ଟ୍ରକରେ ହେଉଥିଲା କୁକୁର ଚାଲାଣ, ଧରିଲା ପୋଲିସ ।

କନକ ବ୍ୟୁରୋ : ଆସାମରୁ ନାଗାଲାଣ୍ଡକୁ କୁକୁର ଚାଲାଣ ହେଉଥିବାବେଳେ ଧରିଲା ପୁଲିସ । ଆଉ ଉଦ୍ଧାର ହୋଇଛନ୍ତି ଏକାଧିକ କୁକୁର । ଆସାମର ଜୋରାହଟରେ ପୁଲିସ ତନଖି କରୁଥିବାବେଳେ ଏକ ଟ୍ରକରେ କୁକୁରଙ୍କୁ ଚାଲାଣ କରାଯାଉଥିବା ନେଇ ଖବର ମିଳିଥିଲା। ଏହା ପରେ ଚଢ଼ାଉ କରାଯାଇ କୁକୁରଙ୍କୁ ଉଦ୍ଧାର କରିବା ସହ ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି । ପୁଲିସର ସୂଚନା ମୁତାବକ ଏହି କୁକୁରଗୁଡ଼ିଙ୍କୁ ଆସାମରୁ ନାଗାଲାଣ୍ଡକୁ ଚାଲାଣ କରାଯାଉଥିଲା । ଆପଣ ପୂର୍ବରୁ ଗୋରୁ ଚାଲାଣ ବାବଦରେ ଜାଣିଥିବେ ଆଉ ଏବେ କୁକୁର ଚାଲାଣ ଭଳି ଖବର ସାମ୍ନାକୁ ଆସିଛି ।

ବାସ୍ତବରେ, ନାଗାଲାଣ୍ଡରେ କୁକୁର ମାଂସ ପ୍ରାୟ ଲୋକ ଖାଇଥାନ୍ତି । ଆଇନଗତ ଭାବରେ, କୁକୁରଙ୍କୁ ହତ୍ୟା କରିବା ଏବଂ ଖାଇବା ବେଆଇନ, କିନ୍ତୁ ନାଗାଲାଣ୍ଡ ଏବଂ ଅନ୍ୟ ଉତ୍ତର-ପୂର୍ବ ରାଜ୍ୟରେ କୁକୁର ମାଂସ ଖିଆଯାଏ ।

କୁକୁର ମାଂସ ଏହି ରାଜ୍ୟଗୁଡ଼ିକରେ ଅତ୍ୟଧିକ ପୁଷ୍ଟିକର ଏବଂ ଔଷଧୀୟ ବୋଲି ବିବେଚନା କରାଯାଏ । ବିଜେପି ନେତ୍ରୀ ତଥା ପଶୁ ଅଧିକାର କର୍ମୀ ମନେକା ଗାନ୍ଧୀ ମଧ୍ୟ ନାଗାଲାଣ୍ଡରେ କୁକୁରମାନଙ୍କ ବର୍ବରତା, ଏହି କୁକୁରମାନଙ୍କୁ ଟ୍ରକରେ କିପରି ବୋହି ନିଆଯାଉଛି ସେ ବାବଦରେ ବାରମ୍ବାର ସ୍ୱର ଉତ୍ତୋଳନ କରିଛନ୍ତି ।