କରୋନା ଟିକାକୁ ନେଇ ଅଖିଳେଶ ଯାଦବଙ୍କ ବିବାଦୀୟ ବୟାନ । ଗଣମାଧ୍ୟମ ଆଗରେ କହିଲେ ମୁଁ ଲଗାଇବି ନାହିଁ ବିଜେପି ଟିକା । ବିଜେପି ନେତା କହିଲେ ଟିକା ବିଜେପିର ହେଲେ ଅଖିଳେଶ ହେଉଛନ୍ତି ଭାଇରସ୍ ।
କନକ ବ୍ୟୁରୋ : ମାଗଣାରେ ଭାରତୀୟ ମାନଙ୍କୁ କରୋନା ଟିକା ଦେବାକୁ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ ଘୋଷଣା ପରେ ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀଙ୍କ ବୟାନ ଏବେ ରାଜନୀତି ସରଗରମ ହେବାରେ ଲାଗିଛି । ଅଖିଳେଶ ଯାଦବ କହିଛନ୍ତି କି ଆମେ ବିଜେପି ଟିକା ଲଗାଇବୁ ନାହିଁ । ଏହି ଟିକା ବିଜେପି ଭଳି ନକଲି ବୋଲି ସେ କହିଛନ୍ତି । ଏହାକୁ ନେଇ ଏବେ ରାଜନୀତି ସରଗରମ ହୋଇଛି । ଉତ୍ତରପ୍ରଦେଶର ଜଣେ ବରିଷ୍ଟ ବିଜେପି ନେତା ଅଖିଳେଶଙ୍କ ବୟାନ ଉପରେ କହିଛନ୍ତି କି ଭାଇରସ୍ ତୁମର ହୋଇପାରେ କିନ୍ତୁ ଭ୍ୟାକସିନ୍ ଆମର ନୁହେଁ । ଦେଶର ବୈଜ୍ଞାନିକ ମାନେ ଫାର୍ମାସ୍ୟୁଟିକାଲ କମ୍ପାନୀ ସହାୟତାରେ ପ୍ରସ୍ତୁତ କରିଛନ୍ତି । ତେଣୁ ଟିକା କେବଳ ବିଜେପି ମନ୍ତ୍ରୀ ମାନଙ୍କ ସହାୟତା ଓ ଦୃଢମନୋବଳ ଯୋଗୁଁ ଖୁବଶୀଘ୍ର ପ୍ରସ୍ତୁତ ହୋଇପାରିଛି । ତେଣୁ ଏହାକୁ ଅଖିଳେଶ କିମ୍ବା ତାଙ୍କ ପରିବାର ଲଗାଇବାକୁ ମନା କରିପାରନ୍ତି । ହେଲେ ତାଙ୍କର କୌଣସି ଅଧିକାର ନାହିଁ ରାଜ୍ୟର ଲୋକଙ୍କୁ କରୋନା ଟିକାରୁ ବଞ୍ଚିତ କରିବାକୁ । ଅନ୍ୟପଟେ ଅଳ୍ପଦିନ ପରେ ଉତରପ୍ରଦେଶରେ ପଞ୍ଚାୟତ ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ତେଣୁ ଏଭଳି ଏକ ଦାୟିତ୍ୱହୀନ ମନ୍ତ୍ରବ୍ୟ ଦେଇ ଅଖିଳେଶ ତାଙ୍କ ରାଜନୈତିକ ବରିଷ୍ଠତାକୁ କ୍ଷତି ପହଂଚାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ସମାଜବାଦୀ ପାର୍ଟି ଉତରପ୍ରଦେଶରେ ଦିନକୁ ଦିନ ତା’ର ସ୍ଥିତି ଜାହିର କରିବାରେ ବିଫଳ ହେବା ଭଳି ଲାଗୁଛି । ବିଜେପିରୁ ଯୋଗୀ ଆଦିତ୍ୟନାଥ ମୁଖ୍ୟମନ୍ତ୍ରୀ ହେବା ପରେ ଏସ.ପି ହେଉ କି ବିଏସପି ହେଉ , ଯେଉଁମାନେ ଦିନେ କ୍ଷମତାରେ ଥିଲେ ସେମାନେ ଆଜି ବିରୋଧୀଦଳର ମାନ୍ୟତା ହରାଇବାକୁ ବସିଲେଣି । ଏଭଳି ସ୍ଥିତିରେ ଆଗକୁ ପଞ୍ଚାୟତ ନିର୍ବାଚନ ଥିବା ବେଳେ ଅଖିଳେଶଙ୍କ ଏଭଳି ନକରାତ୍ମକ ମନ୍ତବ୍ୟ ଦଳ ପାଇଁ କ୍ଷତି ପହଂଚାଇବ ବୋଲି କୁହାଯାଉଛି ।