କନକ ବ୍ୟୁରୋ: କେରଳ କୋଝିକୋଡିରେ ଥିବା ‘ଊଷା ସ୍କୁଲ ଅଫ୍ ଏଥଲେଟିକ୍ସ’ର ଜମି ଉପରେ ଅବୈଧ ନିର୍ମାଣ ହେବାକୁ ନେଇ ଅଭିଯୋଗ ଆଣିଛନ୍ତି ଦୌଡରାଣୀ ପିଟି ଊଷା । ଭାରତର ଉଡନ୍ତା ପରୀ କୁହାଯାଉଥିବା ପିଟି ଊଷା ଏ ଘଟଣାକୁ ନେଇ ଦିଲ୍ଲୀରେ ଏକ ସାମ୍ବାଦିକ ସମ୍ମିଳନୀ ଡକାଇ ସେଥିରେ ନିଜର କ୍ଷୋଭ ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତାଙ୍କୁ ରାଜ୍ୟସଭା ସାଂସଦ କରାଯିବା ପରେ ତାଙ୍କୁ ବ୍ୟକ୍ତିଗତ ଭାବେ ଟାର୍ଗେଟ କରାଯାଉଛି, ହଇରାଣ କରାଯାଉଛି ବୋଲି ଅଭିଯୋଗ କରିଛନ୍ତି ପିଟି ଊଷା । ବିନା କୌଣସି କାରଣରେ ତାଙ୍କର କ୍ରୀଡା ଏକାଡେମୀ ସ୍ଥାନରେ ଅନଧିକାର ପ୍ରବେଶ କରି ନିର୍ମାଣ କାର୍ଯ୍ୟ କରାଯାଉଛି । ଫଳରେ ସେଠାରେ ଥିବା ଖେଳାଳି ତଥା ଝିଅମାନଙ୍କର ସୁରକ୍ଷା ଏବେ ବିପଦରେ । ଏନେଇ ସ୍ଥାନୀୟ ପ୍ରଶାସନ ସବୁ ଜାଣିଥିଲେ ବି କେହି କିଛି ପଦକ୍ଷେପ ନେବାକୁ ନାରାଜ । ତେଣୁ ଏହି ଘଟଣାରେ ଖୋଦ୍ ମୁଖ୍ୟମନ୍ତ୍ରୀ ହସ୍ତକ୍ଷେପ କରିବାକୁ ସେ ସାମ୍ବାଦିକ ସମ୍ମିଳନୀରେ ଅପିଲ କରିଛନ୍ତି । ଏନେଇ ସେ ପୁଲିସରେ ମଧ୍ୟ ମାମଲା ଦାଏର କରିଛନ୍ତି ବୋଲି କହିଛନ୍ତି ।