ଯଦି ଆପଣଙ୍କ ବ୍ୟାଙ୍କ ଖାତାରେ ନାହିଁ ଟଙ୍କାଟିଏ ବି ବାଲାନ୍ସ..ତଥାପି ଉଠାଇପାରିବେ ୫ରୁ୨୦ ହଜାର ଟଙ୍କା, ଜାଣନ୍ତୁ ପୂରା ପ୍ରକ୍ରିୟା
ଯଦି ଆପଣଙ୍କ ବ୍ୟାଙ୍କ ଆକାଉଂଟରେ ଟଙ୍କାଟିଏ ବି ବାଲାନ୍ସ ନାହିଁ । ତେବେ ବି ଆପଣ ଆପଣଙ୍କର ଖାତାରୁ ହଜାର ହଜାର ଟଙ୍କା ଉଠାଇ ପାରିବେ । ଆଜ୍ଞା ହଁ ! କଥାଟା ଆପଣଙ୍କୁ ମିଛ ଲାଗୁଥିଲେ ବି ଏହା ସଂପୂର୍ଣ୍ଣ ରୂପେ ସତ୍ୟ ଅଟେ ।
Kanak News is now on WhatsApp
Join and get latest news updates delivered to you via WhatsApp
ଖାଲି ଖାତାରୁ ବି ଉଠାଇ ପାରିବେ ଟଙ୍କା
ପ୍ରକୃତ ଘଟଣାଟି ହେଲା, ଦେଶର ପ୍ରମୁଖ ବ୍ୟାଙ୍କ ମାନଙ୍କ ମଧ୍ୟରୁ ଗୋଟିଏ ହେଲା ଆଇସିଆଇସିଆଇ । ଆଉ ଏହି ବ୍ୟାଙ୍କ ନିଜର ଗ୍ରାହକମାନଙ୍କ ପାଇଁ ଏଭଳି ଏକ ଡିଜିଟାଲ କ୍ରେଡିଟ ସୁବିଧା ଆରମ୍ଭ କରିଛି । ଯେଉଁ ସର୍ଭିସ ଆଧାରରେ ଆପଣ ଆକାଉଂଟରେ ଜିରୋ ବାଲାନ୍ସ ଥିବା ସତ୍ୱେ ବି ୧୫ରୁ ୨୦ ହଜାର ପର୍ଯ୍ୟନ୍ତ ଟଙ୍କା ଉଠାଇପାରିବେ । ତେବେ ଏହି ଟଙ୍କାକୁ ଆପଣଙ୍କୁ ୪୫ ଦିନ ମଧ୍ୟରେ ବ୍ୟାଙ୍କକୁ ଫେରସ୍ତ କରିବାକୁ ହେବ । ଏଭଳି ନକରିଲେ ଆପଣଙ୍କର ଆକାଉଂଟରୁ ଇନଟ୍ରେଷ୍ଟ ବି ନିଆଯାଇପାରେ । ସେହିପରି ଏହି ଅଫରର ଲାଭ କିଭଳି ମିଳିବ । ଏସଂପର୍କରେ ଆମେ ନିମ୍ନରେ ବିସ୍ତାର ଭାବରେ ଆଲୋଚନା କରିଛୁ ।
ବ୍ୟାଙ୍କକୁ ଫେରସ୍ତ କରିବାକୁ ପଡିବ ଟଙ୍କା
ଆଇସିଆଇସିଆଇ ବ୍ୟାଙ୍କ ନିଜର ଗ୍ରାହକମାନଙ୍କ ପାଇଁ ଏକ ସ୍ୱତନ୍ତ୍ର ସୁବିଧା ଦେଇ ରଖିଛି । ‘ପେଲାଟର’ ସୁବିଧା ଆଧାରରେ ଆପଣଙ୍କୁ ଅନଲାଇନ ପେମେଂଟର ବିକଳ୍ପ ମିଳିବ । ଏହାର ସହାୟତାରେ ଆପଣ କୌଣସି ବି ପ୍ରକାରର ଅନଲାଇନ ପର୍ଚେଜିଂ କରିପାରିବେ । ଏଥିସହିତ ହିଁ ଆପଣ ସବୁ ପ୍ରକାରର ଆଉଟଲେଟ ଏବଂ ଦୋକାନରୁ ବି ଭିମ ୟୁପିଆଇ ଜରିଆରେ ପେମେଂଟ କରିପାରିବେ । ଏଥିପାଇଁ ଆପଣଙ୍କୁ ଆଇମୋବାଇଲ ଆପର ସହାୟତା ନେବାକୁ ହେବ । ପେଲାଟର ଜରିଆରେ ଆପଣ ୫ ହଜାର ରୁ ୨୦ ହଜାର ପର୍ଯ୍ୟନ୍ତ ଟଙ୍କା ଖର୍ଚ୍ଚ କରିପାରିବେ । ବ୍ୟାଙ୍କ ତରଫରୁ ଦିଆଯାଇଥିବା ଏହି ଟଙ୍କାକୁ ଆପଣଙ୍କୁ ଏକ ନିର୍ଧାରିତ ସମୟ ସୀମା ମଧ୍ୟରେ ଫେରସ୍ତ ବି କରିବାକୁ ପଡିବ । ଏଭଳି ନକଲେ ଆପଣଙ୍କୁ ଏଥିପାଇଁ ଇନଟ୍ରେଷ୍ଟ ଦେବାକୁ ପଡିବ ।
କଣ ରହିଛି ସମୟ ସୀମା
ପେଲାଟର ଆଧାରରେ ଆଇସିଆଇସିଆଇ ବ୍ୟାଙ୍କ ଗ୍ରାହକଙ୍କୁ ୪୫ ଦିନ ପର୍ଯ୍ୟନ୍ତ ସମୟ ଦିଆଯିବ । ଆପଣଙ୍କୁ ବ୍ୟାଙ୍କ ଭିମ ୨.୦ ଆପରେ ଏହି ସୁବିଧା ପ୍ରଦାନ କରିଥାଏ । ଏହି ଆପ ଜରିଆରୁ ହିଁ ଆପଣ ପେମେଂଟ ବି କରିପାରିବେ । କୁହାଯାଉଛି କି, ଏହି ସୁବିଧା ଜରିଆରେ ଆପଣ ୨୦ ହଜାର ଟଙ୍କାର ଅନଲାଇନ ପର୍ଚେଜିଂ ରୁ ଆରମ୍ଭ କରି ସବୁ ପ୍ରକାରର କିଣାକିଣି କରିପାରିବେ । ଏହାପରେ ଆପଣଙ୍କର ମାସ ପହିଲାରୁ ବିଲ ଜେନରେଟ କରାଯିବ ଏବଂ ଆଗାମୀ ମାସର ୧୫ ତାରିଖ ସୁଧା ପରିଶୋଧ କରିବାକୁ କୁହାଯିବ ।