ସେନାରେ ମହିଳାଙ୍କୁ ସ୍ଥାୟୀ କମିଶନ ମାମଲା : ସୁପ୍ରିମକୋର୍ଟ କହିଲେ ସ୍ଥାୟୀ କମିଶନ ପାଇଁ ମେଡିକାଲ ଫିଟନେସ୍ ମାପଦଣ୍ଡ ଏକ ପ୍ରହେଳିକା
କନକ ବ୍ୟୁରୋ : ସୁପ୍ରିମକୋର୍ଟରେ ଭାରତୀୟ ମହିଳା ସେନା କର୍ମଚାରୀ ଏକ ବୃହତ ବିଜୟ ହାସଲ କରିଛନ୍ତି । ସେନାରେ ମହିଳା ଅଫିସରଙ୍କ ସହ ଜଡିତ ଏକ ମାମଲାରେ ବୁଧବାର ଦିନ ସୁପ୍ରିମକୋର୍ଟ ଏକ ଐତିହାସିକ ରାୟ ପ୍ରଦାନ କରିଛନ୍ତି । ମହିଳା ଅଫିସର ମାନଙ୍କ ପାଇଁ ସ୍ଥାୟୀ କମିଶନ ପ୍ରଦାନରେ ମେଡିକାଲ ଫିଟନେସ୍ ମାପଦଣ୍ଡକୁ ଏକ ତର୍କହୀନ ଯୁକ୍ତି ବୋଲି କହିଛନ୍ତି କୋର୍ଟ । ଏହାସହ ସେନାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି କି ଯେଉଁ ସେନା ମହିଳା ଅଫିସରଙ୍କୁ ମେଡିକାଲ ଗ୍ରାଉଣ୍ଡ ମାଧ୍ୟମରେ ସ୍ଥାୟୀ କମିଶନରୁ ବଞ୍ଚିତ କରାଯାଇଛିି ସେମାନଙ୍କ ଉପରେ ଗୋଟିଏ ମାସ ଭିତରେ ପୁଣିଥରେ ବିଚାର କରାଯାଉ ।
Kanak News is now on WhatsApp
Join and get latest news updates delivered to you via WhatsApp
ଏନେଇ କୋର୍ଟ ଫେବୃଆରୀ ୨୦୨୦ ରେ ଏକ ନିର୍ଦ୍ଦେଶ ଜାରି କରିଥିଲେ ବି ସେନା ତରଫରୁ ମହିଳା ଅଫିସରଙ୍କୁ ଫିଟନେସ୍ ଆଧାରରେ ସ୍ଥାୟୀ କମିଶନ ନଦିଆଯିବାକୁ ସେନାର ଭୁଲ ବୋଲି କହିଛନ୍ତି କୋର୍ଟ । ସୁପ୍ରିମକୋର୍ଟ କହିଥିଲେ କି ଦିଲ୍ଲୀ ହାଇକୋର୍ଟ ୨୦୧୦ ମସିହାରେ ଏନେଇ ରାୟ ଦେଇଥିଲେ । ଏହି ରାୟକୁ ୧୦ ବର୍ଷ ପୁରି ଯାଇଥିଲେ ବି ସେନା ଫିଟନେସ୍ ଓ ଶରୀରର ଆକାର ଆଧାରରେ ସ୍ଥାୟୀ କମିଶନ ଲାଗୁ ନକରିବା ସେନାର ଭୁଲ ନିଷ୍ପତ୍ତି ।
ଏନେଇ ସୁପ୍ରିମକୋର୍ଟ ସେନାକୁ ନିର୍ଦ୍ଦେଶ ଦେଇଛନ୍ତି କି ଏହି ମାମଲାର ପୁର୍ନବିଚାର ୧ ମାସ ମଧ୍ୟରେ କରି ୨ ମାସ ମଧ୍ୟରେ ମହିଳା ଅଫିସର ମାନଙ୍କୁ ସ୍ଥାୟୀ କମିଶନ ଦିଆଯାଉ ।
କହିରଖୁ କି ୨୦୧୦ ମସିହାରେ ଦିଲ୍ଲୀ ହାଇକୋର୍ଟ ଏହି ମାମଲାର ରାୟ ଦେବା ପରେ ସେନା ତରଫରୁ ୨୮୪ ଅଫିସରଙ୍କ ମଧ୍ୟରୁ ୧୬୧ ଜଣଙ୍କୁ ସ୍ଥାୟୀ କମିଶନ ପ୍ରଦାନ କରିଥିଲା । ଅନ୍ୟ ମହିଳା ଅଫିସର ମାନଙ୍କୁ ମେଡିକାଲ ଗ୍ରାଉଣ୍ଡରେ ବରଖାସ୍ତ କରିଥିଲା । ଆଜି ଏହି ମାମଲାର ଶୁଣାଣି କରି ସୁପ୍ରିମକୋର୍ଟ କହିଛନ୍ତି କି ସେନାର ମେଡିକାଲ ପଦ୍ଧତି ଠିକ୍ ନଥିଲା ଓ ଏନେଇ ମହିଳାଙ୍କ କ୍ଷେତ୍ରରେ ଭେଦଭାବ କରାଯାଇଛି ।