ସରକାରୀ ଅଫିସରେ ଉଈ ଚାଷ । ଗଣଶିକ୍ଷା ମନ୍ତ୍ରୀଙ୍କ ଶିକ୍ଷା ବିଭାଗର ଫାଇଲ ଚରିଗଲେ ଉଈ । ପୁରୀ ଜିଲ୍ଲା ଗୋପ ବ୍ଲକ ଶିକ୍ଷା ବିଭାଗର ଶହଶହ ଗୁରୁତ୍ୱପୂର୍ଣ୍ଣ ଫାଇଲ ନଷ୍ଟ
କନକ ବ୍ୟୁରୋ : ସରକାରୀ ଅଫିସରେ ଚରିଗଲେ ଉଈ । ଗଣଶିକ୍ଷା ମନ୍ତ୍ରୀ ସମୀର ଦାଶଙ୍କ ବ୍ଲକରେ ଶିକ୍ଷା ବିଭାଗର ଶହଶହ ଗୁରୁତ୍ୱପୂର୍ଣ୍ଣ ଫାଇଲ ଖାଇଗଲେ ଉଈ । ପୁରୀ ଜିଲ୍ଲା ଗୋପ ବ୍ଲକ ଶିକ୍ଷା ବିଭାଗ କାର୍ଯ୍ୟାଳୟରେ ଉଈ ଲାଗି ଅନେକ ଫାଇଲ ନଷ୍ଟ ହୋଇଯାଇଛି । ଅଫିସ ଭିତରେ ବହୁ ଫାଇଲରେ ଉଈ ଲାଗିଥିବା ଭିଜୁଆଲ କନକ ନ୍ୟୁଜରେ କଏଦ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
କ୍ୟାମେରାରେ ବ୍ଲକ ଶିକ୍ଷା ଅଧିକାରୀଙ୍କ ଅଫିସର ଭିଜୁଆଲ କଏଦ ହେବା ପରେ ଚାକିରି ଚାଲି ଯିବ କରି ଖବର ପ୍ରସାରଣ କରିବାକୁ ବାରଣ କରିଥିଲେ, ମଣ୍ଡଳି ଶିକ୍ଷାଧୀକାରୀଙ୍କ କାର୍ଯ୍ୟାଳୟର ଜଣେ କିରାଣୀ । ଅଦରକାରୀ କାଗଜ ପତ୍ରରେ ଉଈ ଲାଗିଥିବା କହି ସତ ଲୁଚାଇବାକୁ ଚେଷ୍ଟା କରିଥିଲେ ।
ସେପଟେ ଏହି ଘଟଣାରେ ଶିକ୍ଷାଧିକାରୀ ଓ ଅତିରିକ୍ତ ଶିକ୍ଷାଧିକାରୀଙ୍କ ପ୍ରତିକ୍ରିୟା ନେବା ପାଇଁ ଚେଷ୍ଟା କରିଥିଲେ ଆମ ପ୍ରତିନିଧି । ହେଲେ ଦିନ ୧୨ଟା ଯାଏଁ କୌଣସି ଅଧିକାରୀଙ୍କ ଦେଖା ନଥିବା ବେଳେ ସମସ୍ତ ଚୌକି ଖାଲି ପଡିଥିଲା । ତେଣୁ ଏନେଇ କାହାରି ପ୍ରତିକ୍ରିୟା ମିଳିପାରି ନାହିଁ । ଅନେକ ସମୟରେ ରାଜ୍ୟ ଶିକ୍ଷା ବ୍ୟବସ୍ଥାକୁ ନେଇ ଅନେକ ପ୍ରଶ୍ନ ଉଠୁଥିବା ବେଳେ ଶିକ୍ଷା ମନ୍ତ୍ରୀଙ୍କ ବ୍ଲକରେ ଶିକ୍ଷା ବିଭାଗ ଅଫିସରେ ଉଇ ଲାଗିବା ଘଟଣା ସମସ୍ତଙ୍କୁ ଆଶ୍ଚଯ୍ୟ କରିଛି ।