ଅବ୍ ତକ ୫୩ । ପୁଣିଥରେ ନିଜର ବଦଳି ଆଦେଶ ପାଇଛନ୍ତି ହରିୟାଣା କ୍ୟାଡର ଆଇଏଏସ ଅଧିକାରୀ ଅଶୋକ ଖେମକା । ହରିୟାଣା ସରକାରଙ୍କର ସାଇନ୍ସ ଆଣ୍ଡ ଟେକ୍ନୋଲୋଜି ମନ୍ତ୍ରାଳୟରେ ପ୍ରମୁଖ ସଚିବ ଥିବା ଆଇଏଏସ୍‌ ଅଧିକାରୀ ଅଶୋକ ଖେମକାଙ୍କୁ ପ୍ରତ୍ନତତ୍ତ୍ୱ ଓ ସଂଗ୍ରହାଳୟ ବିଭାଗକୁ ବଦଳି କରାଯାଇଛି । ୨୮ ବର୍ଷର ଚାକିରି କାଳ ମଧ୍ୟରେ ଏହା ହେଉଛି ତାଙ୍କର ୫୩ ତମ ବଦଳି । କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରାଳୟରେ ୧୫ ମାସ ପାଇଁ କାର୍ଯ୍ୟ କରିବା ପରେ ଗତ ମାର୍ଚ୍ଚ ମାସରେ ତାଙ୍କର ବଦଳି ସାଇନ୍ସ ଆଣ୍ଡ ଟେକ୍ନୋଲୋଜି ମନ୍ତ୍ରାଳୟକୁ ହୋଇଥିଲା। ତେବେ ନୂଆ ନିଯୁକ୍ତିକୁ ୮ ମାସ ନ ପୁରୁଣୁ ପୁଣିଥରେ ତାଙ୍କୁ ବଦଳି କରାଯାଇଛି । ହରିୟାଣାରେ ବିଜେପି ସରକାର ଆସିବାର ଗୋଟିଏ ମାସ ମଧ୍ୟରେ ତାଙ୍କୁ ବଦଳି କରାଯାଇଛି । ହରିୟାଣାରେ ଆଇଏଏସ ସ୍ତରରେ ବଡ ଧରଣର ବଦଳି ହୋଇଥିବା ୧୪ ଜଣ ଆଇଏଏସଙ୍କୁ ବଦଳି କରାଯାଇଛି । ଯେଉଁଥିରେ ଅଶୋକ ଖେମକାଙ୍କ ନାଁ ମଧ୍ୟ ରହିଛି ।

Advertisment

ତେବେ ବଦଳି ପରେ ଖେମକା ଟ୍ୱିଟ୍ କରି କହିଛନ୍ତି, ‘ସମଗ୍ର ଦେଶରେ ସମ୍ବିଧାନ ଦିବସ ପାଳିତ ହେବାର ଦିନକ ମଧ୍ୟରେ ମୋତେ ମୋର ପୁରସ୍କାର ମିଳିଯାଇଛି । ସଚ୍ଚୋଟତାର ପୁରସ୍କାର ହେଉଛି ଅପମାନ’ ବୋଲି ଟୁଇଟ୍‌ କରି କହିଛନ୍ତି ଅଶୋକ ଖେମକା।

ବିଜେପି ସରକାର ଆସିବା ପୂର୍ବରୁ କଂଗ୍ରେସର ହୁଡ୍ଡା ସରକାର ସମୟରେ ଖେମକାଙ୍କର ୨୨ ଥର ଟ୍ରାନ୍ସଫର ହୋଇଥିଲା । ତେବେ ଅଶୋକ ସେତେବେଳେ ଚର୍ଚ୍ଚାକୁ ଆସିଥିଲେ ଯେତେବେଳେ ସୋନିଆ ଗାନ୍ଧୀଙ୍କ ଜ୍ୱାଇଁ ରର୍ବଟ ଭଦ୍ରାଙ୍କ ଜମି କାରବାରର ଯାଞ୍ଚ କରି ଏହାର ଖୁଲାସା କରିଥିଲେ । ସେତେବେଳେ ସଙ୍ଗେ ସଙ୍ଗେ ତାଙ୍କୁ ପରିବହନ ବିଭାଗକୁ ବଦଳି କରାଯାଇଥିଲା । ଯାହାକୁ ନେଇ ସରକାରଙ୍କ କାର୍ଯ୍ୟଶୈଳୀ ଉପରେ ପ୍ରଶ୍ନ ଉଠାଇଥିଲେ ଲୋକେ ।