କନକ ବ୍ୟୁରୋ : ବର୍ତମାନ ସମୟରେ ବିଜ୍ଞାନର ଅତ୍ୟାଧୁନିକ ଅଗ୍ରଗତି ପରେ ମଧ୍ୟ ଭୂତପ୍ରେତ ଭଳି ପ୍ରସଙ୍ଗକୁ ଅନେକ କ୍ଷେତ୍ରରେ ପ୍ରଶୟ ଦିଆଯାଉଛି । ଏହାକୁ ନେଇ ବହୁ ସମୟରେ ଅନେକ ମତ ମତାନ୍ତର ମଧ୍ୟ ଦେଖାଦେଉଛି । ତେବେ ଏହି ସବୁ ଭିତରେ ଆଇଆଇଟି ମାଣ୍ଡିର ନିର୍ଦ୍ଦେଶକ ଲକ୍ଷ୍ମୀଧର ବେହେରାଙ୍କର ଏଭଳି ଏକ ମନ୍ତବ୍ୟ ସାମ୍ନାକୁ ଆସିଛି । ଯାହା ବର୍ତମାନ ଚର୍ଚ୍ଚାର ବିଷୟ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ସତରେ ଭୂତ ଅଛନ୍ତି, ଆଧୁନିକ ଯୁଗରେ ଏନେଇ ବାଦବିବାଦ ଚାଲି ଆସିଥିବା ବେଳେ ଦେଶର ଜଣେ ବିଶିଷ୍ଟ ବିଜ୍ଞାନୀ ଏବଂ ଆଇଆଇଟିର ଜଣେ ପ୍ରଫେସରଙ୍କ ମନ୍ତବ୍ୟ ସମସ୍ତଙ୍କୁ ଚକିତ କରିଛି । ଭୂତ ସଂପର୍କରେ ଆଇଆଇଟି ମାଣ୍ଡିର ନିର୍ଦ୍ଦେଶକ ଲକ୍ଷ୍ମୀଧର ବେହେରାଙ୍କ ଏକ ଭିଡିଓ ଭାଇରାଲ ହେବା ପରେ ଉଭୟ ସପକ୍ଷ ଓ ବିପକ୍ଷରେ ମତ ପ୍ରକାଶ ପାଇଛି । ସେ ଏହି ଭିଡିଓରେ କହିଥିଲେ, ସେ ତାଙ୍କର ଜଣେ ବନ୍ଧୁଙ୍କ ପରିବାରକୁ ଭୂତ କବଳରୁ ମନ୍ତ୍ର ଜପି ମୁକ୍ତ କରିଥିଲେ । ଏ ନେଇ କନକ ନ୍ୟୁଜ ତାଙ୍କ ସହ ଯୋଗାଯୋଗ କରିଥିଲା । ସେ କହିଛନ୍ତି, ଯାହାର ଦ୍ୱନ୍ଦ୍ୱ ଅଛି ସେମାନେ ତାଙ୍କ ସହ ଆଲୋଚନା କରିପାରିବେ । କିନ୍ତୁ ଗଣମାଧ୍ୟମର ଚର୍ଚ୍ଚା ପାଇଁ କିଛି କହିପାରିବେ ନାହିଁ ।
ସତରେ ଅଛନ୍ତି କି ଭୂତ ? ଆଇଆଇଟି ପ୍ରଫେସରଙ୍କ ବୟାନକୁ ନେଇ ଚର୍ଚ୍ଚା । ଚେନ୍ନାଇରେ ନିଜ ବନ୍ଧୁଙ୍କ ପରିବାର ଲୋକଙ୍କୁ ଭୂତ ସବାର ହୋଇଥିଲା, ଭୂତ କବଳରୁ ସେମାନଙ୍କୁ ମୁକ୍ତ କରିଥିଲେ ଆଇଆଇଟି ମାଣ୍ଡିର ନିଦ୍ଦେର୍ଶକ ଡକ୍ଟର ଲକ୍ଷ୍ମୀଧର ବେହେରା । ଏପରି ମନ୍ତବ୍ୟ ଦେଇଥିବା ତାଙ୍କର ୟୁଟ୍ୟୁବର ଏକ ପୁରୁଣା ଭିଡିଓ ଭାଇରାଲ ହେବା ପରେ ଏହାକୁ ନେଇ ବିବାଦ ସୃଷ୍ଟି ହୋଇଛି । ତାଙ୍କ ମତରେ ମୃତ୍ୟୁ ପରେ ଶରୀର ମରିଯାଏ, ହେଲେ ଆତ୍ମା ଅମର ।
