ଆଇସିସି ବାର୍ଷିକ ପୁରସ୍କାର: ଟି-୨୦ରେ ଭାରତର ଦବଦବା। ସୂର୍ଯ୍ୟଙ୍କ ସମେତ ୩ ଖେଳାଳି ସାମିଲ।

କନକ ବ୍ୟୁରୋ: ୨୦୨୨ ବର୍ଷ ପାଇଁ ଆଇସିସି ଦ୍ୱାରା ପୁରସ୍କାରର ଘୋଷଣା ଆରମ୍ଭ ହୋଇସାରିଛି । ସୋମବାର ପ୍ରଥମେ ଆଇସିସି ଟି-୨୦ ଟିମ୍ ଅଫ୍ ଦି ଇୟରର ଘୋଷଣା କରାଯାଇଛି । ଏଥିରେ ଭାରତୀୟ ଟିମର ଦବଦବା ଦେଖିବାକୁ ମିଳିଛି । ଆଇସିସିର ଏହି ଟିମରେ ତିନି ଭାରତୀୟ ଖେଳାଳି ସାମିଲ ହୋଇଛନ୍ତି । ଚଳିତ ବର୍ଷର ସର୍ବାଧିକ ରନ ସଂଗ୍ରହକାରୀ ସୂର୍ଯ୍ୟକୁମାର ଯାଦବ ସାମିଲ ରହିଛନ୍ତି ।

ଆଇସିସି ଦ୍ୱାରା ବର୍ଷ ୨୦୨୨ ପାଇଁ ଜାରି ହୋଇଥିବା ଏହି ଟିମରେ ସୂର୍ଯ୍ୟଙ୍କ ବଦଳରେ ବିରାଟ କୋହଲି, ହାର୍ଦ୍ଦିକ ପାଣ୍ଡ୍ୟା ସାମିଲ ରହିଛନ୍ତି । ଏହି ଦଳର ନେତୃତ୍ୱ ଜୋସ ବଟଲରଙ୍କୁ ଦିଆଯାଇଛି । ବଟଲରଙ୍କ ନେତୃତ୍ୱରେ ଇଂଲଣ୍ଡ ଚଳିତଥର ଟି-୨୦ ବିଶ୍ୱକପ ହାତେଇପାରିଛି । ଟିମରେ ଭାରତର ୩, ପାକିସ୍ତାନର ୩, ଇଂଲଣ୍ଡର ୨, ନ୍ୟୁଜିଲାଣ୍ଡ-ଜିମ୍ବାୱେ-ଶ୍ରୀଲଙ୍କା-ଆୟାରଲାଣ୍ଡର ଜଣେ ଲେଖାଁଏ ଖେଳାଳିଙ୍କୁ ସୁଯୋଗ ମିଳିଛି ।