ହଜାର ହଜାର ଲୋକଙ୍କ ଗହଣରେ ଜଳିଲେ ଇମରାନ୍ ! ୧୩୫ ବର୍ଷର ମାରବତ୍ ଉତ୍ସବରେ ଚଳିତବର୍ଷ ଜଳିଲା ପାକ୍ ପ୍ରଧାନମନ୍ତ୍ରୀ ଇମରାନ୍ ଖାନଙ୍କ କୁଶପୁତ୍ତଳିକା ।
ଜମ୍ମୁ-କାଶ୍ମୀରରୁ ଧାରା ୩୭୦ ଉଠିବା ପରେ ପାକିସ୍ତାନ ପ୍ରଧାନମନ୍ତ୍ରୀ ଇମରାନ୍ ଖାନ୍ ବାରମ୍ବାର ଯୁଦ୍ଧର ଧମକ ଦେଇଆସୁଛନ୍ତି ଯାହାକୁ ଭାରତରେ ତୀବ୍ର ବିରୋଧ କରାଯାଉଛି । ଏହି କ୍ରମରେ ନାଗପୁର ସହରରେ ୧୩୫ ବର୍ଷ ଧରି ଆୟୋଜିତ ହୋଇ ଆସୁଥିବା ମାରବତ୍ ଉତ୍ସବରେ ଚଳିତ ବର୍ଷ ଇମରାନ୍ ଖାନଙ୍କ ବିଶାଳ କୁଶପୁତ୍ତଳିକାକୁ ନିଆଁ ଲଗାଇ ଦିଆଯାଇଛି । ଇମରାନଙ୍କ ପୁତଲା ଜଳାଇବା ସମୟରେ ଉକ୍ତ ସ୍ଥାନରେ ହଜାର ହଜାର ଲୋକ “ଭାରତ ମାତା କି ଜୟ” ନାରା ଦେବା ସହ “ପାକିସ୍ତାନ ମୁର୍ଦ୍ଦାବାଦ୍ ଇମରାନ୍ ଖାନ୍ ମୁର୍ଦ୍ଦାବାଦ୍” ର ନାରା ଲଗାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ପ୍ରତିବର୍ଷ ନାଗପୁରରେ ପୋଲା ଉତ୍ସବର ଦ୍ୱିତୀୟ ଦିନ ମାରବତ୍ ବାହାରେ ଯେଉଁଥିରେ ସାମାଜିକ ସମସ୍ୟା ଏବଂ ରାଜନୈତିକ ସ୍ତରର ପ୍ରତିଟି ବିରୋଧକୁ କୁଶପୁତ୍ତଳିକା ଜଳାଇ ଲୋକଙ୍କ କ୍ରୋଧ ଶାନ୍ତ କରାଯାଏ । ଏହି ଉତ୍ସବରେ ଲୋକମାନେ ନିଜ ରାଗ ଶାନ୍ତ କରିବା ପାଇଁ ଏଥର ଇମରାନ୍ ଖାନ୍ ଙ୍କ କୁଶପୁତ୍ତଳିକା ଦାହ କରିଛନ୍ତି । ଏହି ସମୟରେ କଳା ଏବଂ ହଳଦିଆ ମାଟିର କୁଶପୁତ୍ତଳିକା ମୁଖ୍ୟ ଆକର୍ଷଣ ହୋଇଥିଲା । ଏହି କୁଶପୁତ୍ତଳିକା ଅତୃପ୍ତ ଏବଂ ନକାରାତ୍ମକ ଆତ୍ମାଙ୍କୁ ଦୁରରେ ରଖିବା ପାଇଁ ଜଳାଯାଇଥାଏ । ଏଭଳି ମାନ୍ୟତା ରହିଛି ଯେ ରାସ୍ତାରେ ଏହି କୁଶପୁତ୍ତଳିକା ବାହାରିଲେ ବିଭିନ୍ନ ସାମାଜିକ କ୍ଲେଶ ଦୂର ହୁଏ ।