କନକ ବ୍ୟୁରୋ : ୟୁକ୍ରେନ୍-ଋଷ ଯୁଦ୍ଧକୁ ମାସେ ପୂରିଲାଣି । କିନ୍ତୁ ଯୁଦ୍ଧ ଥମିବାର ନାଁ ନେଉନାହିଁ । ୟୁକ୍ରେନର ବଡ ବଡ ସହର ଉପରେ ଆକ୍ରମଣ କରି ଋଷ ଏହାକୁ ଛାରଖାର କରି ଦେଇଛି । ଯୁଦ୍ଧ ପାଇଁ ଅନେକ କଟକଣା ଋଷ ଉପରେ ଲାଗିଥିଲେ ମଧ୍ୟ ଏଥିରେ ପଛଘୁଞ୍ଚା ଦେଇନାହାନ୍ତି ପୁଟିନ । ବରଂ ଯୁଦ୍ଧକୁ ଆହୁରି ପ୍ରଚଣ୍ଡ କରିବାକୁ ନିର୍ଦ୍ଦେଶ ଦେଇଛନ୍ତି ପୁଟିନ । ଅନ୍ୟପଟେ ୟୁକ୍ରେନର ରାଷ୍ଟ୍ରପତି ଜେଲେନସ୍କି ଏବେ ବିଭିନ୍ନ ବ୍ୟକ୍ତିବିଶେଷଙ୍କ ମାଧ୍ୟମରେ ଶାନ୍ତି ପ୍ରସ୍ତାବ ପଠାଇବା ଆରମ୍ଭ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଋଷର ବିତ୍ତଶାଳୀ ବ୍ୟକ୍ତି ତଥା ବ୍ରିଟେନର ଚେଲସି କ୍ଲବର ମାଲିକ ରୋମନ ଆବ୍ରାମୋଭିଚ ଏହି ଶାନ୍ତି ପ୍ରସ୍ତାବର ଦୂତ ସାଜି ଋଷ ରାଷ୍ଟ୍ରପତି ପୁଟିନଙ୍କୁ ନିକଟକୁ ଆସିଥିଲେ ମଧ୍ୟ ଏହା ସଫଳ ହୋଇନାହିଁ । ୟୁକ୍ରେନ ରାଷ୍ଟ୍ରପତି ଜେଲେନସ୍କି ଦେଇଥିବା ଶାନ୍ତି ପ୍ରସ୍ତାବ ଋଷ ରାଷ୍ଟ୍ରପତି ଗ୍ରହଣ କରିନଥିବା ବେଳେ ଏହାର ଜବାବରେ କହିଛନ୍ତି ଜେଲେନସ୍କିଙ୍କୁ ମୁଁ ବରବାଦ କରିଦେବି ।
ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ରୋମନ ଆବ୍ରାମୋଭିଚଙ୍କ ହାତରେ ଜେଲେନସ୍କି ଯେଉଁ ଶାନ୍ତି ପ୍ରସ୍ତାବ ଦେଇଥିଲେ ସେଥିରେ ଯୁଦ୍ଧ ସମାପ୍ତ କରିବାକୁ ସମସ୍ତ ପ୍ରକାର ସର୍ତ୍ତ ଉଲ୍ଲେଖ ରହିଥିଲା । କିନ୍ତୁ ଏହି ସର୍ତ୍ତକୁ ଗ୍ରହଣ କରିନଥିଲେ ପୁଟିନ । ଆଲୋଚନା ମାଧ୍ୟମରେ ଯୁଦ୍ଧ ସମାପ୍ତ କରିବାକୁ ଜେଲେନସ୍କି ଆଗ୍ରହ ପ୍ରକାଶ କରିଥିଲେ । କିନ୍ତୁ ପୁଟିନଙ୍କୁ ଏହା ପ୍ରଭାବିତ କରି ପାରିନଥିଲା ।
ତେବେ ଋଷ-ୟୁକ୍ରେନ ମଧ୍ୟରେ ଯୁଦ୍ଧ ସମାପ୍ତ ସହ ଶାନ୍ତି ପ୍ରତିଷ୍ଠା ପାଇଁ ରୋମନ ଆବ୍ରାମୋଭିଚଙ୍କୁ ମଧ୍ୟସ୍ଥତା କରିବା ମହଙ୍ଗା ପଡିଥିବା କୁହାଯାଉଛି । କାରଣ ପ୍ରକାଶିତ ରିପୋର୍ଟ ଅନୁଯାୟୀ, କିବରେ ଏକ ବୈଠକ ପରେ ରୋମନ ଆବ୍ରାମୋଭିଚଙ୍କୁ ବିଷ ଦିଆଯାଇଥିଲା ।