ଗାଁ ମହିଳାଙ୍କୁ ସଚେତନ କରିବା ପାଇଁ ଶିକ୍ଷତ ଯୁବତୀଙ୍କ ନିଆରା ଉଦ୍ୟମ । ସାନିଟାରୀ ପ୍ୟାଡ ବ୍ୟବସାୟ କରିବା ସହ ମହିଳା ଓ ଯୁବତୀଙ୍କୁ ମେଷ୍ଟ୍ରୁରାଲ ହାଇଜିନ୍ ବିଷୟରେ କରୁଛନ୍ତି ସଚେତନ
କନକ ବ୍ୟୁରୋ : ଯାଜପୁରର ପ୍ୟାଡ଼ଗାର୍ଲ ବୈଶାଖୀ.. ଦିନେ ବେଙ୍ଗାଲୁରୁରେ ଏକ ବାୟୋଟେକ୍ କମ୍ପାନୀରେ ଉଚ୍ଚ ଦରମାରେ ଚାକିରି କରୁଥିଲେ । ହେଲେ ସେଥିରେ ତାଙ୍କର ମନ ମାନିନଥିଲା । ଗାଁକୁ ଫେରି ନିଜେ କିଛି କରିବା ଉଦ୍ଦେଶ୍ୟରେ ଆରମ୍ଭ କଲେ ସାନିଟାରୀ ନାପକିନ୍ ବା ପ୍ୟାଡ ବ୍ୟବସାୟ । ମହିଳା ମାନଙ୍କୁ ମେଷ୍ଟ୍ରୁରାଲ ହାଇଜିନ୍ ବିଷୟରେ ସଚେତନ କରାଇବା ଏହି ବ୍ୟବସାୟର ମୂଳ ଲକ୍ଷ୍ୟ ବୋଲି କହିଛନ୍ତି ବୈଶାଖୀ । ସେଥିପାଇଁ ବିଭିନ୍ନ ମହିଳା ସଙ୍ଗଠନ, ସ୍ୱୟଂ ସହାୟକ ଗୋଷ୍ଠୀର ସଦସ୍ୟା, ସ୍କୁଲ ଛାତ୍ରୀ ଓ ବସ୍ତି ଅଂଚଳରେ ରହୁଥିବା ମହିଳାମାନଙ୍କୁ ସାନିଟାରୀ ପ୍ୟାଡର ବ୍ୟବହାର ଓ ଉପକାରିତା ନେଇ ସେ ସଚେତନ କରାଉଛନ୍ତି । ଆଉ ଏଥିପାଇଁ ତାଙ୍କୁ ତାଙ୍କ ପରିବାର ପକ୍ଷରୁ ମିଳୁଛି ପୂର୍ଣ୍ଣ ସହଯୋଗ ।
Kanak News is now on WhatsApp
Join and get latest news updates delivered to you via WhatsApp
ପାଖାପାଖି ୧୦ ଲକ୍ଷ ଟଙ୍କା ବିନିଯୋଗରେ ବର୍ଷକ ତଳେ ଆରମ୍ଭ ହୋଇଥିବା ଏହି ବ୍ୟବସାୟ ଖୁବ୍ ଭଲ ଚାଲିଛି । ସ୍ଥାନୀୟ ଅଂଚଳର କିିଛି ମହିଳାଙ୍କୁ ମଧ୍ୟ ରୋଜଗାର ମିଳିପାରିଛି । ଘର ପାଖରେ ରହି କିଛି ରୋଜଗାର କରିପାରୁଥିବାରୁ ଖୁସି ପ୍ରକାଶ କରିଛନ୍ତି କର୍ମଚାରୀ ।
ନିଜର ଏହି ନିଆରା ବ୍ୟବସାୟ ପାଇଁ ବୈଶାଖୀ ଜାତୀୟ ସେମିନାରରେ ଅଂଶଗ୍ରହଣ କରି ବେଶ୍ ପ୍ରସଂଶିତ ମଧ୍ୟ ହୋଇଛନ୍ତି ।