ମୋବାଇଲରେ ସ୍ତ୍ରୀଙ୍କ ସହ ଝଗଡା ପରେ ସ୍ୱାମୀଙ୍କ ଆତ୍ମହତ୍ୟା ଅଭିଯୋଗ : ଜୟପୁରରୁ ଆସିଲା ଅଭାବନୀୟ ଚିତ୍ର, କେନାଲ ଉପରେ ଟ୍ରକ ରଖି ପାଣିକୁ ଡେଇଁ ପଡିଥିଲେ ଆନ୍ଧ୍ର ଡ୍ରାଇଭର; ଶବ ଉଦ୍ଧାର କଲା ଦମକଳ ବାହିନୀ
କନକ ବ୍ୟୁରୋ : ଫୋନରେ ସ୍ତ୍ରୀ ସହ ଝଗଡା ପରେ ସ୍ୱାମୀର ଆତ୍ମହତ୍ୟା ଅଭିଯୋଗ । ଟ୍ରକ ଡ୍ରାଇଭର ଥିବା ସ୍ୱାମୀ ସହିତ ସ୍ତ୍ରୀଙ୍କର ଫୋନରେ ବଚସା ପରେ କେନାଲକୁ ଡେଇଁ ଜୀବନ ହାରିଦେଲେ ସ୍ୱାମୀ । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଜୟପୁର ଅଂଚଳରେ । ଏପରି ଏକ ଘଟଣା ପୁରା ଅଂଚଳରେ ଚର୍ଚାର ବିଷୟ ହୋଇଛି । ଟ୍ରକ୍ ନେଇ ଆନ୍ଧ୍ରପ୍ରଦେଶରୁ ମଧ୍ୟପ୍ରଦେଶ ଆସୁଥିବା ସମୟରେ ଟ୍ରକ୍ ଚାଳକ ସ୍ୱାମୀଙ୍କ ସହିତ ସ୍ତ୍ରୀଙ୍କର ଫୋନ୍ ଯୋଗେ ବଚସା ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
କଥା ଅଧିକ ଉଗ୍ର ହେବାରୁ ଶେଷରେ ରାସ୍ତା ଅଧାରେ ଟ୍ରକ୍ ରଖି କେନାଲ ଭିତରକୁ ଡେଇଁ ପଡିଥିଲେ ଟ୍ରକ୍ ଡ୍ରାଇଭର । ଜୟପୁର ଟାଉନ ଥାନା ପୋଲିସ ଏବଂ ଅଗ୍ନିଶମ ବାହିନୀ ପହଁଚି ଘଟଣା ସ୍ଥଳରୁ ଶବ ଉଦ୍ଧାର କରିଛି । ମୃତ ଡ୍ରାଇଭର ଜଣକ ଆନ୍ଧ୍ରପ୍ରଦେଶ ସାଲୁର ଅଂଚଳର ଏମ୍ ଶିବା ବୋଲି ଜଣାପଡିଛି ।