ଯୁଦ୍ଧ ଅପରାଧରେ ଫଶିଲେ ରୁଷ ରାଷ୍ଟ୍ରପତି । ଆଇସିସି କାଠଗଡ଼ାରେ ପୁଟିନ ଦୋଷୀ ସାବ୍ୟସ୍ତ, ପୁଟିନଙ୍କ ନାଁରେ ଗିରଫ ୱାରେଣ୍ଟ ଜାରି
କନକ ବ୍ୟୁରୋ : ଯୁଦ୍ଧ ଭିତରେ ରୁଷ ରାଷ୍ଟ୍ରପତି ଭ୍ଲାଦିମୀର ପୁଟିନଙ୍କୁ ଲାଗିଛି ଝଟକା । ଯୁଦ୍ଧ ସମୟରେ ଯୁଦ୍ଧ ଅପରାଧ ଅଭିଯୋଗରେ ଫଶିଛନ୍ତି ରୁଷ ରାଷ୍ଟ୍ରପତି ଓ ତାଙ୍କ ନାଁରେ ଗିରଫ ୱାରେଂଟ ଜାରି କରିଛି ଆଇସିସି ବା ଅର୍ନ୍ତଜାତୀୟ ଅପରାଧିକ ନ୍ୟାୟଳୟ । ରୁଷର ଶିଶୁ ଅଧିକାର କମିଶନର ମାରିଆ ଲାଭୋଭା ବେଲୋଭାଙ୍କ ମଧ୍ୟ ଆଇସିିସି ଅପରାଧୀଭାବେ ଘୋଷଣା କରିଛି । କୋର୍ଟ କହିଛନ୍ତି—
ଆଇସିସି କାଠଗଡ଼ାରେ ପୁଟିନ ଦୋଷୀ ସାବ୍ୟସ୍ତ
• ଯୁଦ୍ଧ ସମୟରେ ଯୁଦ୍ଧ ଅପରାଧରେ ରହିଛି ପୁଟିନଙ୍କ ସମ୍ପୃକ୍ତି
• ରୁଷ ସେନା ୟୁକ୍ରେନର ଶିଶୁଙ୍କୁ ବଳପୂର୍ବକ ଅପହରଣ ଓ ବେଆଇନଭାବେ ଚାଲାଣ କରିଛି
• ଅନ୍ୟମାନଙ୍କୁ ଏହି କାର୍ଯ୍ୟରେ ସେ ସାହାଯ୍ୟ ମଧ୍ୟ କରିଛନ୍ତି
• ଅପରାଧ ରୋକିବାକୁ କୌଣସି ପଦକ୍ଷେପ ଗ୍ରହଣ କରିନାହାଁନ୍ତି
• ପ୍ରମାଣ ସହ ଅଭିଯୋଗ ସତ ପ୍ରମାଣିତ ହୋଇଛି
• ଘଟଣାରେ ପୁଟିନଙ୍କ ସିଧାସଳଖ ସମ୍ପୃକ୍ତି ରହିଛି
• ତେଣୁ ପୁଟିନଙ୍କ ନାଁରେ ଗିରଫ ୱାରେଣ୍ଟ ଜାରି କରାଯାଇଛି
Kanak News is now on WhatsApp
Join and get latest news updates delivered to you via WhatsApp
ସେପଟେ ଆଇସିସିର କ୍ଷମତାକୁ ଖୋଲାଖୋଲି ଚ୍ୟାଲେଞ୍ଜ ଦେଇଛି ରଷିଆ । ରୁଷ ଆଇସିସିିର ଅଭିଯୋଗକୁ ଖଣ୍ଡନ କରିଛି । ଯେହେତୁ ଆଇସିସିର ସଦସ୍ୟ ରୁଷ ନୁହେଁ ତେଣୁ କୋର୍ଟଙ୍କ ଆଦେଶ ଗ୍ରହଣୀୟ ନୁହେଁ ବୋଲି କ୍ରେମଲିନ କହିିଛି । ରୁଷ ସୁରକ୍ଷା ପରିଷଦର ଡେପୁଟି ଚେୟାରମ୍ୟାନ ଦିମିତ୍ରୀ ମେଡଭେଡେଭ ଆଇସିସିର ଗିରଫ ୱାରେଣ୍ଟକୁ ଟଏଲେଟ ପେପର ସହ ତୁଳନା କରିଛନ୍ତି ।
