ଝରଣା ପାଣିକୁ ଗାଁକୁ ଆଣିଲେ ପ୍ରବାସୀ ଯୁବକ : ଶ୍ରମଦାନ କରି ଖୋଳିଲେ ୮ଶହ ମିଟର କେନାଲ ; ଉଦାହରଣ ପାଲଟିଲେ କନ୍ଧମାଳ ଜିଲ୍ଲା ଦାରିଙ୍ଗିବାଡି ବ୍ଲକ ଗୁହିବାଡି ଗାଁର ୩୫ ପରିବାର
କନକ ବ୍ୟୁରୋ : କରୋନା ଭୟ ଭିତରେ କନ୍ଧମାଳରୁ ଆସିଛି ଏହି ଖବର । ପ୍ରବାସୀ ଯୁବକମାନେ ଗାଁ ଲୋକଙ୍କ ସହ ମିଶି ଝରଣା ପାଣିକୁ କେନାଲ କରି ଆଣୁଛନ୍ତି ଗାଁକୁ । କନ୍ଧମାଳ ଦାରିଙ୍ଗିବାଡି ବ୍ଲକ ଗୁଡିବାହି ଗାଁର ପ୍ରାୟ ୩୫ଟି ପରିବାର ଶ୍ରମଦାନ କରି ନିର୍ମାଣ କରୁଛନ୍ତି ପ୍ରାୟ ୮ ଶହ ମିଟରର କେନାଲ । ସରକାରଙ୍କ ବିନା ସହାୟତାରେ ଏଭଳି କାମ ହେଉଛି । ଦୀର୍ଘଦିନ ହେଲା ଏଠାକାର ଜମିକୁ ପାଣି ମିଳୁନଥିଲା । ବର୍ଷା ଉପରେ ସମସ୍ତେ ନିର୍ଭରଶୀଳ ଥିଲେ । ହେଲେ ତାଲାବନ୍ଦ ଯୋଗୁଁ ଘରକୁ ଫେରିଥିବା ପ୍ରବାସୀ ଯୁବକମାନେ ଗାଁ ଲୋକଙ୍କ ସହ ମିଶି ଏଭଳି ମହତ କାମ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଉ ଗାଁଠାରୁ ବହୁ ଦୂରରେ ଥିବା ଝରଣା ପାଣିକୁ କେନାଲ ଜରିଆରେ ଗାଁକୁ ଆଣିବା ପାଇଁ ଉଦ୍ୟମ ଜାରି ରଖିଛନ୍ତି । କୋଡି କୋଦଳା ଧରି ଚାଲିଛି କୋନାଲ ଖୋଳା । ଗାଁର ସବୁ ବୟସର ଲୋକେ ଏହି ମହତ କାମରେ ସାମିଲ ହୋଇଛନ୍ତି । ଏହି କୋନାଲରେ ପାଣି ଆସିଲେ ସଂପୃକ୍ତ ଅଚଂଳର ଏକର ଏକର ଜମି ଚାଷ କାମ କରିବା ସମ୍ଭବ ହୋଇପାରିବ ।