ମନ୍ତ୍ର ଜପି ଛଡ଼ାଇଥିଲେ ଭୂତ ! ଆଇଆଇଟି ପ୍ରଫେସରଙ୍କ ଦାବି ପରେ ବିବାଦ । ‘ହରେକୃଷ୍ଣ ହରେରାମ’ ସହ ଭଗବତ୍ ଗୀତାର ଜ୍ଞାନକୁ ପ୍ରୟୋଗ କରି ସେ ଭୂତ ସବାରରୁ ନିଜ ବନ୍ଧୁଙ୍କୁ ମୁକ୍ତ କରିଥିଲେ ବୋଲି ଦାବି କରିଛନ୍ତି ଆଇଆଇଟି ମାଣ୍ଡିର ନିଦ୍ଦେର୍ଶକ ଡକ୍ଟର ଲକ୍ଷ୍ମୀଧର ବେହେରା ।
୧୯୯୩ ମସିହାରେ ଚେନ୍ନାଇରେ ଭୂତ ସବାର ହୋଇଥିବା ତାଙ୍କ ବନ୍ଧୁଙ୍କ ଘରକୁ ଦୁଇ ସହଯୋଗୀଙ୍କ ସହ ଯାଇଥିଲେ । ଏବଂ ସେଠାରେ ୧୦ରୁ ୧୫ ମିନିଟ୍ ମନ୍ତ୍ର ଜପିବା ପରେ ତାଙ୍କ ବନ୍ଧୁଙ୍କ ବାପା ଚାଲିବା ଆରମ୍ଭ କରିଥିଲେ । ଭୂତ ଲାଗିବା ସମୟରେ ତାଙ୍କ ବାପା ଏଭଳି ଡେଉଁଥିଲେ ଯେ ତାଙ୍କ ମୁଣ୍ଡ ଘରର ଛାତରେ ବାଜୁଥିଲା । ବନ୍ଧୁଙ୍କ ବାପାଙ୍କ ବ୍ୟତୀତ ତାଙ୍କ ମାଆ ଓ ପତ୍ନୀଙ୍କ ମଧ୍ୟରେ ମଧ୍ୟ ଭୂତ ସବାର ହୋଇଥିଲା । ସେହିପରି ୪୫ ମିନିଟରୁ ଏକ ଘଣ୍ଟା ପର୍ଯ୍ୟନ୍ତ ବଡ଼ ପାଟିରେ ମନ୍ତ୍ର ଜପ କଲାପରେ ପ୍ରେତାତ୍ମା ଛାଡ଼ି ଯାଇଥିଲା ବୋଲି ସେ ଦାବି କରିଛନ୍ତି । ଏପରି ଦାବି ସପକ୍ଷରେ ଓ ବିପକ୍ଷରେ ମତ ପ୍ରକାଶ ପାଇଛି ।
ବିଜ୍ଞାନ ଯୁଗରେ ଭୂତ ଥିବା ନେଇ ଆଇଆଇଟି ପ୍ରଫେସରଙ୍କ ଯୁକ୍ତି କେତେ ଯୁକ୍ତିଯୁକ୍ତ, ଏହାକୁ ନେଇ ପ୍ରଶ୍ନ ଉଠିଛି । ରବୋଟିକ୍ସ ଓ ଆଟିପିସିଆଲ୍ ଇଂଟେଲିଜେନ୍ସ ଉପରେ ଆଇଆଇଟି ଛାତ୍ରଙ୍କୁ ପାଠ ପଢ଼ାଉଥିବା ଡକ୍ଟର ବେହେରାଙ୍କ ଭୂତ ତତ୍ୱକୁ ନେଇ ଚର୍ଚ୍ଚା ଜୋର ଧରିଛି ।