ଟାଇଟଲ ପାଇଁ ଟକ୍କର: ୧୯ ବର୍ଷରୁ କମ୍ କ୍ରିକେଟ୍ ବିଶ୍ୱକପ୍ ଚାମ୍ପିୟନ ଟ୍ରଫି ହାତେଇବାକୁ ଗୋଟିଏ ପାଦ ଦୂରରେ ଟିମ୍ ଇଣ୍ଡିଆ, ବାଲାଂ ବିପକ୍ଷରେ ହେବ ହାଇଭୋଲଟେଜ୍ ମ୍ୟାଚ୍ ।
କନକ ବ୍ୟୁରୋ: ୧୯ ବର୍ଷରୁ କମ୍ କ୍ରିକେଟ ବିଶ୍ୱକପର ଆଜି ଫାଇନାଲ ମ୍ୟାଚ । ଟାଇଟଲ ପାଇଁ ମୁହାଁମୁହିଁ ହେବେ ଭାରତ ଓ ବାଂଲାଦେଶ । ୧୯ ବର୍ଷରୁ କମ୍ ବିଶ୍ୱକପ୍ ରେ ପଂଚମ ଥର ପାଇଁ ଟାଇଟଲ ହାସଲ କରିବାକୁ ଆଉ ଗୋଟିଏ ବିଜୟ ଦୂରରେ ରହିଛି ଭାରତୀୟ ଟିମ୍ । ଭାରତ ପୁରା ସିରିଜରେ ଅପରାଜେୟ ରହିଥିବାରୁ ଏଥର ଟାଇଟଲ ଦାବିଦାର ବୋଲି ଗଣନା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
The India squad and staff hoping to be U19 World Cup winners tomorrow.
Do you think they will retain the trophy?#U19CWC | #FutureStars pic.twitter.com/wzbpngDBaz
— Cricket World Cup (@cricketworldcup) February 8, 2020
ସେପଟେ ପ୍ରଥମ ଥର ପାଇଁ ଜୁନିୟର କ୍ରିକେଟ୍ ବିଶ୍ୱକପ୍ ଫାଇନାଲରେ ପହଂଚିଛି ବାଂଲାଦେଶ । ତେଣୁ ବାଂଲାଦେଶ ଏଥର ଭାରତକୁ ଚକମା ଦେଇ ଆଇସିସିର କୌଣସି ବଡ ଟାଇଟଲ ଜିତିବାକୁ ଉଦ୍ୟମ କରିବ । ୨୦୦୦, ୨୦୦୮, ୨୦୧୨ ଓ ୨୦୧୮ ମସିହାରେ ଭାରତ ଜିତିଥିଲା ୧୯ ବର୍ଷରୁ କମ୍ ବିଶ୍ୱକପ୍ । ଡିଫେଣ୍ଡିଂ ଚାମ୍ପିଅନ୍ ଭାରତ ଏଥର ପଂଚମ ବିଶ୍ୱକପ୍ ଦଖଲ କରିବା ଯୋଜନା କରିବ ।
ଭାରତ ପକ୍ଷରୁ ଓପନର ଯଶସ୍ୱୀ ଜୟସ୍ୱାଲ, ଦିବ୍ୟାଂଶ ସକ୍ସେନା ଓ କ୍ୟାପଟେନ୍ ପ୍ରିୟମ୍ ଗର୍ଗ ଭଲ ଫର୍ମରେ ଅଛନ୍ତି । ସୁଶାନ୍ତ ମିଶ୍ର, କାର୍ତିକ୍ ତ୍ୟାଗୀ ଓ ଆକାଶ ସିଂଙ୍କ ପେସ୍ ବୋଲିଂ ଏବଂ ରବି ବିଷ୍ଣୋୟୀଙ୍କ ସ୍ପିନ ବୋଲିଂକୁ ନେଇ ଭାରତୀୟ ଦଳର ବୋଲିଂ ବି ଶକ୍ତିଶାଳୀ ରହିଛି । ତେଣୁ ବାଂଲାଦେଶ ବିପକ୍ଷରେ ଭାରତ ଆଉ ଏକ ରୋମାଂଚକର ବିଜୟ ସହ ପଂଚମ ବିଶ୍ୱକପ୍ ଦଖଲ କରିବା ନେଇ ପଡିଆକୁ ଓହ୍ଲାଇବ ।