନଙ୍କ ସହ ଗୃପରେ ସେ ଏନେଇ ଚାଟ କରିଥିଲେ । ଏହି ଚାଟ ଭାଇରାଲ ହେବା ପରେ କରୋନା ଭୂତାଣୁକୁ ନେଇ ଖବର ବାହାରକୁ ଆସିଥିଲା । ତେବେ ଏହି ଖବର ପରେ ଲି’ ଗୁଜବ ପ୍ରଚାର କରିବାକୁ ଚେଷ୍ଟା କରୁଛନ୍ତି ବୋଲି କହି ୱାହନ୍ ପୁଲିସ୍ ତାଙ୍କୁ ପଚରାଉଚରା କରିଥିଲା ।