ଯଦି ଆମେରିକା-ଇରାନ୍ ମଧ୍ୟରେ ଯୁଦ୍ଧ ହୁଏ…? ଜାଣନ୍ତୁ କେଉଁ ଦେଶ କରିପାରେ କାହାକୁ ସମର୍ଥନ, ଭାରତର ଆଭିମୁଖ୍ୟ ରହିଛି କଣ?

ଦେଶ ବିଦେଶ
By Sunil Bhuyan
5,997

ଇରାନର ସେନା କମାଣ୍ଡର ମେଜର ଜେନେରାଲ କାଶିମ ସୁଲେମାନୀଙ୍କୁ ଆମେରିକା ହତ୍ୟା କରିବା ପରେ ଏବେ ଇରାନ-ଆମେରିକା ମଧ୍ୟରେ ଯୁଦ୍ଧ ପରିସ୍ଥିତି ଉପୁଜିଛି ।ଆମେରିକା ଉପରେ ପ୍ରତିଶୋଧ ନେବାକୁ ଆଗେଇ ଆସିଛି ଇରାନ । ଏପରିକି ଇରାକରେ ଥିବା ଆମେରିକାର ଦୂତାବାସ ଉପରେ ରକେଟ ମାଡ କରି ଇରାନ ଯୁଦ୍ଧ ପାଇଁ ଏକପ୍ରକାର ଆହ୍ୱାନ ଦେଉଛି । ଏଭଳିସ୍ଥଳେ ଆମେରିକା ମଧ୍ୟ ଆଉ ଚୁପ୍ ବସିନାହିଁ । ଇରାନ ତରଫରୁ ଆଉ ଯଦି ଆକ୍ରମଣ ହୁଏ ତେବେ ଚିହ୍ନଟ ହୋଇଥିବା ଇରାନର ୫୨ଟି ସ୍ଥାନକୁ କ୍ଷଣିକରେ ଧ୍ୱଂସ କରି ଦିଆଯିବ ବୋଲି ଟ୍ରମ୍ପ କହିଛନ୍ତି । ଏଭଳି ସ୍ଥିତିରେ ଯୁଦ୍ଧ ହୁଏ ତେବେ ଏହା କେବଳ ଇରାନ-ଆମେରିକା ମଧ୍ୟରେ ସୀମିତ ରହିବ ନାହିଁ । ଏହା ମଧ୍ୟପ୍ରାଚ୍ୟ କ୍ଷେତ୍ରରେ ଭୟଙ୍କର ସ୍ଥିତି ଉପୁଜାଇବ । ଇରାନ-ଆମେରିକାର ଏଭଳି ତିକ୍ତତାକୁ ନେଇ ଏବେ ବିଶ୍ୱର ଅଧିକାଂଶ ଦେଶ ନିଜର ସୁରକ୍ଷା ପାଇଁ ସକ୍ରିୟ ହୋଇ ଉଠିଲେଣି । ତେବେ ସବୁଠୁ ବଡ କଥା ହେଉଛି ଯଦି ଯୁଦ୍ଧ ହୁଏ ତେବେ କେଉଁ ଦେଶ କାହା ସପକ୍ଷରେ ରହିବ ତାହା ଉପରେ ସମସ୍ତଙ୍କର ନଜର ରହିଛି ।

ଇରାନ ସହ ତିକ୍ତତା ଭିତରେ ଆମେରିକା ଭାରତକୁ ନିଜ ସପକ୍ଷକୁ ନେବାକୁ ଚାହୁଁଛି । ଆମେରିକାର ଏୟାର ଷ୍ଟ୍ରାଇକ୍ ପରେ ମଧ୍ୟପ୍ରାଚ୍ୟରେ ସୃଷ୍ଟି ହୋଇଥିବା ଉତେଜନା ପରିସ୍ଥିତି ନେଇ ଭାରତ ନିଜର ଆଭିମୁଖ୍ୟ ସ୍ପଷ୍ଟ କରିଛି । ଉଭୟ ଇରାନ ଓ ଆମେରିକାକୁ ଶାନ୍ତି ବଜାୟ ରଖିବାକୁ ପରାମର୍ଶ ଦେବା ସହ ଉଜେତନାକୁ ଆଗକୁ ନବଢ଼ାଇବାକୁ କହିଛି । ଭାରତ ବୈଦଶିକ ମନ୍ତ୍ରାଳୟ ପକ୍ଷରୁ ଜାରି ହୋଇଥିବା ପ୍ରେସ୍ ବିଜ୍ଞପ୍ତିରେ ଦୁଇ ଦେଶକୁ ସଞ୍ଜମତା ରକ୍ଷା କରିବାକୁ କୁହାଯାଇଛି ।ସେହିଭଳି ୟୁରୋପୀୟ ସଂଘ ଉଭୟ ଦେଶକୁ ଶାନ୍ତି ବଜାୟ ରଖିବାକୁ ଅପିଲ୍ କରିଛି । ଏସବୁ ଭିତରେ ଇସ୍ରାଏଲ କିନ୍ତୁ ଆମେରିକା ସପକ୍ଷରେ ଯିବା ଏକପ୍ରକାର ନିଶ୍ଚିତ । କାରଣ ସୁଲେମାନିକୁ ଇସ୍ରାଏଲ ସବୁବେଳେ ନିଜର ଶତ୍ରୁ ବୋଲି ଭାବି ଆସିଛି । ଯେଉଁଥିପାଇଁ ସୁଲେମାନିର ହତ୍ୟା ପରେ ଆମେରିକାକୁ ଖୋଲା ସମର୍ଥନ କରିଥିଲା ଇସ୍ରାଏଲ । ସେହିଭଳି ଇରାନ କୁର୍ଦ୍ଦଶ ସେନାର ମୁଖ୍ୟ ସୁଲେମାନିର ହତ୍ୟା ପରେ ଇଂଲଣ୍ଡ, ଫ୍ରାନ୍ସ, ସାଉଦି ଆରବ, ଜୋର୍ଡାନ ଓ ୟୁଏଇ ମଧ୍ୟ ଆମେରିକା ସପକ୍ଷରେ ଆସିପାରନ୍ତି ।

ସେହିଭଳି ଚୀନ୍ ଓ ଋଷ, ଆମେରିକା ସେନାର ଏଭଳି କାର୍ଯ୍ୟାନୁଷ୍ଠାନକୁ ନାପସନ୍ଦ କରିଛନ୍ତି । ଯାହା ଦର୍ଶାଉଛି ଯେ ଏହି ଦୁଇ ଶକ୍ତିଶାଳୀ ରାଷ୍ଟ୍ର ଇରାନ ସପକ୍ଷରେ ଯାଇପାରନ୍ତି । ଏପରିକି ଗତ ସପ୍ତାହରେ ଚୀନ୍, ଇରାନ ଓ ଋଷର ନୌସେନା ମିଳିତ ଭାବେ ସାମରିକ ଅଭ୍ୟାସ କରିଥିଲେ । ଏହାଛଡା ୟେମନ, ଲେବାନନ, ସିରିଆ ଓ ଫିଲିସ୍ତାନ ମଧ୍ୟ ଇରାନକୁ ସମର୍ଥନ କରୁଛନ୍ତି । ତେଣୁ ଯୁଦ୍ଧ ହେଲେ ଏହାର ଭୟାବହତା ପୂରା ବିଶ୍ୱକୁ ବ୍ୟାପିପାରେ ।

ସମ୍ବନ୍ଧିତ ଖବର More from author