କନକ ବ୍ୟୁରୋ : ନ୍ୟାସନାଲ ମେଡିକାଲ କମିଶନ (ଏନଏମସି)ଙ୍କ ତରଫରୁ ମେଡିକାଲ ଛାତ୍ରଙ୍କ ଇଣ୍ଟର୍ନସିପ୍ କୁ ନେଇ ଜାରି କରାଯାଇଥିବା ଗାଇଡ ଲାଇନକୁ ବିରୋଧ କରିଛି ଇଣ୍ଡିଆନ ମେଡିକାଲ ଆସୋସିଏସନ (ଆଇଏମଏ) । ଆଇଏମଏ ପକ୍ଷରୁ କୁହାଯାଇଛି କି ଆୟୁଷ ଓ ତାର ଶିକ୍ଷା ଏକ ବଡ କୋର୍ସ । ଗୋଟିଏ ସପ୍ତାହ ଇଣ୍ଟର୍ନସିପ୍ କରି ମେଡିକାଲ ଛାତ୍ର ଛାତ୍ରୀମାନେ କିଛି ବି ଶିକ୍ଷାଲାଭ କରିପାରିବେ ନାହିଁ । ଏହାସହ ଚିଠିଲେଖି ଏନଏମସି ଅଧ୍ୟକ୍ଷ ସୁରେଶ ଚନ୍ଦ୍ର ଶର୍ମା ଏହା ଉପରେ ହସ୍ତକ୍ଷେପ କରନ୍ତୁ ବୋଲି ଅନୁରୋଧ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଡ୍ରାଫ୍ଟ ରେଗୁଲେସନ ଫର କମ୍ପଲସରୀ ରୋଟେଟିଙ୍ଗ ଇଣ୍ଟର୍ନସିପ୍ ମାଧ୍ୟମରେ ଏମବିବିଏସ ଛାତ୍ର ମାନଙ୍କୁ ଆୟୁଷ ଟ୍ରେନିଂ ନେବା ନେଇ କୁହାଯାଇଥିଲା । ଏହାକୁ ନେଇ ଆଇଏମଏ କହିଛି କି ଆଧୁନିକ ଚିକିତ୍ସାରେ ପ୍ରଶିକ୍ଷିତ ଇଣ୍ଟର୍ନ ପାଇଁ ଔଷଧର ଏହି ପ୍ରଣାଳୀକୁ ବୁଝିବା ବୁଦ୍ଧିମାନର କାମ ନୁହେଁ । ଏହାସହ ମେଡିକାଲ ଛାତ୍ରମାନେ ଗୋଟିଏ ସପ୍ତାହ ଆୟୁଷ ଟ୍ରେନିଂ ନେବାକୁ ଆଇଏମଏ ବିରୋଧ କରିଛି । ଆଇଏମଏ କହିଛି କି ଏହା ପ୍ରଥମରୁ ସ୍ଥାପନ କରାଯାଇଥିବା ମାନଦଣ୍ଡର ବିପରିତ ଓ ଅନାବଶ୍ୟକ ।
କହିରଖୁ କି ଡ୍ରାଫ୍ଟ ମୁତାବକ ଏମବିବିଏସ୍ ଛାତ୍ର ମାନଙ୍କୁ ସ୍ନାତକ ସମାପ୍ତି ପରେ ୧୨ ମାସ ମଧ୍ୟରେ ୧୭ ଟି ପୋଷ୍ଟିଂ ସମ୍ପୂର୍ଣ୍ଣ କରିବାକୁ ପଡିବ । ସେଥିମଧ୍ୟରୁ ୧୪ ଟି ବାଧ୍ୟତାମୂଳକ ଓ ୩ ଟି ଇଚ୍ଛାଧିନ । ଅନ୍ୟପଟେ ଭାରତୀୟ ଔଷଧ ପ୍ରଣାଳୀର ତାଲିମ ଇଚ୍ଛାଧିନ ରହିଛି ।