ଜୁଲାଇ ସ୍ଥିତି ଅସମ୍ଭାଳ ! ଭୁବନେଶ୍ୱର କୋଭିଡ୍ ହସପିଟାଲରେ ଆଇସିୟୁ ବେଡ୍ ଶହେ ପ୍ରତିଶତ ପୂର୍ଣ୍ଣ । ଟ୍ୱିନ୍ ସିଟିରେ ଭେଣ୍ଟିଲେଟରରେ ଅଛନ୍ତି ୨୫ ରୋଗୀ, ସଂକ୍ରମଣ ବଢ଼ିଲେ କେମିତି ହେବ ଗୁରୁତର ଆକ୍ରାନ୍ତଙ୍କ ଚିକିତ୍ସା, ବଢ଼ିଲା ଚିନ୍ତା ।
କନକ ବ୍ୟୁରୋ: ସଂକ୍ରମଣ ବଢୁଛି, ସଙ୍ଗୀନ ହେଉଛି ସ୍ଥିତି । ଭୁବନେଶ୍ୱର କୋଭିଡ୍ ହସପିଟାଲରେ ଆଇସିୟୁ ଭର୍ତ୍ତି । ଜୁଲାଇ ମାସରେ ଅସମ୍ଭାଳ ହେଉଛି ସ୍ଥିତି । ଗତ ୧୨ ଦିନ ଧରି ଦୈନିକ ପ୍ରାୟ ୫୦୦ ହାରରେ ଯୋଡି ହେଉଛନ୍ତି ନୂଆ ଆକ୍ରାନ୍ତ । ପରିସ୍ଥିତି ଏପରି ବିଗିଡ଼ି ଗଲାଣି ଯେ କେଉଁଠି ବେଡ୍ ତୁଳନାରେ କରୋନା ରୋଗୀ ଅଧିକ ହୋଇଗଲାଣି ତ କେଉଁଠି ଶହେ ପ୍ରତିଶତ ଆଇସିୟୁ ଭର୍ତି ।
Kanak News is now on WhatsApp
Join and get latest news updates delivered to you via WhatsApp
ଥରେ ପଢ଼ି ନିଅନ୍ତୁ… ରାଜ୍ୟର କିଛି ପ୍ରମୁଖ କୋଭିଡ୍ ହସପିଟାଲ ଆଇସିୟୁର ସ୍ଥିତି ଉପରେ ।
ଭୁବନେଶ୍ୱର ସମ୍ ହସପିଟାଲ୍ – ଆଇସିୟୁ ବେଡ୍ ସଂଖ୍ୟା ୨୫ – ୨୫ଟି ଯାକ ପୂର୍ଣ୍ଣ
ଅର୍ଥାତ ଶହେ ପ୍ରତିଶତ ଆଇସିୟୁ ବେଡ୍ରେ ଚିକିତ୍ସିତ ହେଉଛନ୍ତି ଗୁରୁତର ଥିବା କରୋନା ଆକ୍ରାନ୍ତ । ସେହିପରି
ଭୁବନେଶ୍ୱର କିମ୍ସ ହସପିଟାଲ – ଆଇସିୟୁ ବେଡ୍ ସଂଖ୍ୟା ୪୫ – ୪୫ଟି ବେଡ୍ରେ ରୋଗୀ
ଏଥିରେ ମଧ୍ୟ ନୂଆ ରୋଗୀଙ୍କ ପାଇଁ ଆଉ ଜାଗା ନାହିଁ ।
