ମାତ୍ର ୧ ଟଙ୍କାରେ ଇଡଲୀ , ସାମ୍ବର ବିକି ଚର୍ଚ୍ଚାରେ ୮୦ ବର୍ଷୀୟା ଇଡଲୀ ଦାଦି ! ସୋସିିଆଲ୍ ମିଡିଆରେ ଖବର ପ୍ରସାରଣ ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବଢାଇଲେ ସହାୟତାର ହାତ ।

380

୧ ଟଙ୍କାରେ ଜଣେ କ’ଣ କିଣିପାରିବ? ଗୋଟିଏ ଟଫି ନହେଲେ ଚକଲେଟ୍ ୟା ଠାରୁ ତ ଅଧିକା କିଛି ଆମ ମୁଣ୍ଡକୁ ଆସୁନି । ଆଜିର ସମୟରେ ଯେଉଁଠି ୫ ଟଙ୍କାର ବି ମୂଲ୍ୟ ନାହିଁ ସେଠି ଟଙ୍କାଟିଏକୁ ପଚାରୁଛି କିଏ? କିନ୍ତୁ ଏହି ମହଙ୍ଗା ଜମାନାରେ ଯଦି ଜଣେ ମହିଳା ୧ ଟଙ୍କାରେ ଲୋକଙ୍କୁ ଇଡଲି ବିକ୍ରି କରୁଛନ୍ତି ତାହେଲେ ଏହାଠାରୁ ଚର୍ଚ୍ଚିତ ଏବଂ ପ୍ରଶଂସନୀୟ ବିଷୟ କିଛି ହୋଇନପାରେ । ସୋସିଆଲ୍ ମିଡିଆରେ କୋଏମ୍ବାଟୁରର କମଲାଥଲ୍ ନାମକ ଜଣେ ୮୦ ବର୍ଷ ବୟସ୍କା ମହିଳା ଏବେ ନିଜ କାମ ପାଇଁ ଖୁବ୍ ଭାଇରାଲ୍ ହେଉଛନ୍ତି । ବୟସର ଅପରାହ୍ନରେ ବି ସେବାଭାବ ରହିଛି । ଲୋକଙ୍କୁ ଏହି ବୃଦ୍ଧା ମାତ୍ର ୧ ଟଙ୍କାରେ ଇଡଲି ଖାଇବାକୁ ଦେଉଛନ୍ତି ।

କେନ୍ଦ୍ରୀୟ ପେଟ୍ରୋଲିୟମ୍ ଏବଂ ପ୍ରାକୃତିକ ଗ୍ୟାସ୍ ତଥା ଷ୍ଟିଲ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତିନି ଦିନର ବିଦେଶ ଗସ୍ତରେ ଥିବାବେଳେ ଏହି ଭାଇରାଲ୍ ଭିଡିଓକୁ ଦେଖି ଏହି ବୃଦ୍ଧା ମହିଳାଙ୍କ ସହାୟତା ପାଇଁ ହାତ ବଢାଇଛନ୍ତି । କମଲାଥଲ୍ ଙ୍କ ଛୋଟ ଦୋକାନର ସଂଘର୍ଷମୟ ଏବଂ ସେବା ମନୋବୃତ୍ତି କାହାଣୀକୁ ଦେଶର ବଡ଼ ଉଦ୍ୟୋଗପତୀ ମହିନ୍ଦ୍ରା ଗ୍ରୁପର ଚେୟାରମ୍ୟାନ୍ ଆନନ୍ଦ ମହିନ୍ଦ୍ରା ଏହି ଭିଡିଓକୁ ନିଜ ଟ୍ୱିଟର୍ ହ୍ୟାଣ୍ଡଲରେ ସେୟାର୍ କରି ଲେଖିଛନ୍ତି , ଜଣେ ବ୍ୟକ୍ତି ନିଜ ଇଚ୍ଛାଶକ୍ତି ମାଧ୍ୟମରେ ସମାଜରେ ବଡରୁ ବଡଧରଣର ପରିବର୍ତ୍ତନ ଆଣିବାରେ ସମର୍ଥ ହୋଇପାରିବ । କମଲାଥଲଙ୍କ ଏହି ବିନମ୍ର କାହାଣୀ ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିବ କିନ୍ତୁ ଆପଣ ବି ଯଦି ଏଭଳି କିଛି କାମ କରୁଛନ୍ତି ତେବେ ଆପଣ ମଧ୍ୟ ଦୁନିଆ ପାଇଁ ଏକ ଉଦାହରଣ ହୋଇପାରିବେ । ମୁଁ ଏବେ ବି ଏହି ମହିଳାଙ୍କୁ କାଠରେ ଚୁଲି ଜାଳି ଇଡଲି ପ୍ର୍ରସ୍ତୁତ କରି ଲୋକଙ୍କୁ ଖାଇବାକୁ ଦେଉଥିବାର ଦେଖିଛି । ଯଦି କେଉଁ ବ୍ୟକ୍ତି ତାଙ୍କୁ ଜାଣିଛନ୍ତି ତେବେ ମୁଁ ତାଙ୍କୁ ଗୋଟିଏ ଏଲପିଜି ଗ୍ୟାସ୍ ଦେବା ପାଇଁ ଚାହିଁବି ଏବଂ ତାଙ୍କ ବ୍ୟବସାୟରେ କିଛି ନିବେଶ କରିବା ପାଇଁ ମଧ୍ୟ ଚାହିଁବି ।

