ବିଜେପି ଓ ଆରଏସଏସର ବିଚାରଧାରା ଘୃଣାଭାବ ସୃଷ୍ଟି କରୁଛି । କଂଗ୍ରେସର ବିଚାରଧାରାରେ ଭଲପାଇବା ରହିଛି । କାହିଁକି ଏମିତି କହିଲେ ରାହୁଲ ଗାନ୍ଧୀ ।
କନକ ବ୍ୟୁରୋ : କଂଗ୍ରେସ ନେତାଙ୍କ ବିବାଦୀୟ ବୟାନ ଭିତରେ ଏବେ ରାହୁଲ ଗାନ୍ଧୀଙ୍କ ବଡ ବୟାନ ସାମ୍ନାକୁ ଆସିଛି । ଉଭୟ ବିଜେପି ଓ ଆରଏସଏସର ବିଚାରଧାରାକୁ ଘୃଣାର ବିଚାରଧାରା ବୋଲି କହିଛନ୍ତି ରାହୁଲ । ଉଭୟ ବିଜେପି ଓ ଆରଏସଏସର ବିଚାରଧାରା କଂଗ୍ରେସ ବିଚାରଧାରା ଉପରେ ଭାରି ପଡିଛି । ଶୁକ୍ରବାର ଜନ ଜାଗରଣ ଅଭିଯାନର ଆରମ୍ଭ କରିବା ସହ ରାହୁଲ କହିଛନ୍ତି, କିଏ ମାନୁ ବା ନମାନୁ କିନ୍ତୁ ଆରଏସଏସ ଓ ବିଜେପିର ବିଚାରଧାରାରେ ଘୃଣା ଭାବ ଭରି ରହିଛି । ଅନ୍ୟପଟେ କଂଗ୍ରେସର ବିଚାରଧାରାରେ ସ୍ନେହ, ପ୍ରେମ, ଭଲ ପାଇବା, ରାଷ୍ଟ୍ରବାଦ ରହିଛି । ଯାହାକୁ ଏବେ ବିଜେପି ଓ ଆରଏସଏସର ବିଚାରଧାରା ଦବାଇ ରଖିଛି । ଏହାକୁ ଆମକୁ ମାନିବାକୁ ପଡିବ । ଆମର ବିଚାରଧାରା ଏବେ ବି ବଞ୍ଚିଛି, ଜୀବନ୍ତ ଅଛି କିନ୍ତୁ ଏହାକୁ କିଛି ସମୟ ପାଇଁ ଦବାଇ ଦିଆଯାଇଛି । ଆଉ ଏହା ପଛର ବଡ କାରଣ ମଧ୍ୟ ରଖିଛନ୍ତି ରାହୁଲ । କଂଗ୍ରେସର ବିଚାରଧାରାକୁ ଆମେ ନିଜ ଲୋକଙ୍କ ମଧ୍ୟରେ ଠିକ୍ ଢଙ୍ଗରେ ପହଞ୍ଚାଇ ପାରିନାହୁଁ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ରାହୁଲ କହିଛନ୍ତି, ଆରଏସଏସର ଆଇକନ ହେଉଛନ୍ତି ସାବରକର, ଅନ୍ୟପଟେ କଂଗ୍ରେସର ଆଇକନ ହେଉଛନ୍ତି ମହାତ୍ମା ଗାନ୍ଧୀ ।ତେଣୁ କଂଗ୍ରେସର ବିଚାରଧାରାକୁ ପୂରା ଦେଶରେ ପ୍ରସାର କରିବାକୁ ପଡିବ । ଏହାଛଡା ହିନ୍ଦୁ ଓ ହିନ୍ଦୁତ୍ୱ ମଧ୍ୟରେ ଅନେକ ଫରକ ରହିଛି । ଯଦି ଆପଣ ହିନ୍ଦୁ ତେବେ ହିନ୍ଦୁତ୍ୱର ଆବଶ୍ୟକତା ବା କଣ । କବୀର, ଗୁୁରୁ ନାନକ, ମହାତ୍ମା ଗାନ୍ଧୀଙ୍କ ଭଳି ଅନେକ ଲୋକ ଏହାକୁ ଆପଣାଇଛନ୍ତି ।
आज दो विचारधाराओं के बीच की लड़ाई है। आज के भारत में भाजपा और आरएसएस ने नफरत फैला दिया है।
~ श्री @RahulGandhi जी pic.twitter.com/6jnMk2LXiO
— UP Congress (@INCUttarPradesh) November 12, 2021
ରାହୁଲ ଗାନ୍ଧୀଙ୍କ ଏହି ବୟାନ ସେତେବେଳେ ଆସିଛି ଯେତେବେଳେ ହିନ୍ଦୁ ଓ ହିନ୍ଦୁତ୍ୱକୁ ନେଇ କଂଗ୍ରେସ ନେତାଙ୍କ ବୟାନବାଜୀ ଦେଖିବାକୁ ମିଳିଛି । ଆଉ ଏହାକୁ ନେଇ ବିଜେପି ଟାର୍ଗେଟ ରାଡାରରେ ରହିଛନ୍ତି କଂଗ୍ରେସ ନେତା । ପ୍ରଥମେ ସଲମାନ ଖୁର୍ସିଦ ନିଜ ପୁସ୍ତକରେ ହିନ୍ଦୁତ୍ୱକୁ ଆଇଏସଆଇଏସ ଓ ବୋକୋ ହାରାମ ଭଳି ଆତଙ୍କବାଦୀ ସଙ୍ଗଠନ ସହ ତୁଳନା କରିଥିବା ବେଳେ ଏବେ ରଶିଦ ଅଲଭି ଜୟ ଶ୍ରୀରାମ ନାରା ଲଗାଉଥିବା ବ୍ୟକ୍ତିଙ୍କୁ ରାକ୍ଷସ ସହ ତୁଳନା କରି ବିବାଦ ସୃ୍ଷ୍ଟି କରିଛନ୍ତି । ଜୟ ଶ୍ରୀରାମ ଜପୁଥିବା ସମସ୍ତ ବ୍ୟକ୍ତି ସାଧୁ ସନ୍ଥ ନୁହଁନ୍ତି ବରଂ ସେଥିରେ କିଛି ରାକ୍ଷସ ମଧ୍ୟ ରହିଛନ୍ତି ବୋଲି କହିଛନ୍ତି ରଶିଦ ଅଲଭି ।