ଗଂଜାମ ଟାଟା ମେଡିକାଲ ହସପିଟାଲ୍ – ଆଇସିୟୁ ବେଡ୍ ସଂଖ୍ୟା ୫୦ – ସେଥିରୁ ୩୧ ବେଡ୍ରେ ଚିକିତ୍ସିତ ହେଉଛନ୍ତି ଆକ୍ରାନ୍ତ । ୬୨ ପ୍ରତିଶତ ବେଡ ପୂର୍ଣ୍ଣ ହୋଇଯାଇଛି ।
କଟକ ଅଶ୍ୱିନୀ ହସପିଟାଲ୍ – ଆଇସିୟୁ ବେଡ୍ ସଂଖ୍ୟା ୩୪ – ୨୦ଟି ବେଡ ଅଛନ୍ତି ରୋଗୀ, ପ୍ରାୟ ୫୯ ପ୍ରତିଶତ ଆଇସିୟୁ ବେଡ୍ ଭର୍ତି ହୋଇଯାଇଛି ।
ଏବେ ପଢ଼ନ୍ତୁ ଆଉ କିଛି ପ୍ରମୁଖ ହସପିଟାଲରେ କ’ଣ ରହିଛି ଭେଂଟିଲେଟର ସ୍ଥିତି
କଟକ ଅଶ୍ୱିନୀ ହସପିଟାଲ୍ – ଭେଂଟିଲେଟର ସଂଖ୍ୟା ୧୦ – ୮ ଭେଂଟିଲେଟରରେ ରୋଗୀ, ଅର୍ଥାତ ୮୦ ପ୍ରତିଶତ ଭେଂଟିଲେଟରରେ ରୋଗୀ ରହିଛନ୍ତି । ସେହିପରି
ଭୁବନେଶ୍ୱର ସମ୍ ହସପିଟାଲ୍ – ଭେଂଟିଲେଟର ସଂଖ୍ୟା ୨୫ – ୯ ଜଣ ରୋଗୀ ଅଛନ୍ତି ଭେଂଟିଲେଟରରେ
ଭୁବନେଶ୍ୱର କିମ୍ସ ହସପିଟାଲ୍ – ଭେଂଟିଲେଟର ସଂଖ୍ୟା ୨୦ – ୮ ଜଣ ରୋଗୀ ଭେଂଟିଲେଟରରେ ଅଛନ୍ତି
ଗଂଜାମ ଟାଟା ମେଡିକାଲ ହସପିଟାଲ୍ – ଭେଂଟିଲେଟର ସଂଖ୍ୟା ୫୦ – ୨ ଜଣ ରୋଗୀ ଭେଂଟିଲେଟରରେ ଅଛନ୍ତି
ତେବେ ସମସ୍ତ ଜିଲ୍ଲା କୋଭିଡ୍ ହସପିଟାଲର ସ୍ଥିତି ଉପରେ –
ସାଧାରଣ ବେଡ ସଂଖ୍ୟା – ୫,୪୩୨ ରୋଗୀ ସଂଖ୍ୟା – ୨,୧୬୮
ମୋଟ ଆଇସିୟୁ ବେଡ୍ – ୪୨୨ ଆଇସିୟୁ ରୋଗୀ ସଂଖ୍ୟା – ୧୨୬
ମୋଟ ଭେଂଟିଲେଟର – ୨୨୫ ଭେଂଟିଲେଟରରେ ଥିବା ରୋଗୀ – ୨୮
ବର୍ତମାନର ସ୍ଥିତିକୁ ଦେଖି ବେଡ୍ ସଂଖ୍ୟା ବଢ଼ାଇବାକୁ ଯୋଜନା କରିଛନ୍ତି ସରକାର । ତେବେ ଜୁଲାଇ ଆରମ୍ଭରୁ ଯେଭଳି ହାରରେ କରୋନା ସଂକ୍ରମଣ ବଢ଼ିଚାଲିଛି, ଆଗକୁ ଗୁରୁତର ରୋଗୀଙ୍କ ଚିକିତ୍ସା ପାଇଁ ଆଇସିୟୁ ଓ ଭେଂଟିଲେଟରର ଅଭାବ ପଡ଼ିବା ଆଶଙ୍କା ସୃଷ୍ଟି ହୋଇଛି ।