 

ତେବେ ସୋସିଆଲ୍ ମିଡିଆରେ ଏହି ଖବରଟି ଭାଇରାଲ୍ ହେବା ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆବ୍ୱୁଧାବିରୁ ହିଁ କୋଏମ୍ବାଟୁରର ସ୍ଥିତ ପେଟ୍ରୋଲିୟମ୍ ଅଧିକାରୀମାନଙ୍କ ସହ କଥାବାର୍ତ୍ତା କରି ଏହି ବୃଦ୍ଧା ମହିଳାଙ୍କୁ ଏଲପିଜି ସିଲିଣ୍ଡର ଯୋଗାଇ ଦେବାକୁ ନିର୍ଦ୍ଧେଶ ଦେଇଛନ୍ତି । ସେପ୍ଟେମ୍ବର ୧୧ ତାରିଖରେ କମଲାଥଲଙ୍କୁ ନିଶୁଳ୍କ କନେକ୍ସନ୍ ଗ୍ୟାସ୍ ସିଲିଣ୍ଡର ମିଳିବା ପରେ ବୃଦ୍ଧାଙ୍କ ସମେତ ଗାଁ ଲୋକ ଏବଂ ତାଙ୍କ ଦୋକାନକୁ ପ୍ରତିଦିନ ଇଡଲି ସାମ୍ବର ଖାଇବାକୁ ଆସୁଥିବା ପ୍ରତିଟି ଶ୍ରମିକଙ୍କ ମୁହଁରେ ମଧ୍ୟ ଖୁସିର ଝଲକ୍ ଦେଖିବାକୁ ମିଳିଥିଲା ।

ତେବେ ବର୍ତ୍ତମାନ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ମଧ୍ୟ ଲୋକମାନେ ଖୁବ୍ ପ୍ରଶଂସା କରୁଛନ୍ତି । ଜଣେ ମନ୍ତ୍ରୀ ବିଦେଶରେ ବସି ସୋସିଆଲ୍ ମିଡିଆରେ ଗୋଟିଏ ଭିଡିଓ ଦେଖି କେଇ ମିନିଟରେ ଜଣେ ସେବା ମନୋବୃତ୍ତି ବୃଦ୍ଧା ମହିଳାଙ୍କ ଜୀବନ କିଭଳି ବଦଳାଇ ଦେଲେ ତାହାକୁ ଏବେ ଲୋକମାନେ ଖୁବ୍ ପ୍ରଶଂସା କରୁଛନ୍ତି । ଜଣେ ୟୁଜର୍ ତ ଉଜ୍ଜଳା ମଣିଷ ଧନ୍ୟବାନ କହି କେନ୍ଦ୍ରମନ୍ତ୍ରୀଙ୍କ ପ୍ରଶଂସା କରିଛନ୍ତି ।