ବିବାହ ବାର୍ଷିକୀରେ ବଡ ଉପହାର । ଜହ୍ନରେ ଜାଗା କିଣି ପତ୍ନୀ ସ୍ୱପ୍ନାର ସ୍ୱପ୍ନ ପୂରଣ କଲେ ସ୍ୱାମୀ । 

723

କନକ ବ୍ୟୁରୋ : ଜହ୍ନ ରାଇଜରେ ଜାଗାଟେ କିଣିବାକୁ ସମସ୍ତଙ୍କ ଇଚ୍ଛା ଥାଏ, ନିଜ ପ୍ରେମିକାକୁ କିଏ ଜହ୍ନ ସହ ତୁଳନା କରେ ତ କିଏ ଜହ୍ନକୁ ନେଇଯିବାକୁ କହି ସ୍ୱପ୍ନ ଦେଖାଏ । ହେଲେ ସେହି ସ୍ୱପ୍ନକୁ ସତ କରିଛନ୍ତି ଜଣେ ବ୍ୟକ୍ତି । ନିଜ ପତ୍ନୀକୁ ଦେଇଛନ୍ତି ଜହ୍ନ ଉପହାର । ଆଉ ପୂରଣ କରିଛନ୍ତି ନିଜ ପତ୍ନୀଙ୍କ ସ୍ୱପ୍ନ ।

ବିବାହ ବାର୍ଷିକୀରେ ନିଜ ପ୍ରାଣପ୍ରିୟାକୁ ଖୁସି କରିବା ପାଇଁ ସ୍ୱାମୀ କିଛି ବି କରିଥାଏ । ହେଲେ ପତ୍ନୀ ପାଇଁ ଜହ୍ନରେ ଜାଗା କିଣି ଦେବେ ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ଏଭଳି ଘଟଣା ଘଟିଛି ରାଜସ୍ଥାନ ଆଜମେର ସହରରେ । ଧର୍ମେନ୍ଦ୍ର ଅନିଜା ନାମକ ଜଣେ ବ୍ୟକ୍ତି ନିଜ ଅଷ୍ଟମ ବିବାହ ବାର୍ଷିକୀରେ ତାଙ୍କ ସ୍ତ୍ରୀ ସ୍ୱପ୍ନାଙ୍କ ପାଇଁ ଉପହାର ସ୍ୱରୁପ ଜହ୍ନରେ ଜାଗା କିଣିଛନ୍ତି । ନିଜ ପତ୍ନୀଙ୍କ ନାଁରେ ଧର୍ମେନ୍ଦ୍ର ଜହ୍ନରେ ୩ ଏକରର ଜମି କିଣିଛନ୍ତି ।

କେହି ବିବାହ ବାର୍ଷିକୀରେ ନିଜ ପତ୍ନୀକୁ କାର କି ସୁନା ଗହଣା ଦେଇଥାନ୍ତି ହେଲେ ଜହ୍ନରେ ଜାଗା କିଣିବା ସମସ୍ତଙ୍କ ପାଇଁ ସମ୍ଭବ ହୋଇନଥାଏ । ହେଲେ ନିଜ ପ୍ରାଣପ୍ରିୟାଙ୍କ ଖୁସି ପାଇଁ ଜହ୍ନରେ ଜାଗା କିଣି ସାରା ଦୁନିଆ ପାଇଁ ଉଦାହରଣ ସୃଷ୍ଟି କରିଛନ୍ତି ଧର୍ମେନ୍ଦ୍ର ଅନିଜା । ତେବେ ବିବାହ ବାର୍ଷିକୀରେ ଏଭଳି ମୂଲ୍ୟବାନ ଉପହାର ପାଇ ବହୁତ ଖୁସି ଥିବା କହିଛନ୍ତି ଧର୍ମେନ୍ଦ୍ରଙ୍କ ପତ୍ନୀ ସ୍ୱପ୍ନା ।

ସବୁ ଝିଅଙ୍କର ସ୍ୱପ୍ନ ଥାଏ ତାଙ୍କ ଜୀବନସାଥୀ ତାଙ୍କ ପାଇଁ ଜହ୍ନରେ ଜାଗା କିଣନ୍ତୁ । ଆଉ ଜୀବନସାଥୀ ମଧ୍ୟ ତାଙ୍କୁ ଜହ୍ନରେ ଜାଗା କିଣାଇଦେବାକୁ ସ୍ୱପ୍ନ ଦେଖାନ୍ତି । ଏମିତି ଏକ ସ୍ୱପ୍ନ ଦେଖିଥିଲେ ଆଜମେରର ସ୍ୱପ୍ନା । ସ୍ୱପ୍ନାଙ୍କ ଇଚ୍ଛା ଥିଲା କି ତାଙ୍କ ଘର ଚାନ୍ଦରେ ହୋଇଥିବ । ଯାହାକୁ ପୂରା କରିଛନ୍ତି ତାଙ୍କ ଜୀବନସାଥୀ ଧର୍ମେନ୍ଦ୍ର ।

ସମସ୍ତେ ନିଜ ବିବାହ ବର୍ଷିକୀରେ ନିଜ ପତ୍ନୀଙ୍କୁ ଦାମୀ ଉପହାର ଦେଇଥାନ୍ତି । ହେଲେ ଧର୍ମେନ୍ଦ୍ର କିଛି ଅଲଗା କରିବାକୁ ଚାହୁଁଥିଲେ । ତେଣୁ ସେ ଆମେରିକାର ନ୍ୟୁୟର୍କର ଏକ ଫର୍ମ ଲୁନା ସୋସାଇଟ ଇଣ୍ଟରନାସନାଲ ମାଧ୍ୟମରେ ଏହି ଜମି କିଣିଥିଲେ ।