କନକ ବ୍ୟୁରୋ: ଡ୍ର’ରେ ଶେଷ ହେଲା ଭାରତ-ବାଂଲାଦେଶ ତୃତୀୟ ଦିନିକିଆ । ଶନିବାର ଖେଳାଯାଇଥିବା ଏହି ମ୍ୟାଚରେ ଭାରତ ମାତ୍ର ୧ ରନ୍ ପାଇଁ ବିଜୟରୁ ବଞ୍ଚିତ ହେଇଛି । ଏଥିସହିତ ଆଇସିସି ମହିଳା ଚାମ୍ପିୟନସିପରେ ଚାଲିଥିବା ଏହି ସିରିଜ୍ ୧-୧ ସ୍ଥିତିରେ ଶେଷ ହୋଇଛି ।
ଶନିବାର ବାଂଲାଦେଶ ମହିଳା ଟିମ୍ ପ୍ରଥମେ ବ୍ୟାଟିଂ କରି ୫୦ ଓଭରରେ ୪ ୱିକେଟ୍ ହରେଇ ୨୨୫ ରନ୍ କରିଥିଲା । ଏହାପରେ ବ୍ୟାଟିଂ କରିଥିବା ଭାରତୀୟ ମହିଳା ଦଳ ଏକଦା ୨୧୬ ରନରେ ୬ ୱିକେଟ୍ ହରାଇ ଦୃଢ ସ୍ଥିତିରେ ଥିଲା । ହେଲେ ଏହାପରେ ମାତ୍ର ୯ ରନ୍ ଭିତରେ ଦଳର ୪ଟି ୱିକେଟ୍ ପଡିବା ସହିତ ଭାରତ ମାତ୍ର ୧ ରନ୍ ପାଇଁ ବିଜୟରୁ ବଞ୍ଚିତ ହେଇଥିଲା ।
.@imharleenDeol top-scored with 77 in the chase and bagged the Player of the Match award 👏
The third and final ODI results in a Tie.
Scorecard - https://t.co/pucGJbXrKd…#TeamIndia | #BANvIND pic.twitter.com/EbLGsUH9v3
— BCCI Women (@BCCIWomen) July 22, 2023
ଟିମ୍ ଇଣ୍ଡିଆ ପକ୍ଷରୁ ହରଲୀନ୍ କୌର ୭୭ ରନ୍ ଏବଂ ସ୍ମୃତି ମନ୍ଧାନା ୫୯ ରନ୍ କରିଥିଲେ । ଅନ୍ୟପଟେ ବାଂଲାଦେଶ ପକ୍ଷରୁ ନାହିଦା ଅଖତର ୩ଟି ସଫଳତା ପାଇଥିଲେ । ତେବେ ଶେଷ ଆଡକୁ ୨ଟି ୱିକେଟ୍ ନେବା ସହିତ ସେ ଭାରତ ହାତରୁ ବିଜୟ ଛଡାଇ ନେଇଥିଲେ ।
ଶେଷ ଓଭରରେ ଭାରତକୁ ବିଜୟ ପାଇଁ ୩ ରନ୍ ଆବଶ୍ୟକ ଥିଲା । ହେଲେ ତିନୋଟି ବଲ୍ ପୂର୍ବରୁ ହିଁ ଟିମ୍ ଇଣ୍ଡିଆ ଅଲଆଉଟ୍ ହେଇଯାଇଥିଲା । ତେବେ ଏହି ମ୍ୟାଚରେ ବାଲାଂଦେଶ ପକ୍ଷରୁ ଫରଗାନା ହକ୍ ଶତକୀୟ ଇଂନିସ୍ ଖେଳିବା ସହିତ ବାଲାଂଦେଶର ପ୍ରଥମ ମହିଳା ଶତକଧାରୀ କ୍ରିକେଟର ହେବାର ଗୌରବ ଅର୍ଜନ କରିଥିଲେ ।