ସୁନାର ସଂସାର ଉଜାଡି ଦେଲା ଖାପ ପଞ୍ଚାୟତ । ସ୍ତ୍ରୀଠାରୁ ଅଲଗା ହୋଇ ବାହାଘରର ୭ ଦିନ ପରେ ବିଷ ପିଇ ଆତ୍ମହତ୍ୟା କଲେ ସ୍ୱାମୀ
କନକ ବ୍ୟୁରୋ : ଖାପ ପଞ୍ଚାୟତ ଉଜାଡି ଦେଲା ପ୍ରେମୀ ଜୁଗଳଙ୍କ ସୁନାର ସଂସାର । ବାହା ହେବାର ୭ ଦିନ ପରେ ବିଶ ପିଇ ଆତ୍ମହତ୍ୟା କଲା ସ୍ୱାମୀ । ମଲାକନଗିରି ଜିଲ୍ଲା ର ଏମଭି ୯ ଗାଁ ର ବଙ୍ଗୀୟ ଯୁବକ ସଂଜୀବ ହାଲଦାର ନିକଟ ବୈଲାପାଲି ଗାଁର ଜଣେ ଭିନ୍ନ ଜାତୀର ଝିଅକୁ ୨ବର୍ଷ ଧରି ଭଲ ପାଉ ଥିଲେ । ପ୍ରାପ୍ତ ବୟସ ହୋଇଥିବାରୁ ଉଭୟ ଗତ ୧୪ ତାରିଖରେ ପ୍ରଥମେ କୋର୍ଟ ମାରେଜ୍ ଓ ପରେ ଗାଁ ମନ୍ଦିରରେ ପରସ୍ପରକୁ ବର ମାଳା ପିନ୍ଧାଇ ନୂଆ ସଂସାର ଗଢିଥିଲେ ଏହି ପ୍ରେମୀ ଯୁଗଳ । ତେବେ ସମାଜର ବଡ ପଣ୍ଡାମାନେ ଏହି ଘଟଣାକୁ ସହଜରେ ହଜମ କରି ପାରି ନ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ବାହାଘରର ଦୁଇ ଦିନ ପରେ ମାଁଙ୍କ ଦେହ ଖରାପ ଥିବା କଥା କହି ଝିଅ କୁ ଗାଁ ରେ ଡାକି ଆଣି ନାନା ଚାପ ପ୍ରୟୋଗ କରା ଯାଇ ଥିବା ଅଭିଯୋଗ ହୋଇଛି । ଗତ ଶୁକ୍ରବାର ଦିନ ବୌଲାପାଲି ଗାଁ ସମେତ ପାଖ ଆଖ ଗାଁର ଶହ ଶହ ଲୋକଙ୍କୁ ନେଇ ବସି ଥିଲା ଖାପ ପଞ୍ଚାୟତ । ସେହି ଖାପ ପଞ୍ଚାୟତ ପରେ ଝିଅକୁ ଆଉ ସ୍ୱାମୀ ପାଖକୁ ଛଡା ନ ଯିବାକୁ ନିଷ୍ପତ୍ତି ହୋଇଥିଲା । ଆଉ ଏହି ଖବର ଜାଣିବାକୁ ପାଇ ସ୍ୱମୀ ସଂଜୀବ ଶନିବାର ବିଶ ପିଇ ଆତ୍ମହତ୍ୟା ଉଦ୍ୟମ କରିଥିଲେ । ପରେ ମାଲକାନଗିରି ଡାକ୍ତରଖାନାରେ ତାଙ୍କର ମୃତ୍ୟୁ ହୋଇଛି । ସଂଜୀବଙ୍କ ମୃତ୍ୟୁକୁ ନେଇ ତଦନ୍ତ ହେବା ସହ ଦୋଷୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯାଉ ବୋଲି ଦାବି କରିଛନ୍ତି ପରିବାର ଲୋକେ ।