ପୁଲିସ ସୁରକ୍ଷା ମାଗିଲେ ବର୍ଷା ପ୍ରିୟଦର୍ଶନୀ । ଖାଇବାକୁ ଦେବାବେଳେ ବର୍ଷାଙ୍କ ରୁମରେ ପଶି ଭିଡିଓ ସୁଟ କଲେ ଅନୁଭବଙ୍କ ସହଯୋଗୀ : ଅଭିଯୋଗ ପରେ ପହଁଚିଲା ପୁଲିସ । ସେପଟେ ମୁହଁ ଖୋଲିଲେ ଅନୁଭବ ଅତ୍ୟାଚାର ହେଉଥିଲା ଯଦି ଘରେ ରହୁଛନ୍ତି କେମିତି ?
କନକ ବ୍ୟୁରୋ : ବାସ୍ତବ ଜୀବନରେ ଯେତେବେଳେ ସିନେମାର କାହାଣୀ ଭଳି ଦୃଶ୍ୟ ସାମ୍ନାକୁ ଆସେ, ସିଏ ଯେତେବେଳେ ବଡ଼ କାଳାକାର ହୁଅନ୍ତୁ ନାଁ କାହିଁକି ବିଚଳିତ ହେବା ହୁଏତ ସ୍ୱାଭାବିକ । ଆଉ ଏଇ ହେଉଛି ସେମିତି ଏକ ସାଙ୍ଗେତିକ ଚିତ୍ର । ଘରେ ବସିଛନ୍ତି ଅଭିନେତ୍ରୀ ବର୍ଷା ପ୍ରିୟଦର୍ଶିନୀ, ଆଉ ତାଙ୍କୁ ଖାଇବା ପାଇଁ ଦିଆଯିବା ସମୟରେ ଘରେ ପ୍ରବେଶ କରିଛନ୍ତି ଦୁଇ ଜଣ ଯୁବକ ।
Kanak News is now on WhatsApp
Join and get latest news updates delivered to you via WhatsApp
ଏହି ଦୁଇ ଯୁବକ କେବଳ ଅନଧିକାର ପ୍ରବେଶ କରିଛନ୍ତି ତାହା ନୁହେଁ, ବରଂ ବର୍ଷାଙ୍କ ଅନିଚ୍ଛା ସତ୍ୱେ ମୋବାଇଲରେ ଭିଡିଓ ବି ସୁଟ୍ କରଛନ୍ତି । ଏହି ଘଟଣା, ବର୍ଷାକୁ ଭୟବିତ କରିଦେଇଛି କାରଣ, ଏହି ଦୁଇ ଯୁବକ ଅନୁଭବଙ୍କ ସହଯୋଗୀ ବୋଲି ଯେତେବେଳେ ଅଭିଯୋଗ ଆସିଛି ।
ପୁଲିସକୁ ଫୋନ୍ କଲେ ବର୍ଷା
ସୁରକ୍ଷା ମାଗିଲେ ବର୍ଷା ପ୍ରିୟଦର୍ଶିନୀ
ଆଉ ଇଏ ହେଉଛି ଏହି ଘଟଣାର ଠିକ୍ ପରର ଚିତ୍ର । ସାଇରନ୍ ବଜାଇ କଟକ ଚୌଧୁରୀ ବଜାର ନନ୍ଦି ସାହିରେ ପହଂଚି ଥିଲା ପୁରୀଘାଟ ଥାନାର ଏକ ପୁଲିସ୍ ଟିମ୍ । ବର୍ଷାଙ୍କ ଅଭିଯୋଗ ପାଇବା ପରେ ସାହିରେ ପୁଲିସ୍ ପଇଁତରା ମାରିବା ସହ ଘଟଣା ନେଇ ବର୍ଷାଙ୍କ ସହ ଆଲୋଚନା କରିଛି ।
ଏପଟେ ବର୍ଷା-ଅନୁଭବ ଦାମ୍ପତ୍ୟ ଜୀବନରେ ଉଠିଥିବା ଘଟଣା ନେଇ ମୁହଁ ଖୋଲିଛନ୍ତି ସାଂସଦ ଅନୁଭବ ମହାନ୍ତି । ଅନୁଭବ କହିଛନ୍ତି-ସେ ବର୍ଷାଙ୍କୁ ବହୁତ ଭଲ ପାଆନ୍ତି । ଘର ଭିତରେ ସମସ୍ୟାର ସମାଧାନ ହୋଇନପାରିବାରୁ ଉଭୟେ କୋର୍ଟର ଆଶ୍ରୟ ନେଇଛନ୍ତି । ଏହା ତାଙ୍କର ବ୍ୟକ୍ତିଗତ ସମସ୍ୟା । ଏବଂ ସମସ୍ୟାର ସମାଧାନ ହେବ ବୋଲି ଆଶା ରଖିଛନ୍ତି ।
ଅନୁଭବଙ୍କ ସ୍ପଷ୍ଟୀକରଣ ଏବଂ ବର୍ଷା ପ୍ରିୟଦର୍ଶିନୀଙ୍କ ଅଭିଯୋଗ ଭିତରେ ଓଲିଉଡର ସୁପରଷ୍ଟାର୍ ଯୋଡ଼ିଙ୍କ ଆଇନ୍ର ଲଢ଼େଇ ଘନେଇବାରେ ଲାଗିଛି । ଆଉ ଏହାରି ଭିତରେ ଡିଭି ଆକ୍ଟ ପ୍ରୋଟେକ୍ସନ ଅଫିସର ବର୍ଷାଙ୍କ ବୟାନ ରେକର୍ଡ କରିଛନ୍ତି ।
ସିନେମାର କାହାଣୀ ଭଳି ବର୍ଷା-ଅନୁଭବ ବିବାଦର ଧୂଆଁ ଯାହା ଏତେ ଦିନ ଧରି କୁହୁଳୁଥିଲା, ତାହା ଆଜି ନିଆଁ ହୋଇ ଜଳୁଛି । ଆଉ ଏହି ନିଆଁ ଯେଉଁ ରୂପ ନେବ ତାହା ଆକଳନ କରିବା ହୁଏତ ବର୍ତମାନ ସମୟରେ ସଂଭବ ନୁହେଁ ।