ଆଇଏଏସ୍ ପ୍ରଦୀପ ଗୱାଣ୍ଡେଙ୍କ ହାତ ଧରିଲେ ଟିନା  । ଡ. ଆମ୍ବେଦକରଙ୍କ ଫଟୋ ସାମ୍ନାରେ କଲେ ବିବାହ

କନକ ବ୍ୟୁରୋ: ଦେଶରେ ସବୁଠୁ ଚର୍ଚ୍ଚିତ ଆଇଏଏସ୍ ଟିନା ଡାବିଙ୍କ ବିବାହକୁ ନେଇ ଚାଲିଥିବା ଚର୍ଚ୍ଚାର ଅନ୍ତ ଘଟିଛି । ଶେଷରେ ଆଇଏଏସ୍ ଅଫିସର ପ୍ରଦୀପ ଗୱାଣ୍ଡେଙ୍କୁ ସାତ ଜନ୍ମର ସାଥୀ କରିଛନ୍ତି ଟିନା । ଏପ୍ରିଲ ୨୦ ତାରିଖରେ ଦୁହେଁ ବିବାହ କରିଥିବାବେଳେ ଏବେ ସେମାନଙ୍କ ବିବାହ ଠାରୁ ଆରମ୍ଭ କରି ରିସେପସନର କିଛି ଖାସ୍  ଫଟୋ ସବୁ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ଆଇଏଏସ୍ ଟିନା ଡାବି ଓ ପ୍ରଦୀପ ଗୱାଣ୍ଡେଙ୍କ କିଛି ଫଟୋ ଏହା ପୂର୍ବରୁ ମଧ୍ୟ ସୋସିଆଲ ପ୍ଲାଟଫର୍ମରେ ବେଶ ଲୋକପ୍ରିୟ ହୋଇଥିଲା । ଦୁହେଁ ଏବେ ରାଜସ୍ଥାନରେ କାର୍ଯ୍ୟରତ ଅଛନ୍ତି ।

କିଛି ଦିନ ପୂର୍ବରୁ ସୋସିଆଲ ମିଡିଆରେ ଦୁହେଁ ବିବାହ ପୂର୍ବର କିଛି ଫଟୋ ସେୟାର କରିବା ପରେ ପରସ୍ପର ଠାରୁ ଦୂରତା ରକ୍ଷା କରିଥିଲେ । ଏବେ ତାଙ୍କ ବିବାହ ଫଟୋ ସବୁ ବେଶ ଲୋକପ୍ରିୟ ହେବାରେ ଲାଗିଛି । ବିବାହ ବେଦୀରେ ଟିନା ଧଳା ରଙ୍ଗର ଲେହେଙ୍ଗାରେ ନର ଆସୁଥିବାବେଳେ ରିସେପସନ୍ ପାଟିରେ ତାଙ୍କୁ ଏକ ଲାଲ ରଙ୍ଗର ଲେହେଙ୍ଗାରେ ଦେଖିବାକୁ ମିଳିଥିଲା । 

ଦୁହେଁ ଦୁହିଁଙ୍କ ଗଳାରେ ଫୁଲମାଳା ଫଟୋ ସେୟାର ହୋଇଛି । ତେବେ ସବୁଠୁ ଖାସ୍ କଥା ହେଉଛି ଦୁହେଁ ଲୋକତନ୍ତ୍ରର ଅନ୍ୟତମ ମହାନାୟକ ତଥା ସମ୍ବିଧାନର ପୁରୋଧା ଡ. ବି.ଆର ଆମ୍ବେଦକରଙ୍କ ଫଟୋ ଆଗରେ ମାଳା ଅଦଳବଦଳ କରିଥିବା ନଜର ଆସିଥିଲେ  । ଜୟପୁରର ପଞ୍ଚତାରକା ହୋଟେଲରେ ଦୁଇ ଜଣଙ୍କ ବିବାହ ସମ୍ପନ୍ନ ହୋଇଛି ।