ବିହାରରେ ରାଜନୈତିକ ଲଢେଇ। ବିରୋଧ ପ୍ରଦର୍ଶନ, ନେତାଙ୍କ ମୃତ୍ୟୁ ଏବଂ ରାଜନୈତିକ ଘଟଣାକ୍ରମ… ୨୪ ଘଣ୍ଟାରେ ହୋଇଛି କଣ?
କନକ ବ୍ୟୁରୋ: ବିହାରରେ ଗୁରୁବାର ବିଜେପିର ପ୍ରଦର୍ଶନ ବେଳେ ପୁଲିସର ଲାଠିଚାର୍ଜରେ ଜଣେ ବିଜେପି ନେତାଙ୍କ ମୃତ୍ୟୁ ହୋଇଛି । ଏହା ପରେ ରାଜ୍ୟରେ ଏହାକୁ ନେଇ ରାଜନୈତିକ ଲଢେଇ ଆରମ୍ଭ ହୋଇଯାଇଛି । ବିଜେପି ନେତାଙ୍କ ମୃତ୍ୟୁକୁ ଦଳ ହତ୍ୟା କରାଯାଇଥିବା ଅଭିଯୋଗ କରିଛି । ଆଜି ଯେତେବେଳେ ବିହାର ବିଧାନସଭାର ମୌସୁମୀ ଅଧିବେଶନର କାର୍ଯ୍ୟ ଆରମ୍ଭ ହୋଇଥିଲା ସେତେବେଳେ ବିଜେପି ବିଧାୟକ ଏହି ପ୍ରସଙ୍ଗରେ ହଙ୍ଗାମା କରିଥିଲେ । ବିଧାୟକ ସଞ୍ଜୟ ସିଂହ ଟେବୁଲ ଉପରେ ଚଢିଯାଇଥଲେ । ଏହା ପରେ ସେଠାରେ ଉପସ୍ଥିତ ଥିବା ମାର୍ସଲ ସଞ୍ଜୟ ସିଂହଙ୍କୁ ସଦନରୁ ବାହାର କରିଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ପାଟନାରେ ବିଜେପି କାର୍ଯ୍ୟକର୍ତ୍ତାଙ୍କ ବିରୋଧରେ ଲାଠି ଚାର୍ଜ, ବିଜେପି ନେତା ବିଜୟ କୁମାର ସିଂହଙ୍କ ହତ୍ୟା ବିରୋଧରେ ବିଜେପି ସେଠାରେ ଆଜି କଳା ଦିବସ ପାଳନ କରୁଛି । ବିଜେପି ବିଧାୟକ ସଦନରେ କଳା ଗାମୁଛା ଧରି ପ୍ରଦର୍ଶନ କରିଥିଲେ । ଗୃହରେ ଏହାକୁ ନେଇ ହଙ୍ଗାମା ହୋଇଥିଲା । ପରେ ଗୃହକୁ ସ୍ଥଗିତ ରଖାଯାଇଥିଲା ।