ଆଇସିସିର ନିଷ୍ପତିକୁ ମାନୁନି ରଷିଆ
• ଆଇସିିସି ଅଭିଯୋଗକୁ ଖଣ୍ଡନ କରୁଛି ରୁଷ
• ଆଇନ ଦୃଷ୍ଟିକୋଣରୁ ଗିରଫ ୱାରେଣ୍ଟ ଅବୈଧ ଅଟେ
• କାରଣ ରୁଷ ଆଇସିସିର ସଦସ୍ୟ ନୁହେଁ
• କୋର୍ଟ ସ୍ଥାପନ ସମୟରେ ୧୨୩ ଦେଶ ହସ୍ତାକ୍ଷର କରିଥିଲେ କିନ୍ତୁ ରୁଷ ଏଥିରୁ ବାଦ ପଡିଥିଲା
• ତେଣୁ ଆଇସିସିର ଫଇସଲା ସ୍ୱିକାର କରିବନି ରୁଷ
ପୁଟିନଙ୍କ ନାଁରେ ଗିରଫ ୱାରେଣ୍ଟ ଜାରି ହେବା ପରେ ବିରୋଧୀ ଦେଶ ଏହାକୁ ସ୍ୱାଗତ ଜଣାଇଛନ୍ତି । ଆମେରିକା କହିଛି ଅର୍ନ୍ତଜାତୀୟ ଅପରାଧିକ ନ୍ୟାୟଳୟର ନିଷ୍ପତି ସମ୍ପୂର୍ଣ୍ଣ ଠିକ୍ ଓ ଅନ୍ୟାୟ ବିରୋଧରେ ଉଚିତ ପଦକ୍ଷେପ । ଆଇସିସିର ନିଷ୍ପତିକୁ ସ୍ୱାଗତ କରି ୟୁକ୍ରେନ କହିଛି ନ୍ୟାୟ ମିଳିବା ଦିଗରେ ଏହା ଏକ ଐତିହାସିକ ନିଷ୍ପତି ଅଟେ । ବ୍ରିଟେନ କହିଛି ଶିଶୁ ଅପରାଧ ଏକ ଜଘନ୍ୟ ଅପରାଧ ଓ କୋର୍ଟଙ୍କ ଫଇସଲା ସମ୍ପୂର୍ଣ୍ଣ ଉଚିତ ଅଟେ ।
କାହିଁକି ଗିରଫ କରିପାରିବନି ଆଇସିସି?
ଆଇସିସି ନିକଟରେ କୌଣସି ରାଷ୍ଟ୍ରମୁଖ୍ୟଙ୍କ ଦୋଷୀ ସାବ୍ୟସ୍ତ କରିବା, ଗିରଫ ୱାରେଣ୍ଟ ଜାରି କରିବା କ୍ଷମତା ରହିଛି କିନ୍ତୁ ଗିରଫ କରିବାର କ୍ଷମତା ନାହିଁ । କାରଣ ଆଇସିସି ନିକଟରେ ନିଜସ୍ୱ ପୁଲିସବଳ ନାହିଁ । ଏଭଳି ସ୍ଥିତିରେ କେବଳ ଦୁଇଟି ଉପାୟରେ ପୁଟିନଙ୍କ ଗିରଫ କରାଯାଇପାରେ । ଯଦି ପୁଟିନଙ୍କୁ ଅନ୍ୟ ଦେଶକୁ ପ୍ରତ୍ୟାବର୍ତନ କରାଯାଏ କିମ୍ବା ଅନ୍ୟ କୌଣସି ଦେଶରୁ ତାଙ୍କୁ ଗିରଫ କରାଯାଏ ।
୨୦୨୨ ଫେବ୍ରୁଆରୀ ୨୪ରେ ଯୁଦ୍ଧ ଆରମ୍ଭ ହେବା ପରଠୁ ଆଇଆଇସି ପ୍ରସିକ୍ୟୁଟର କରିମ ଖାନ ୟୁକ୍ରେନରେ ଯୁଦ୍ଧ ଅପରାଧ, ନରସଂହାର, ମାନବ ବିରୋଧୀ ଅବରାଧ, ଆଶଙ୍କା ପ୍ରକାଶ କରି ତଦନ୍ତ ଆରମ୍ଭ କରିଥିବା ସୂଚନା ରହିଛି ।