ଆଇଆଇଏସ ବୈଜ୍ଞାନିକଙ୍କ ଅଧ୍ୟୟନ, ତୀବ୍ର ଗତିରେ ସ୍ୱରୂପ ବଦଳାଉଛି କରୋନା ଭୂତାଣୁ : ୩ଟି ସାମ୍ପୁଲରେ ପାଇଲେ ୨୭ଟି ମ୍ୟୁଟେସନ୍
ପ୍ରତି ସାମ୍ପୁଲରେ ୧୧ ଥର ହୋଇଛି କରୋନା ଭୂତାଣୁର ପରିବର୍ତ୍ତନ
କନକ ବ୍ୟୁରୋ : ସ୍ୱରୂପ ବଦଳାଉଛି କରୋନା ଭୂତାଣୁ । ଗତ କିଛିମାସ ମଧ୍ୟରେ କରୋନା ଭୂତାଣୁରେ ହୋଇଥିବା ପରିବର୍ତନକୁ ନେଇ ଚିକିତ୍ସା ବିଜ୍ଞାନୀଙ୍କ ଚିନ୍ତା ବଢିଯାଇଛି । କାରଣ ପୂର୍ବ ଅପେକ୍ଷା ଅଧିକ ତୀବ୍ର ଗତିରେ ସ୍ୱରୂପ ପରିବର୍ତନ କରୁଛି ମହାମାରୀ କରୋନା ଭୂତାଣୁ । ବେଙ୍ଗାଳୁରୁସ୍ଥିତ ଭାରତୀୟ ବିଜ୍ଞାନ ସଂସ୍ଥାର ବୈଜ୍ଞାନିକ କରୋନା ଭୂତାଣୁର ସ୍ଥିତି ଉପରେ ଅଧ୍ୟୟନ କରିବା ପରେ ଏହି ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଇଆଇଏସର ବାୟୋକେମିଷ୍ଟ୍ରି ବିଭାଗର ବୈଜ୍ଞାନିକ ପ୍ରଫେସର ଉତ୍ପଳ ଟାଟୁଙ୍କ ନେତୃତ୍ୱରେ ଗଠିତ ଟିମ୍ ୩ଟି ସାମ୍ପୁଲରେ ୨୭ଟି ମ୍ୟୁଟେସନ ପାଇଛନ୍ତି । ପ୍ରତି ସାମ୍ପୁଲରେ ଭୂତାଣୁ ୧୧ଥର ନିଜର ସ୍ୱରୂପ ବଦଳାଇଛି । ଏପରିକି ଭୂତାଣୁ ତାର ସଂରଚନାରେ ବହୁ ପ୍ରକାର ପ୍ରୋଟିନ ଉତ୍ପାଦନ କରୁଛି । ଯାହା ଚିନ୍ତାର କାରଣ ବୋଲି ବିଶେଷଜ୍ଞ କହିଛନ୍ତି । ବିଦେଶରେ କରୋନାର ଭିନ୍ନ ରୂପ ଦେଖାଯିବା ପରେ ଭାରତରେ ମଧ୍ୟ କରୋନା ଆକ୍ରାନ୍ତଙ୍କଠାରେ ଏହା ଦେଖା ଗଲାଣି । ଏପର୍ଯ୍ୟନ୍ତ ଦେଶରେ ୨୪୨ ସଂକ୍ରମିତଙ୍କଠାରେ କରୋନାର ନୂଆ ସ୍ୱରୂପ ଦେଖା ଦେଇଛି ।